تسجيل عضوية جديدة
إستعادة كلمة المرور
طاسيلي الجزائري > منتديات الأدب و الثقافـة > منتدى الشعر و الخواطـر > فحول الشعر الشعبي الجزائـري
يا حسراه عليك يا الدنيا
الملاحظات
اضافة رد
2017-03-20, 21:41
#1
الصورة الرمزية kanza kanza
kanza kanza
:: عضو مجتهد ::
تاريخ التسجيل : Sep 2016
الدولة : الجزائر - الجزائر
العمر : 10 - 15
الجنس : انثى
المشاركات : 112
تقييم المستوى : 8
kanza kanza غير متواجد حالياً
افتراضي يا حسراه عليك يا الدنيا
يا حسراه عليك يا الدنيا

يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف ودعات
طمعتيني ودرتي علي عندي جدي بالصحبات
...................
شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلا قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات
.....................
المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات
.......................
نها كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات

انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
...............
المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
..................
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث
2017-06-03, 11:25
#2
الصورة الرمزية آڸقنآص
آڸقنآص
:: عضو مميز ::
تاريخ التسجيل : May 2017
الدولة : الجزائر - الجلفة
العمر : 15 - 20
الجنس : ذكر
المشاركات : 1,075
تقييم المستوى : 8
آڸقنآص غير متواجد حالياً
افتراضي رد: يا حسراه عليك يا الدنيا
مشكوووووووووووورة اختي على تعبرك الرائع واصلي على هذا المنوال
2020-03-11, 14:24
#3
himer.f
:: عضو محظور ::
تاريخ التسجيل : Mar 2020
الدولة : الجزائر - المسيلة
العمر : 35 - 40
الجنس : ذكر
المشاركات : 865
تقييم المستوى : 0
himer.f غير متواجد حالياً
افتراضي رد: يا حسراه عليك يا الدنيا
اللهم صل على محمد وعلى آله وصحبه أجمعين
اضافة رد
الكلمات الدلالية (Tags)
الخويا, حسراه, عليك

« الموضوع السابق | الموضوع التالي »
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع
العرض العادي العرض العادي

الانتقال السريع
المواضيع المتشابهه
الموضوع كاتب الموضوع المنتدى مشاركات آخر مشاركة
عجائب الدنيا السبع الحديثة والقديمة المعتزلة طاسيلي العام 5 2018-07-30 11:34
علمتني الدنيا بنت الشاطئ طاسيلي العام 7 2017-11-02 18:10
الدنيا chaima zbd منتدى الشعر و الخواطـر 2 2017-08-02 14:37
عجائب الدنيا السبع ASSIL ASSI طاسيلي العام 3 2015-01-01 18:26
يا حسراه عليك يا دنيا emy 29 منتدى الشعر و الخواطـر 4 2014-04-30 23:21

الساعة معتمدة بتوقيت الجزائر . الساعة الآن : 02:28
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)