الملاحظات
منتدى اللهجة الجزائرية [ شـا تحكيـلنا ] :: كـل مـا يتـعلق بالهـجات المحـلية الجـزائـرية
2014-10-27, 20:40
#1
FifiBarçaLove
:: عضو جديد ::
تاريخ التسجيل : Oct 2014
العمر : 10 - 15
الجنس : انثى
المشاركات : 18
تقييم المستوى : 0
FifiBarçaLove غير متواجد حالياً
06 3anek 7kaya?? ana 3andi odokhlo!!
1زوج مهابل طلعو في طيارة . قال واحد لصاحبو اهبط جيبلي لحليب. المهبول لاخر حل باب الطيارة وهبط . بعد نص ساعة.طل صاحبو لقاه شايد في جناح الطيارة .. قالو العب العب و مبعد ارواح قولي لحوانت مغلوقين
2واحد غبى واقف في الشارع و يهدر في البورتابل

و يعيط و يقول: زيدي حوسي ، زيدي حوسي.

واحد جا عاقب في الشارع جا ليه قال لو: واش بيك ؟؟؟؟

اخد المحمول منه وسمع ... لقى ....

(الرقم الذي طلبته غير موجود في الخدمة تبا كم نحن ادكياء

3مهبول دخل متحف حرك مزهرية عثمانية و طيحها تكسرت .قالو مسؤل المتحف ...واش درت يا جدك
هادي راها من القرن الثامن عشر ؟
:د عليه المهبول
خلعتني الله لا تربحك أنا حسبتها جديدة

3واحد راح لحانوت تع مواد غدائية لقا صاحب الحانوت يحرق في فار و هو حي قالو وعلاه عليك راحو حرام إلي دير فيه
...قالو مول الحانوت عندي.شكاير شكاير تع سميد و تع سكّر محلولين
خلاهم الكل و ما حلالو في عينوا غير ياكلي الكراس تع الكريدي

4عجوزة سقسات جارتها... واش صار فالفيلم البارح!!..قالت ...اسكتي ياخيتي لوكان ماطفيتش التلفزيون كان راح
.يطلقها

5 قالك واحد سقسا واسمو الأحد بالفرنسية قالولو
Dimanche
موراها سقساوه كيفاش نقولو نص نهار بالفريسية قالهم:
..Demi manche

6 قالك مرة طفل كمل الصلاة بدا يدعي و يقول : يااااا ربي تولي روما عاصمة اليابان
سمعتو أمو قاتلو : وعلاش يا وليدي ؟؟
قالها : ا
اعلى خاطر هكدا كتبت في الامتحان

7واحد وقفو بوليسي فالسيارة نتاعو
..- قالو….مالك مادايرش السنتورة !
.- قال نسي...تها فالسروال لاخر !
- قالو ارا لوراق ديال لوطوموبيل ملي عطاهوملو قالو مراكش تبان )زعما فالصورة
- قالو…. واش تحب غير من الخدمة لدار ومن الدار لخدمة
....- قالو هاد طوموبيل مسوريا
- قالو.. لا ..من طليان
- قالو نتا مزوج
- قالو… ايه مزوج بمرا
-قالو علاش كاين لي مزوج براجل
- قالو… ايه
- قالو… شكون
قالو…ختي

السلام عليكم ورحمة الله
مجموعة من النكت ارجو ان تنال اعجابكم
+
+
+
واحد بنى جامع كي شاف فيه الغاشي ردها قهوة
+
ميكانيكي شرا سرير رقدت تحتوا
+
امراة طلقت شعرها هربلها

+
امراة عجبها الحال تزوجت به
+
واحد مريض بقلبوا بدللولو قلب نتاع بلاستيك عشق في بسينة
+
واحد شرى صباط كبير عليه ولى يقادرو
+
قالك واحد شرب قهوة حصلولو الكراسئ
+
قالك خطرة واحد بلع نص حبة كاشي نتاع الرقاد رقد بعين وحدة
+
في مرة واحد سرقولوا fispa103 واشترى واحدة اخرى فسرقوهالوافذهب الى الشرطة وقال لهم سرقولي 206
+
بوليسي للمحبوس : نتا ماديرش خلاص الخير في حياتك؟ رد عليه: لا ندير، أني هنا باش تسلك انت
+
جزايري و ماريكاني و فرنساوي قالولهم أبلوكيو كمبيوترBloquer
الماريكاني جرب جرب جرب ماقدرش
الفرنساوي جرب جرب جرب ماقدرش
جا الجازايري بلوكاه قالولو كيفاش؟؟؟؟
قاللهم عطيتو مسألة صغيرة:
"حقل طوله 75هكتار و عرضه 50هكتار *السؤال: ما هو عمر الفلاح؟
+
قالك خطرة الرئيس تع المركان عرض الرئيس تع الجزائر ...الرئيس تع المريكان قال للجزائري ارواح نبينلك بلي عندي عسكر مارينز مهبول ..الجزائري قالو معليش ...ايا طلعو في الطيارة ..الرئيس تع المركان امر العسكر دياولو و قالهم ارمو رواحتيكم من الطيارة ...رماو رواحتيهم من الطيارة ...الرئيس تع الجزائر راسو حبس اوووووووووو....الرئيس تع الجزائر حاب يخلفهالو ......عرضو جا الرئيس تع المريكان للجزائر ...داه للكازيرنا ...بدا الرئيس تع الجزائر يهدر مع الجنود ايا شكون حاب يسويسيدي ...الكازيرنا tous حبت تسويسيدي مفهم والو الرئيس تع المريكان ...المهم..طلعو في الطيارة و بداو ...واحد عطاها على صدرو ...واحد على راسو ...واحد عاى ظهرو ...الاخير جا يتشبك ...شدوا تع المريكان قالو خلاص امنت ...واش قالو الاخير ....نحي يدك هدي بلاد نعيش فيها....
مرة واحد طاح من باطيمة تكسرو عظامو كامل غير وجهو
في رايكم لاه
وجهو قصديرة

