المقادير
- بيض
- ماي
طريقة التحضير
بالبداية، منوضع البيض بأسفل القدر ومنغمرن بماي باردة.
من الضروري جدا إنه نسلق البيض بماي باردة لينضج بشكل جيد.
في حال غمرنا البيض بماي مغلية ممكن إنه يتشقق أو ينضج زيادة عن اللزوم.
منوضع القدر على نار قوية ومنتركو لحد ما تغلي الماي.
عند الغليان، منطفي النار، منغطي القدر ومنتركه بين 14 و 17 دقيقة بحسب حجم البيض.
عادة حبات البيض الكبيرة بتحتاج لوقت أطول لتنضج.
من بعدا، منتخلص من الماي الساخنة ومنملي القدر بماي باردة.
هالخطوة ضرورية لنبرد البيض، نوقف عملية الطبخ،
ونمنع ظهور الخط الأخضر اللي بيظهر حول صفار البيض إذا كان مسلوق زيادة عن اللزوم.
لنقشر البيضة، منضربا ضربات خفيفة ومندحرجا بهالشكل لنسمع صوت تكسر القشرة.
من بعدا منقشر البيضة تحت المغسلة لنتخلص من كل القشر بسهولة.
ممكن نقطع البيضة المسلوقة بالنص أو بأي طريقة منحبا.
لاحظو ألوان البيضة المشهية من الداخل: البياض طري ونقي،
أما الصفار فخالي من أي بقع أو خطوط خضرا.