باقة من النصائح المنقولة *-*
خففوا التوتر أعزائي ما هو الا امتحان كغيره و ما هي الا 5 أيام و تمر
✅ النصيحة 1 :
ارقد بكري ونوض بكري
✅ النصيحة 2 :
مين يعطوك الموضوع عندك نصف ساعة للاختيار
اقرأ الموضوعين مليح وشوف الموضوع لي تقدر تجيب فيه نقطة أكبر... وحذار تروح معول على موضوع من داركم زعما تقول ندير شعر ماشي نثر....
ولا تقول نختار مناعة.....
نن اقرى كلش وشوف باسكو قادر لي تختارو يجي صاعب
✅ النصيحة 3 :
افهم السؤال مليح قبل ماتجاوب باسكو قادر يجي غير مباشر ... هو يقول حاجة وانت تكتب حاجة
✅ النصيحة 4 :
مين تختار الموضوع
ارمي ولا بعد عنك الموضوع الثاني باسكو قادر من الضغط والستراس تخلط بيناتهم تلقى روحك كاتب تمرين من وتمرين
من...
✅ النصيحة 5 :
لاتدخل في مناوشات مع الحراس لأنو قد يؤدي إلى إقصاءك
✅ النصيحة 6 :
ادي معاك ساعة باه تشوف وقتك ... وقسمو على حساب تمارينك
✅ النصيحة 7 :
القارورة نتاع المياه ولا العصير من الأفضل تحطها عند رجلك باش تتجنب تبليل الاوراق
✅ النصيحة 8 :
مين تكمل امتحان المادة .. وتخرج للساحة أو متجه الى المنزل
حذار تتكلم مع زملاءك حول الامتحان ولا تتناقش معهم حول صحة الاجابة لأنو قد يخلق لك تعب وخوف شديد يرهق العقل والجسم مما يؤدي الى نسيان الاجابة والقلق والارتجاف..وهذا مايعيق مسارك في الامتحانات الباقية
✅ النصيحة 9 :
لاتنم عند ذهابك الى المنزل مابين الفترة الصباحية والمسائية، فقد تغفو وتتأخر مما يؤدي الى اقصاءك.
بالنهاية صلاتكم و دعائكم لا تنسوهم .. و موفقين باذن الله