-------------------------------------------------------------------------------------------------
مرة طفلة طلقت شعرها هرب
-------------------------------------------------------------------------------------------------
مرة صحفي تزوج بصحفية
ولدت عندهم طفلة سماوها
خبر عاجل

--------------------------------------------------------------------------------------------------
قالك مرة زوج
واح يقول احنا فالنهار ولاخر يقول احنا فالليل
وبقاو هكاك
لقاو واحد سقساوه:
خويا حنا فالليل ولا فالنهار
قالهم اسمحولي ما نسكنش هنا
--------------------------------------------------------------------------------------------------

الطبيب:أسنانك بحاجة إلى تقويم !
المريض: هجري أم ميلادي ؟!!
-----------------------------------------------------------------------------------------------------

الزوجة : علاش قطعت من المجلة المقال الذي عنوانه ( كيف تعيش مائة سنة )
الزوج : خفت تقراه أمك.
-----------------------------------------------------------------------------------------------------

فيه وحدة راحت تخطب لولدها، سألتها العروس "ابنك يدخن" ؟ قالت العجوز " والله ما أظن بس يمكن لما بيكون سكران يدخن"
------------------------------------------------------------------------------------------------------------
واحد حب يشري سروال لوبيا مالقاش شري سروال عدس

-------------------------------------------------------------------------------------------------------------
واحد تغابض مع الدار انتاعهم قال لاختو اعطيني حوايجي ونخرج ما نزيدش نيجي عطاتلو الجال وقاتلو هاذا ما عندك.

-------------------------------------------------------------------------------------------------------------------
واحد غبى قص راص صاحبو و قال: درك يهبل كون ينوض و ما يلقاش راسو

-------------------------------------------------------------------------------------------------------------
في ديك دائما مزكم ليش ؟؟؟لأنو متزوج دجاجة مجمدة ......كونجلي

--------------------------------------------------------------------------------------------------------------
مره فى واحد رفد انبوبة غاز باش يعمرها لأمه العجوز فقال لامه ادعيلى يا يما قالتله الله يفتحها فى وجهك.

---------------------------------------------------------------------------------------------------------------------
مره واحد عنده مزرعهدجاج وراه للمزرعة نتاع الدجاج لقى
ما باضوش ولا بيضه ،حكم دجاجة وقص ريشها وقال اللي مش رايحة تبيض
في اليوم 5بيضات نديرلها كيما درت للدجاجة هذي ، جا تاني يوم ولقي الدجاج
كلها بايضين 5 بيضات الا وحده بايضه بيضتين برك،حكمها
وقال وعلاه 2 ، ردت عليه وقالت: احمد ربي على زوج ... راني فروج.

------------------------------

مرة واحد جزائري عزمو واحد ياباني على الغداء وعطالو الارز ياكلو بعصي الاكل فبقي جائع لانو ماعرف ياكل فيها .في الشهر التاني عزم الجزائري الياباني على الاكل و حطلو كسكسي و عطالو ابرة ياكل فيها

-----------------------------

مرة واحد فلسطيني صراتلو اكسيدون في (الجزائر) وبقي هناك شهر واحد ولما جات الشرطة تسالو من وين انت قال :انا من قزة ....

