سلام عليكم
روايتي هذه ستكون مختلفة عن غيرها بإذن الله
لان أبطالها هم عائلتي الثانية طاسيلي(=
أردت أن اصور لكم بغض المشاهد التي تصورتها
في خيالي
وكون عائلتي كبيرة جدا اخترت البعض فقط من أبطالها من تعرفت عليهم جيدا
وهم
اكرام -روميساء-بشرى -ريحان -دعاء -ميرال هبة-امال
سارة

سينزل. اول فصل بعد قليل ^^

السللااااام عليكم ورحمة الله
هههه نهال يبدو انك قد عدت بقووة
متشوقة جدا جدا
بانتظارك نهولة
ساكون اول المتابعين :d

ههه تفكرت رسالتك بارح وجاتني
فكرة نديرها
على شكل رواية^»
متابعة ممتعة

الفصل الأول

في منزل متواضع بطابقين تسكن بطلاتنا دعوني أصف لكم هذا المنزل
الطابق الأول فيه مطبخ جدرانه بالاسود والأبيض حسب ذوق إحداهن
وبه غرفة للضيوف وحمام
أما طابق الثاني فيه غرف البنات وهن ثلاثة غرف
الغرفة الأولى.لهبة وسارة
أما الثانية فلروميساء-امال -دعاء-بشرى
أما الثالثة والأخيرة تع صحاب الباك^^
اكرام -ميرال-ريحان - نهال

---------------
كانت في الكوزينة توجد في سندويش بطاطا باش تأكل وتروح تقرأ حتى تسمع صرخة من الأعلى طلعت تجري هي وميرال لي كانت تسيق تحت
تلقى نهال متقابضة هي وهبة كل وحدة شادة الأخرى من شعرها
راحت تسلك قبل ما تنوض حرب عالمية
اكرام بعصبية= خير وش كاين الالة هبطت دقيقة طلعت لقيتك حقرتي
الطفلة؟
نهال= شوفي هي وش دارت لي البقرة تدي شارجور تاعي بلا ما تسقسي
اكرام = علجال شارجور نوضتي الحرب؟ من نيتك نتي؟
نهال= واه ختش هذا دوريجين نبعيها هي وما تجيبليش
نص سومته
ميرال= الحق عليك هبة علاه ما سقسيتهاش
قبل
هبة = بن عمرييييييييييييييييييي على الكذب مسيلمة الكذاب وكان جا حي
نهال = سقسيتيني؟
وممبعد سكتت= اوااه نسيت
تنهدت اكرام براحة وفجأة شهقت بغضب وهي ترى شطيرتها في فم نهال
= نهااااااااااااااااال
ذيك تاعي يا المرهوجة
نهال= الله غالب نشف ريقي
ميرال = علاه لي ينشف ريقه يأكل كسكروط
ولا يشرب الماء يا البقرة؟
بشرى=خطيك منها ذيك الغباء وكان جا بنادم
نهال= بشرى -_-
بشرى=خير خير كلمة الحق وتاكليني عليها؟
قطعتها اكرام = صاي صاي بلعوه ودمرت نهال للشومبرة
ادخلي كوليها وبلعييه
نهال = لا حراام ونتي وش تاكلي
ميرال= تفكرتيها.بكري حتى كليتي نصها عاد جاتك حرام
بشرى =خخ ياك هاذي فمها كيما فم الدينصور كسكروط تأكله في قضمة واحدة
اكرام بهدوء وهي تنزل تحت = خليها تأكله اصلا بقايا الأسود لا تأكلها سوى الكلاب
صفقت نهال = معاك الصح
وغير فاقت بروحها = اكراااااااااااااااااام
تلفتت لقات بشرى وميرال ميتين ضحك
واكرام هبطت فيساع غي شافت البليغة طارت من جهتها
حلت روميساء باب شومبرتها وهي عين مغمضة وعين محلولة
وقبل ما تهدر
سمعت شهقتهن
نهال=بسم الله الرحمان الرحيم وش ذا؟
بشرى = اللهم سكنهم مساكنهم
روميساء = خير نتي وهي شفتو جني وقيلا؟
ميرال وهي تضحك= لا خلعتيهم بشعرك برك
روميساء = ماله شعري
نهال وهي تقلد خليجية= سلامتك حبيبتي بس شعرك كأنه صايبه
التماس كهربائي ما شفتي نفسك بالمراية قبل
قطعتها بشرى =حشاك بلعيه
روميساء =









