السلام عليكم و رحمة الله
صحا رمضانكم طاسيليون
كل عام و انتم إلى الله أقرب
أهلا بكم في العدد الثاني من سلسلة الكاميرا المخفية لهذا العام
ضحية اليوم الأخت خولة ..
دوختها
دون إطالة أكثر
[ أقوالي باللون البني و ردودها باللون الأزرق ]
السلام عليكم و رحمة الله
واش احوالك خولة لاباس ؟
إن شاء الله تكوني ماتحجرتيش و مازالك قادرة تتحركي ..
هههه والله الحمدلله
ونتي؟
نو مزالني عايشة خخ
الحمد لله
حبيت نقولك بلي راني زعفانة عليك بزاف بزاف
شكاولي منك يا خولة
ما ستنيتهاش كامل من شخص كيفك
اخاه واش درت؟؟
ماعلابالكش ؟
المهم ماشي هكذا يا أختي ^^
لا والله ما درت حاجة
متخلونيش نبدا نخمم ما التوسويس
اكرام ربي يهديك واقيلا غلطو في اسمي
راني سور
ماغلطوا ما والو راني سور بلي انت
نسقسيك هكذا بالاك تتوضح الفكرة
علاش ماغلقتيهاش ؟
واشنوها ؟؟
علابالك علاواش نحكي لا داعي للمراوغة
علاش خليتيها مفتوحة ؟
اكرام راني منيتي
اقسم بالله ما علابالي على واش راكي تحكي
راني نقسم بالله
اسناي حبيت نفهم هذي العفسا هنا في المنتدى؟؟
ياحي عليك
علاه تحوسي وين
ها علابالك ياخولة اتفكري مليح
قولي ماغلقتهاش نسيت و صايي
علاه الاسئلة
البروبلام مفهمتش واشنوها
قوليهالي ملخر واشنوها
وخلاص
قلقتيني ...
هيا روحي اغلقيها بسرعة خليك من الهدرة
مالقري منعرفش واشنوها
مي انا ما درت والو
ودكا بلاك نبدا نخمم نخلي المنتدى
قاع مولاوش يديرو الثقة فيا وانا دايرتكم عائلتي الدوزيام
اووو وين تروحي وين ؟
شكون هذو مايديروش فيك ثقة ووو
نحتاجوك ياو صحبتنا هه
ماتزيديش تعاوديها تاع تروحي هذي
هاي عيني
اوك
بصح اكرام قوليلي واشنوها
واش فيها اذا قولتيلي نورمال
علابالي بلي قلقلتك*-*
النافذة اللي قدامك
اغلقيها راهي دخل البررررد
خخ متقوليليش بلي راني مخلوعة في باطل
مي والله عندك الحق راهو يدخل البرد
شاركتي معايا في كاميرا كاااشي
دزدق دزدق دزدق دزدق
خخ يعطيكم الصحة والله غير طيحتوني ههه
صحا رمضانكم خخ
انتهى
لقاؤنا يتجدد مع عدد آخـــر
تحياتي