----------------------------------------------------------

كان مرة هندي وصيني يعملان معا في ورشة بناء ، ويوما صعد الصيني الطابق الثالث في بناية ضخمة ثم سقط من الاعلى الى الاسفل فقام و تابع عمله و بمجرد ان رآه هندي أخذ عطلة لمدة ثلاثة ايام ...
-----------------------------------

-------------------------------

تم القبض على ثلاثة مخمورين الاول امريكي
والثاني اسرائيلي والثالث جزائري ..وحكم القاضي الشرعي بجلد كل واحد منهم عشرون جلدة ..
وأثناء تجهيزهم للجلد اقبل الجلاد عليهم مسرورا
وقال لهم ¦ لقد وضعت زوجتي اليوم مولودا جديدا
وطلبت مني أن أمنح كل منكم امنية بهده المناسبة .
قال الامريكي وكان أول من تقررالبدء بجلده ¦
أرجو ان تربط الى ظهري وسادة قبل الجلد ..فقام الجلاد
بذلك ..فتمزقت الوسادة في الجلدة العاشرة ..فلما انتهى
الجلاد اخد الامريكي يبكي بشدة وقد تمزق ظهره وسالت دمائه.
قال الاسرائيلي وقد حان دوره ¦أما انا فأمنيتي ان تربط وسادتين
الى ظهري ..ففعل الجلاد ذلك ولكن ما لبثت الوسادتان أن تمزقتا
من الجلدة الخامسة عشر..وتلقى الاسرائيلي باقي الجلدات وهو
يصرخ ويبكي من الألم ..
قال الجلاد للجزائري وقد كان اخرهم ¦ انت اخ جزائري وجار شقيق
لذا سأمنحك أمنيتين ..
قال الجزائري ¦ شكرا لك يا سيدي على كرم أخلاقك ..فان أمنيتي الأولى
هي أن تجلدني مئة جلدة بدلا من عشرين
فقال الجلاد متعجبا ¦ ما أشجعك من رجل ..لك ذلك وما امنيتك الثانية؟
فتبسم الجزائري وقال ¦
أما الثانية فأن تربط الاسرائيلي على ظهري...


------------------------------------



مدرس سأل طلاب: اللي يحس إنه غبي يوقف؟
وقف واحد فقاله المدرس: انت حاس إنك غبي؟
قال:لا بس قلت عيب اخليك واقف بمفردك
..........



قال المعلم ل------------ أدخل has في جملة مفيدة ..قال ال------------: hasبي الله ونعم الوكيل.

في واحد كريم ولدت له مرته توأم فرح كثيرا وحلف على الدكتور ياخذ واحد.

واحد .....ينظر في واحد فوق عينه حبة خانة..... ويقول له : بالله عليك هذي عين والا غين ؟

واحد قروي .. ركب مع تكسي، ركب زوجته قدام علشان السواق ما يناظرها بالمراية


عجوز نبتت لها حبة ثالول في راس انفهاا ...... فرحت ؟ تحسبها حبة شباب


أحول...... سجل في الجيش ...... حطوه في قسم القصف العشوائي

اثنين ساكنين في خيمة وراقدين على ظهورهم باللي نظر الأول للسما وقال للثاني وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي
-------------------------------

شاب يسال في شابة قالها انت دايرة قالتلو لالا بلدية.
واحد ايتبع في وحدة ومااهدرلهاش قع ايا يمشي وراها ومن بعد تلاقات في شاب وقعدت تتكلم معاه ومن بعد اتفارقو اقعد ايتبع فيها ايا دارت في خشة قالها اسمع اللي بايناتنا انسايه
واحد قاعد ايتبع في وحدة ومن تالي قالتلو اعطيني واحدتيليفونك قالها راني غير مسلفو
في يوم معلم دخلوا مسمار في كراعو وراح لطبيب باش ينحو قالو أعطيني 10000 تفاجئ المعلم وقالوا عوجو وخليه
واحد قاللو علاه ماتخدمش على روحك قاللهم علاه نخدم قالولو باش تتزوج قاللهم واعلاش نتزوج قالولو باش اتجيب ادراري قاللهم واعلاش انجيب ادراي قالوو باش يخدمو عليك كتكبر وانتا اتكون امرح قاللهم راني امريح من ضركي..
كاين واحد المعلم كان في لا بوست يخلص ، كي خلص جاتو عجوز تطلب، قالتلو : وليدي فرحلي الذراري الله يفرحك ، قال لها حبيتي انفرحلك اذراري؟ قالتلو إيه يا وليدي ، قال لها : قوليلهم الغدوة ماكاش القراية.
جاء العروبي والافريقي والالماني في الصحراء ايا اطلعلهم عفريت قللهم كل واحد يعطيني امنية واحدة قالو الالماني نرجع لدارنا قالو صحة ايا ارجع جاء الافريقي قالو انحوس انولي بوقوس كيما الالماني قالو العفريت صحة جاء العروبي قالو العفريت وانت قالو العروبي يرجع الافريقي كيما كان.
واحد قال لواحد لو كان تعرف واش في جيبي نعطيلك حوتة قالو الثاني بحر.
مرة قالك الحرس البلدي دايرين باراج ايا جات الكار حبسوها طلع ليها واحد من الحرس البلدي وقال لواحد من الركاب وزعمة هدا الحارس يهدر بالفرنسي قالو toi اعطيني لا كارت وهداك الشاب ماكانش حاط معاه عاودهالو الحارس راني عليك toi اعطيني لا كارت قالو الشاب moi قالو الحارس البلدي وقيلا je