يتبع ^^

روميساء = ها ها ها كلمتي نتي وهي
ممبعد مالكم متجمعين هنا متقولوليش غير الغدا مزال ما وجدش
نهال = غي على كرشك تسقسي بن عمي
ميرال= لي يسمعك تقول قاع ما تخميش على كرشك ثاني نتي
ونتي غي قبيل خونتي
كسكروط اكرام عيني عينك
نهال=مير
قطعتها بشرى = صاي غي بلعيه ما تكرهيش نتي راسي راه باغي يطرطق
منك نتي وهبة
وممبعد كملت = حقا هبة وين طارت؟
تفقدت نهال المكان بسرعة وفجأة صرخت= الكللبببببببة هربت بشارجوري
اليوووووم نقتلللها
وراحت لشومبرة هبة
ميرال وبشرى نيشان شافوا في روميساء لقاوها
تلم في شعرها وجاية نازلة
بشرى= هاي نتي روحي سلكي ختك خير ما تكون عندنا جنازة العصر
روميساء = الله يسهل هي جابتها لروحها
ميرال= لا روميساء من نيتك تهبطي
روميساء = ننزل ناكل ونجي نشوف الحالة وممبعد كملت
تنزلوا ولا تقعدوا
هنا
ميرال = لا انا نروح ننوض ريحان ونجي
بشرى= ياحي على شكارة الرقاد ذيك عاد راقدة؟
ميرال= هه ذيك وكان ترمي عندها قنبلة نووية وما تنوضش
بشرى= واه حقا
حلوا عينيهم في ثلاثة وهوما يشوفوا ريحان طالعة مع دروج
ريحان = وش كملتوا تمنشير
هودوا تغدوا
ميرال= ياه نتي وينتا نضتي؟
ريحان= قاع قبيل
بشرى= وين كنتي ما شفناكش
ريحان = رحت مع دعاء نشروا الغداء وكملت
غي شافتهم عاد مزال يسقسوا= واش كملت محقق كونان قتلكم
دعاء واكرام هبطوا
قبل ما تبرد الماكلة
وعيطوا للخرين
ينزلوا
روميساء = امال راهي صايمة ما تنوضهاش
ريحان= وسارة. هبة ونهال؟
نهال = هاااااااني
وين اووحقا
قتلكم هبة رسلولي غدا تاعي في شومبرة ما تقدرش تنزل
بشرى=



انتهى(=

بشرى = واش درتي
ليها
نهال = ما درت والو
وهبطوا ياكلوا.
كانت طابلة كبيرة وهكا
ترتيب اكرام في راسها^^
روميساء تقابلها دعاء وحذا
دعاء بشرى وبشرى تقابلها نهال وحذا نهال ميرال
وريحان
دعاء = وش نبدوا ولا نستنوهم؟
اكرام= يا ودي كولي وخليك منهم نحلوهم
باش ينزلوا
روميساء = خلوا لامال حقها راهي صايمة وهبة وسارة انا ممبعد نطلعلهم
حقهم وبداو
وبينما ناس تأكل
نهال = اييييي
علاه قرصتيني؟
قاع شافوا في ميرال وجهها ولى حمر وهي تمتم
بشرى تهمس لدعاء= عندك وجه ميرال فكرني باشهار
تع اوطماطوا
دعاء من كثر الضحك شرقت
مدتلها اكرام الما وكملو ماكلتهم
ميرال بغضب وهي تهمس لنهال= فضحتيني
الله يكشفك
نهال = ونتي شخصك؟ ناس غي تجي تخالي
تقرص
شي نهار نلقى رجلي زرقة
بسبتك
ميرال= صحا صحا وممبعد كملت بفضول=خبريني
وش درتي
لهبة؟
نهال بضحكة مكتومة= لا ما درتلها
والو ضرك غي تنزل تلقيها تغني
شارجورك.صابني بشلل شلل شلل شلل
يا لي ما الو مثل يا نهالتي
قلبي يدق يدق يدق والله ما نزيد نخون وكان يحرق تلفوني
ضحكت ميرال بقوة وفجأة جاتها مغرف في وجهها



