كيما قتلكم المرة لي فاتت راني حابة نحطكم دروس للي حاب طبعا يتعلم التركية مي في لول عندي بعض نصائح بلاك تساعدكم في تعلم هادي اللغة
من لول انا في بالي اللي حاب يتعلم كاش لغة لازم يعيش مع ناس يحكو اللغة اللي حاب يتعلمها بمعنى اصح لازم يسمع ناس يحكو بزاف بهاديك اللغة على خاطر البيبي كي يزيد في عائلة تحكي لغة عربية راح يهدر عربي يعني مستحيل يحكي المانية ههه المهم خليونا من هادوا الخرابيط
يعني حنا دوكا ماش حا نبداو باساسيات اللغة راح نبداو نتعلموا يما يتعلم البيبي يهدر وباش نتعلموا لازم نسمعوا ناس يحكوا تركي باش نهزوا منهم كلمات وجمل وهكا و ممكن بعدة طرق منها مثلا نسمعوا اغاني بالتركية مي لازم تكون مترجمة ومن الاحسن تكون الكلمات تع الاغنية مكتوبة وفي اطار انو الموسيقى حرام انا تحريت شوي في الموضوع قالوا بلي الموسيقى لي تلهي الانسان عن العبادة حرام والله اعلم وانا طبعا مانيش نحفز فيكم باش تسمعوا الموسيقى ومانيش نجبر فكم باش تسمعوها
والبنات لي تتفرجوا مسلسلات مدبلجة علاش ماتتفرجوهمش مترجمين كاين مواقع يترجموا نفس الحلقات الي تتفرجوها مدبلجة ومنها تتتعلموا كلمات وتتعلموا اسماء اكلات والناس على خاطر كي يدبلجوا يبدلجوا كامل الاسماء واسماء اكلات تاني
وتاني حلقات عند الاتراك حصرية كل ما يمتلوا حلقة يحطوها صح الحلقة فيها ساعتين مي كل سمانة تخرج حلقة
يعني في بلاصة كل يوم تتفرجي حلقة بلاك تضيعي حلقة ويروح عليك المسلسل لي هو اصلا تضيع وقت على خاطر ماتستفادي والوا تفرجي حلقة كل سمانة ومنها تتعلمي التركية وتقدري تقدميها او اخريها كيما تحبي على حساب الوقت اللي يناسبك
و تاني وانتي تتفرجي لازم يكون معاك ورقة وستيلوا تكتبي فيها الكلمات مي ادا كونتي ضد الفكرة لولا و التانية تقدروا تتفرجوا مقابلات صحفية مترجمة او حتى ماتشات مترجمة او كاين قنوات يوتوبية دايرين حورات هكدامترجمة لتعلم اللغة
نتلاقاو في الدرس الول ان شا الله
Allah'a emanet

فكرة رائعة اختي

و في انتظار الدرس الاول

شكرا لمرور على موضوعي

نحن في انتظارك اختي

واااااااو روعة

موضوع في قمة الروعة

شكر لكي على هذا الموضوع الرائع

شكرا جزيلا

نحن في انتظارك اختي