قالك كاين واحد يدراقي في واحد الدام Madame كي دارت عندو قالها: اسمحيلي حسبتك اما (امي). جاوباتو: حاشاك أنا متزوجة.
قالك واحد الجوندارم معسكري لقى طاكسي محبس في الطريق قاللهم اجبدوا لي كارت. قالتلوا واحد المراة لا كارت ديالي راهي عند mon marie ، قاللها وين راه، قالتلو راه في القهوة، ايا راح للقهوة وبدا يعيط ، وين راه هاذا mon marie.


----------------------
قالك واحد السرارقة دخلو لدار فيها راجل ومرتو رسمولهم دوايرة في الدار و حطوهم فيها وقالولهم ماتخرجوش منها حتانسرقو الدار ونخلصو وكون يخرج صبع من الدوايرة نقتلوكم و مباعد شوية ناد الراجل يضحك قالتلو مرتو علاش تضحك قالها من الصباح وانا نخرج في رجلي ومافاقو
قالكواحد الفيل داس على غار النمل واحد النملة يسموها عيشونة طلعة فوقوا كي لحقة لرقبتوا قالتلوا ضك نخنقك ولا واش ندير فيك

----------------------------------------------------------

قالكواحد الفيل داس على غار النمل واحد النملة يسموها عيشونة طلعة فوقوا كي لحقة لرقبتوا قالتلوا ضك نخنقك ولا واش ندير فيك


---------------------------
واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح


--------------------------------

واحد صحفي ازوج مع صحفية جابو طفل سماوه ( خبر عاجل )


-----------------------------------
واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)

-------------------------------------

في مرة واحد معسكري حب يخطب واحدة وهرانية ردوا عليه اهلها مازالت تقرا فرجع اليهم على الساعة 5 مساءا وقالهم خلصت القراية


-------------------------------------

-مرة معسكري مع يماه. قالتلو نروحو لوهران. قالها بصح ناس وهران مايحبوناش و يتمسخروا بينا. قالتلو معليش النهار الاول يتمسخرو. و النهار الثاني ينساو شوية. و النهار الثالث ينساو قع. قالها امالا نروحو النهار الثالث.


---------------------------------

قالك شاذلي كره من كثرة النكت اللي خرجت عليه. لم قع النكت و دارهم في كتاب و رماه في البحر. زاد شوية خرج حوت ميت بالضحك


-----------------------------------------

قالك مرة واحد وهراني مع صاحبو المعسكري دخلو لوحد القهوة نطق الوهراني قالو اعطيني وحدا اورونجينا ومبعد نطق المعسكري قالة انا اعطيني معسكرجينا

------------------------------

قالك واحد معسكري ماجاهش النعاس رقد و خلاه


-------------------------
قالك دودة حبت تتكسل تقطعت

---------------------------

قالك واحد الراجل كلما يدوش يحط دودة فوق راسوا علاش؟؟؟؟؟؟؟؟؟؟؟؟؟؟؟؟ مكتوب على الشامبو: ضعه لثواني معدودة

---------------------------------

واحد جا رايح يبني المستقبل مالقاش الطوب

-------------------------------------------------
واحد احول قل لباباه اعطيني 5 دينار انت ولا عمي قالو باباه ايدي خوك واخرج عليا

قلك مرة اليابان اخترعت حاسوبا يمكنه الاجابة على اي سؤال ............ جاء الماريكاني و بدا يسقسي و الحاسوب يجاوب .
جا الطلياني لكن دون جدوى ....جا الجزايري كتب حاجة تفلق الميكرو
سقساوه واش كتبتي قلهم*كتبت حقل طوله 700م و عرضه 200م ما هو عمر الفلاح*

-----------------------------------------

قلك واحد باشع شاف روحو في المرايا جاتو مكتوبة نعتدر على الصورة


*****************************************


قلك واحد شرى تيليفيزيون كي شعلواجاه ماتش تع فووت راح جاب بيدون ما و صبوا ع التيليفيزيون و قال ايا كل واحد يروح يلعب قدام دارو

ان شاء الله تعجبكم
_______________
ان شاء الله تعجبكم
ردودكم لا تحرمونا منها
فان ردودكم هي التي تدفعني الى ان اقدم المزيد
التعديل الأخير تم بواسطة FifiBarçaLove ; 2014-10-27 الساعة 20:50

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع
الساعة معتمدة بتوقيت الجزائر . الساعة الآن : 10:12
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)