كانت صحبتي نحبها بزاف بزاف وما كنتش نفرط فيها ابدا وكانت معانا وحدة مالقري ما كنتش نحبها زي الطفلة لخرا بصح كنت نشتيها نقولو بلي الطفلة هاذي لي راني نحبها بزاف اسمها م والطفلة لي معانا اسمها ي المهم كنا صحابات حد لا يفرقنا جا نهار فقنا بحقيقة الطفلة ي بلي راهي خامجة وما تصلحش للصحبة فقاطعناها ومباعد حبيت طفلة خرى وصاحبتنا ومليحة في اخلاقها و قرايتها وما صرى حتى بروبلام معاها ومباعد الطفلة م جاها حاشاكم القمل في شعرها وعادو بكلهم يتجنبوها و صحبتنا الجديدة ج كانت تقعد حذاها وهي ماشي متحجبة وما زاد الطينة بلة شعر ج راهو طويل ولات بعدت عليها حتى ترتاح وانا تالمون نشتيهم في زوج ماحبيتش نتخلى عليهم في زوج صحبتي ج ماماها قاتلها لو نلقا بخوشة في شعرك نحفلك شعرك كامل ولات مسكينة تبكي وتقولي افهميني مانقدرش نبقى حذاها نقول للمديرة تحبسها من القراية حتى ترتاح وم تبكي وتقولي راني نداوي فيه و ما حبش يتنحا حتى جا نهار ج قاتلي انا صاي لازم نفول للمديرة وراحت وقالتلها وتغشت م وجابت باباها لاب ج وتحاكموا بالضرب وام م راحت لام ج ورخستها وما خلات مات قولها وليت تغشيت انا و ج من م وقاطعناها وذرك بعثتلي امها جات ترخس وتسب في نانا حتى طلعلها السكر و داخت وذرك الطفلة م عادت تهدد فينا وتنشر في الاشاعات علينا في السيام وعند الشيوخة مالقري فاتت العطلة بصح ماداوتوش من فضلكم عاونوني راني تقهرت من الفضايح لي تقولهم علينا وكيفاش الشيوخة تبدلت نظرتهم علينا والله معناة صح صح بليز عونوني