^_^

فكاهية ههه
جميلة جدا
في المتابعة نهال

ههه جميلة جدا
أعجبتني
خخ كمليها برك و ماتخليناش على النص هكا

من عفسة تع غدا لي دارتها وهي غي تدور تعاود تحبس تعاود تدور
قلقت دعاء وبشرى ما خلاتهمش
يتفرجوا براحتهم
خرجت روميساء من الكوزينة. ممبعد ما كملت دالتها
في الماعن
لقاتها عاد كيما هي تدور
= وش اكرام راكي هنا؟
اكرام بسخرية= لا لهيه وين راكي شايفتني
روميساء = لا راني نشوفك هنا تدوري كما النحلة
دعاء = وش من نحلة الله يهديك تقول دودة الأرض حتى النحلة وتحبس
شوي ما هي من صباح تدور ما خلاتناش
حتى نتفرجوا
بشرى وهي مندمجة مع الفيلم= كركم ما تبعديش
شوي
اكرام وهي تضع يدها على خصرها= والله لا زينة من وين جبتي هذي كركم؟ سموني
اكراااااااااااااااااام
هاذي المرة كركم المرة الجاية نلقى روحي زعفران
محطوط.في كوزينة
بشرى= وانا وش دخلني قتلك غير بعدي شوي نتي بسلامتك
التيلي درقتيه
تقول دب قدامنا
دعاء = واه معاها الحق وزيدي عليها ذي كركم ديناها
من عند نهال روحي اهدري معاها هي لي سماتك
هكا
اكرام = صحا نتي وهي
بشرى ودعاء = صحتين
وكملو فيلمهم
رمات عليهم اكرام مخدة وراحت غي
شافتهم يضحكوا
روميساء = لا حول ولا قوة الا بالله علاه زعفتوها
هكا
بشرى= تخبط رأسها على حيط نص ساعة وهي قدام التيلي
حرمت علينا الفيلم يا ربي شت لقطة ولا زوج
دعاء= وممبعد كرومة.ما بتزعل حبيبتي هي حتى إذا زعلت مردها إلى هون
( واشرت.على قلبها)
بشرى=يرحم باباك.بلعييه غي صباح ذيك البقرة تلعبها خليجية ونتي ضركا ما نعرف وش لاعبتها
رمشت.دعاء بدلع=لباننييية
روميساء = الفيلم ويتعاود.روحوا راضوا.الطفلة لا تزعف.كيما اللخرة
دعاء وبشرى في أن واحد= نوووووو واااي.رورو هذا عرض اووووووووول
--------
فتحت الباب ببطء. لقاتهم.كل وحدة في مكتبها
بصح نهال كانت مجمعة مع ريحان في مكتب تاعها وهي تقرأ معاها الفلسفة
وميرال كانت وحدها تحل في تمارين الفيزيك
دخلت وهي تقترب من ميرال خطوة زوج
اكرام= ميروووو.تزعفتي مني حنونتي؟
ميرال=.


















ايا غدوة ان شاالله ولا إذا تهنيت الليلة نكمل^^

اممم بلاك إذا تقطعت الانترنت غدوة ما نقدرش نكمل
إذا نمكلكم.اليوم ونحاول نديره طوييل^^
=========
ميرال وهي ما رفدتش.عينيها من الكراس= لا ما زعفتش.اصلا
.حاجة ما تستاهلش.نزعف منها قاع
قطعتها نهال وهي تدور كرسي من جهتهم= لاااااااااااااا وش ما زعفتيش؟وهي قريب طيرتلك
عينك بالمغرفة.اصلا شوفي عينك راهي منفوخة شوي تقول خرجتي من ملاكمة
اكرام= ونتي كل حاجة خصك تعلقي عليها
نهال= وي ما نقدرش هذا عرق فيا
اكرام = آمالا شدي ذاك العرق عندك خير ما نطرطقهلك
ودوري حتى واحد ما هدر معاك
وقفت نهال وهي ترفد صبعها.سبابة بتهديد=
ماراكي.حاسبتني كيما هاذي نسكتلك.فيساع انا تدوري.بيا نذب...
قاطعتها ريحان وهي تشدها
من ايدها = صاي بلعيه نعرفوك.بلي من عمرك هتلر
دارتلها نهال وهي تغمز= زيديها.حلوة بلا فلتر
اكرام وهي تضحك = مهابيل والله
وكملت وهي تشوف في ميرال شادة الضحك بسيف= صحا اسيدي وش نديرلك
باش تسمحيلنا
نهال= لااااا حرام عليك كركم التمييز هكا انا عمرك ما راضيتيني.بحاجة
اكرام = كركم هاذي ممبعد نتفاهموا.عليها وميرال حاجة وانتي حاجة
نهال بصوت عالي = ليااااااه.هي باباها سبع وانا بابايا.ضبع؟
ريحان وهي تضحك = حشاك بلعيه وش دخل باها.ضرك نتي غي تخلطي
في الهدرة
اكرام = قوليهالها.وخلي تلهى.بارسطو خير لها
ميرال= نرضى بصح بشرط
اكرام بفرحة= قولي قولي وش هو
نهال تهمس لريحان=تقول تراضي في ايزابيلا.ملكة بريطانيا ما نعرف وش من عام
ريحان = خخخخ مهم تهدري هذا لي عندك
ميرال=شريلي ******




خخخ يتبع يوم الاثنين ان شاالله