الملاحظات
منتدى اللهجة الجزائرية [ شـا تحكيـلنا ] :: كـل مـا يتـعلق بالهـجات المحـلية الجـزائـرية
2013-07-10, 21:20
#1
الصورة الرمزية Imi Imà
Imi Imà
:: عضوة شرفية ::
تاريخ التسجيل : Jan 2012
العمر : 15 - 20
الجنس : انثى
المشاركات : 2,290
تقييم المستوى : 15
Imi Imà غير متواجد حالياً
افتراضي بوقالات جزائرية ،، لجماعة طاسيلي لحبيبة ~
قبل ما تشوفووووو اختارو من واحد الى سبعوؤون وشوف زهرك في بوقالتك
:
::
:::
::::
:::::

1 .هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

2 .لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.

3 .طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

4 .رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

5 .مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

6 . يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

7 . ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

8 . عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

9 . الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

10 .خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

11 . الناس تنده بالرجال و الوالي ، وانا ننده بربي العالي .

12 . حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

13 . كلام على كلام و الكلام على سقيلة ، العين في العين و الدّعوة مقبولة.

14 . يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

15 . محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

16 . لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .

17 . قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

18 . جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

19 . جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

20 . امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

21 . نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

22. سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

23 . خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

24 . خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.

25 . دارنا في الجبل ، مقابلة مكة ، مفتاحها من ذهب ، يشعل ما يطفي .

26 .جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .

27 .شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .

28 .ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .

29 .دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .

30.غرست ياسمينه في وسط الدار عروقها سكنجبير و أطرافها نوار يما يا يما محلى
عشق الجار العين تخز في العين و القلب شاعلة فيه النار .

31 .أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .

32.يا مولاة القلب الكبير ربي يعطيك و يوسع عليك ما عندك لا ذهب و لا حرير و
أنت دايما زاهية و ربي مسهلك ما دريت من حيلة ندير باش نكون مثلك .

33 .التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .

.34 يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .

35 .يا لساكنة في الخيمة و الريح جاني قبلي ردي أوراقك ديمة لا يولي الريح غربي .

36.في الدار صندوق مخبي في وسطو ذهب و جوهر مرجان و روبا قظيفة قالولي اماليا
لمن مخبيه قلتلهم لهذيك مولاة الشان مولاة المشية الظريفة .

.37يا لالا يا لالا يا مولاة القلب القاسي حني على حبيبك يالي طيرتي مني
نعاسي ملي شفتك راني نتعذب عليك نعادي اماليا و قاع أحبابي وناسي .

.38حكمت الطير بتكة الحرير و ما ظنيته يطير من بعد ما والف خلى قفصي و عمر
قفص الغير و اقعدت أنا في البحور نتمشى تالف لا سواري لا قلاع لا وجدت
مقاذف هذ الزمان يعطي و يخالف .

.39 .علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .

40 .عيطت على سيد الملاح صبت الناس رقود هزيت الدالية طاح منها عنقود النجوم
قالت النجوم نحكي و قال القمر نذوب اصبر يا قلبي ياك كل شي مكتوب .

41 .يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .

42. ين الطريق اللي فيها محبوبي جيبولي التراب من ثمة نشريه نعمله جعيبة في
مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .

43 .ذاك الحمام اللي محبوس في السجنة يعيا و يفرج ربي و نرجعوا خير من اللي كنا .

44 .يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .

45. دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني

46. -ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

47. مشيتي عالية... وطولتي دالية... شبان ورجال ... يتبعو فيا ويمشو مذلولين
...مثل حمير القرية والبادية...ومن غير المولى وحبيبو ما في مين يعلى عليا

48. خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

49. قالي طبيبي ...بلاما يدري تداوى يا عليل ....ودائي ودوايا عند حبيب
لمحبتو بخيل ....وقتاش يا عمري ترحمني ...وترحم دموعي لي تسيل؟؟؟

50. الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا

51. قريب الرفيقة ...يا قريب الرفيقة ...بيني وبينك طويقة ... يا مخلي في
قلبي شقيقة ....تروح وين تروح... بصح تعيا ترجع ليا ونرد لقلبك الحريقة

52. ما ناكلش من جنان الجنة لو يشهيني ....وما ناخذش الشيخ ولو يغنيني.... ناخذ الشباب بيض ولا سمر ...المهم هولي يملالي عيني

53. دزيت باب الحبيب ...دفة على دفة...افراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

54. انت سبيبط.... وانا خويط فيك.... انت سنيسلة.... وانا خمسة تحميك...
انت خويتم وانا حجرة تبهيك ...وين تروح تلقاني وغير انا لي نديك

55. ليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

56. نزلت لقاع البحر خرجت لي جنية قالت لي وشبيك يا لالا مهمومة تكلمي افتحي
قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها
هيا .

57. يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .

58. النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

59. جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .

60.الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من
خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .

61. اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

63.لو كان السعود ينغرسو نغرس ميات عود و عود في طية وحدي لكن السعود في يدك
يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .

64. فاطمة يا فطوم وين ما تكونينرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .

65. علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك
تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

66. أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .

67.السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .

68. يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك .

69. في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .

70 .أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .

:
::
:::
::::

إن شاء الله تعجبكمـ ،,.
في غفلة مني.. ابتلعني الوجع.. وتاهت الأفكار ما بين صحو وحلم.. رأيت طيفك يأتيني.. يلملم أشيائي المبعثرة.. فأرسمك بألوان قوس قزح.. تأتي اليّ تعانقني.. وأهيم في دنيا الخيال.. أغفو على صدرك.. وأصحو من جديد.. على عطر أنفاسك.. قل لي يا سيد الحلم.. أين أنت مني.. بغيابك غاب فجري وتبعثرت خطى الايام

التعديل الأخير تم بواسطة Imi Imà ; 2013-07-10 الساعة 21:23
2013-07-10, 22:13
#2
الصورة الرمزية نور²
نور²
:: عضوة شرفية ::
تاريخ التسجيل : Sep 2011
العمر : (غير محدد)
الجنس : انثى
المشاركات : 1,991
تقييم المستوى : 14
نور² غير متواجد حالياً
افتراضي
20 . امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

لسسستْ احـآوِل -آلآنتحــآرٍ
،،، فقط فضولي /اشغلني
(حين انضر الى الاسفل و ارفع قدمي للفراغ)
من سيقول و عيناه تذرف دموعا...ارجووكِ لا تفعلي
2013-07-11, 01:36
#3
الصورة الرمزية زهرة الحب
زهرة الحب
:: عضو مجتهد ::
تاريخ التسجيل : Jul 2012
العمر : 15 - 20
الجنس : انثى
المشاركات : 147
تقييم المستوى : 12
زهرة الحب غير متواجد حالياً
افتراضي
56. نزلت لقاع البحر خرجت لي جنية قالت لي وشبيك يا لالا مهمومة تكلمي افتحي
قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها
هيا .
عش يومك ولا تفكر بالغد
2013-07-11, 10:55
#4
الصورة الرمزية أم عبد النور
أم عبد النور
:: عضوية شرفية ::
تاريخ التسجيل : Jul 2011
العمر : 20 - 25
الجنس : انثى
المشاركات : 4,704
تقييم المستوى : 17
أم عبد النور غير متواجد حالياً
افتراضي
8 . عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
الكثيرون يسألونني عن انتمائي وأقول أن انتمائي لوطني
ووطني هو كل شبر فوق سطح الارض يرفع فيه الآذان
2013-07-13, 21:41
#5
الصورة الرمزية *- star -*
*- star -*
:: عضو مميز ::
تاريخ التسجيل : Jan 2012
الجنس : انثى
المشاركات : 955
تقييم المستوى : 13
*- star -* غير متواجد حالياً
افتراضي
35 .يا لساكنة في الخيمة و الريح جاني قبلي ردي أوراقك ديمة لا يولي الريح غربي .
2013-07-14, 12:46
#6
الصورة الرمزية Ramanova
Ramanova
:: عضو مجتهد ::
تاريخ التسجيل : Jan 2013
العمر : 10 - 15
الجنس : انثى
المشاركات : 181
تقييم المستوى : 12
Ramanova غير متواجد حالياً
افتراضي
19 . جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.
2013-07-14, 13:20
#7
الصورة الرمزية GHIZLANE
GHIZLANE
:: عضوة شرفية ::
تاريخ التسجيل : Oct 2012
العمر : 15 - 20
الجنس : انثى
المشاركات : 3,429
تقييم المستوى : 15
GHIZLANE غير متواجد حالياً
افتراضي
12 . حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

مشكوووووور ةوالله يعطيك الف عافيه
2013-07-14, 15:28
#8
الصورة الرمزية عاشق المنافسات
عاشق المنافسات
:: عضو مجتهد ::
تاريخ التسجيل : Jun 2012
العمر : 35 - 40
الجنس : ذكر
المشاركات : 424
تقييم المستوى : 12
عاشق المنافسات غير متواجد حالياً
افتراضي
7 . ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي
تألمــــــــت !......فتعلمــــــــــت!......فتغيـــــــرت........!♥




سَأفعل مَا في قُدرتي ، سأبتعد عن مَا يُرهقني ، لن أعطي أحداً
فوق مَا يستحق ، لن أنتَظر أحداً ليُحادثني ، سأغيب إن كان ذلك مَا يريحني ! (;


•● آنـْآ عـْبآره عَن —(• آسطورةَ)— لـْنَ تـتـْكرر

0•● يصـْعبَ آلـْدخولَ آلـْ —(• عْآلميْ •)— ▐

0•● ومنْ دخَل لْنَ —(• يسْتوعبَ •)— شئْ
2013-07-15, 16:24
#9
الصورة الرمزية سمراء الليل
سمراء الليل
:: عضوة شرفية ::
تاريخ التسجيل : Dec 2011
العمر : 20 - 25
الجنس : انثى
المشاركات : 2,649
تقييم المستوى : 15
سمراء الليل غير متواجد حالياً
افتراضي
4 .رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

مرسي عليك حنونة
صحى رمضاانك
ما معنى الاشراف؟
الجواب يتحدد في 3 كلمات فقط " تكليف لا تشريف "

ساروي لكم قصة حياتي باختصار
.
الحظ في وادي و أنا في وادي آخر
و انتهت القصة شكرا لحسن استماعكم


♥♥<....♥♥sihééém♥♥<....♥♥
2013-07-15, 16:27
#10
الصورة الرمزية ♥ حليب الحضنة ♥
♥ حليب الحضنة ♥
:: عضوة شرفية ::
تاريخ التسجيل : Nov 2011
العمر : 20 - 25
الجنس : انثى
المشاركات : 1,880
تقييم المستوى : 14
♥ حليب الحضنة ♥ غير متواجد حالياً
افتراضي
4 .رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
مشكورة حبيبتي جميل

« الموضوع السابق | الموضوع التالي »
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع
المواضيع المتشابهه
الموضوع كاتب الموضوع المنتدى مشاركات آخر مشاركة
بوقالات جزائرية HAMIDA13 منتدى النكت والصور الطريفة 14 2015-01-09 14:29

الساعة معتمدة بتوقيت الجزائر . الساعة الآن : 06:06
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)