السلام عليكم و رحمة الله

رمضانكم مبارك إخوتي
أعاده الله علينا و عليكم باليمن و البركة
و كل عام و انتم بخير و أهلكم بخير

أهلا بكم في العدد الثاني من
سلسلة الكاميرا كاشي برعاية " مكارم "
لرمضان 1440 هـ
مع ضحية أخرى " مافهم فيها والو خونا "

دون إطالة أكثر إليكم ما حدث ..

~ Great Pride ~ : هذي ماشي قاع عفسة ديرها مليك
تروح و تخليها هكذاك ؟؟‼

وليد الجزائر : شكون اكرام

~ Great Pride ~ : انت علابالك ...

وليد الجزائر : والله ماعلابالي شكون

~ Great Pride ~ : ياه
تلعب فيها بلي ماعلابالكش ‼
مليك خلينا من اللعب الصامط هذا
علاه مسكينة علاه ؟

وليد الجزائر : اااا اكرام والله ماعلابالي والله مانتمسخر شكون هذي

~ Great Pride ~ : مليك ‼
واش بيك ديجا نسيت ول ؟
بركا من التمسخير هذي حاجة ماينساوهاش

وليد الجزائر : والله ما نتمسخر قوليلي يرحم والديك

~ Great Pride ~ : ياااا
ماعلابالكش ؟
مليك هذيك تاع البارح .. نسيتها زعما ؟

وليد الجزائر : انا البارح ماكونتش هنا اكرام بركاي ماتخلعي فيا قوليلي

~ Great Pride ~ : ماشي هنا -_-
اتفكر اتفكر
و لا نقولك .. بركا ما تلعب فيها
و ادخل في السوجي مباشرة
ماتجيبش بيا الوقت

وليد الجزائر : اكرام وراس ماما وراس بابا ماعلابالي
وين البارح

~ Great Pride ~ : صحا صحا ماعليش
تشفى كي كنت تمشي و هذيك النملة مسكينة ماشفتهاش
عفست عليها
ولادها مساكن يتمتهم و هوما صغار
علاه مسكينة ؟ واش دارتلك ؟

وليد الجزائر : اكرام شكون خليت بركاينا من تمسخير وجاوبيلي

~ Great Pride ~ : النملة النملة
راني قتلك

وليد الجزائر : اكرام راني سيريو اهدري

~ Great Pride ~ : مام انا راني سيريو
قتلك النملة

وليد الجزائر : البارح انا ماتلاقيتش خلاص بالنمل من صباح وانا فالدار

~ Great Pride ~ : ههه مليك
كاميرا كاشي برك
كاميرا كاااشي

وليد الجزائر : يعني والله هبطيلي قلبي

أيا انتهى

النملة يا خو النملة ههه
قتلتني علابالك
ههه
جبتيلو لخلعة و مافاهم فيها والو
ايا الله يحفظك
راني نستنى فكاش ضحية اخرى خخ

ههه إكرام حتى عضو ماسلك منك هههه
ايا بصحتك الاخ وليد الجزائر خخ
يعطيك الصحة إكرام
عسوا رواحكم

هههههه
النملة النملة
ايه يا اكرام كل يوم ضحية ههه

هههههه النملة يا النملة هههه
يعني سيريوو مفهم والوو هههه
شريرة
بإنتظار ضحية اخرى هههه

خخخ الحمد لله الواحد يدي احتياطاته.منكم اسيدي^^
كي نتي كي هبة
ما رحمتو.واحد خخخ

ههههههههههه النملة راني سيريو والله قتلتيني من الضحك ما خليتو حتى واحد

ههههههه يعطيكك الصحة ملكة المقالب قلتيه مسكين

ههههه اكرااام يعطييك الربح
يا مسكين مليك مافهم واالو

ههه سيناريو مليح النملة صار فوق راسها الريش هه شكرا اكرام بانتظار جديدك