السلام عليكم و رحمة الله
اهلا متابعاتي الزينونات وشراكم ؟
دخلت امس للكوزينة نخلط نخلط حتى خرجت ماكلة صحية و بنينة تناسب جماعة الريجيم كي حالتي و تقدرو تجربوها كامل خطراش تتخدم بحوايج كاينين في كل بيت و ساهلة بزاااف
ايا تبعوني و مدولي رايكم
مانحبش هذوك الفنيانات لي يقولو خاطيتنا الكوزينة يا مدي حتى لماماك و ل يكرهولي حياتي هذوك لي يقراو و يفوتو لا سلام لا كلام لي راح تديرها من ضرك نقولها براااا -_-
شوفي يا لالة غسلي يديك هيه غسليهم شوفي في عينيا شمري على يديك و الحقيني تشو
حلي هذاك الفرجيدار لي تحليه من رمضان لرمضان باش تجبدي السلاطة هزي زوج ريسان فلفل واحد حار و واحد حلو و هزي زوج حبات طماطم و ماتنسايش الجريوات هيه شوفي فيا قلت الجرييييوات ماتقوليش ماشي مليحة راهي صحية الالة هي خيرمن هذاك الخلا تاع الشيبس و ميلكا و هزي ثاني في طريقك باطة تاع زبدة و باطة تاع ناتير ماتقوليليش مكانش اشريها ماتسببيش تقولي مافيهاش سكر وو طيري اشريها تشوفي ماتشوفيش فيا بنص عين و كاس حليب و الهريسة و الطماطم تاع الباطة
ايا جيبي الروبو قسي نص حبة بصلة كبيرة و حبة طماطم و ثلاث سنينات ثوم متوسطين مع شوي تاع الماء ارحيهم حطيهم في مقلة ول برمة صغيرة ديري شوي تاع زيت و مغرف هريسة و مغرف طماطم و روايح و ملح خلطي مليح و خليها تطيب حتى اربع دقايق ول قل
جيبي المول تاعك الفحلة الزينونة تاعي ادهنيه بالزبدة ماتكثريش ماقلتش دوشيه بالزبدة غير ادهنيه برك
و حطي الفلف بعدما تحليه على زوج هو و الجريوات و اي خضرة عندكم فرغي عليهم لاصوص لي خدمتيها قبل و حطيهم فالكوشة
وين وين وين رايحة اطفلة هاه ماشي تروحي تجري للطاسيلي ارواحي اجري
حطي وي زيت و حطي فيه البطاطا روندالات رقاق يعني ماتكثريش ابنتي غير شوي برك بزايد ااااه الالة مزال مزال ارواحي ماتروحيش جيبي البول تاع الحليب ماتفرغيه كل غير شوي برك نص نورمال مع باطة تاع ياؤورت ناتير و خلطي مليح و حطيه على جنب و زيدي جيبي زوج بيضات حركيهم و حطيهم على جنب هنا يكو الفلفل و الجماعة طابو اجبديهم فرغي المول تاعك امسحيه زيديلو شوي زبدة كيما فهمتك ماشي ترنخيه غير شوي برك حطي البطاطا التحت و فوقها الجريوات و الفلفل و اذا كان عندك لحم ول سكالوب المهم واش عندك نتي الالة ديريه و زيدي شوي بطاطا الفوق مباعد فرغي لاصوص الحمراء حمريها و البيضا و الفوق البيض و هاذو السوائل راح يسيحو منهيه ديري فيهم روندالات طماطم بالملح و اذا ماساحوش ماديريش يعني حسب حجم المول خخ
حطيه يطيب زيد و شهية طيبة
هاي ليكم كيفاش جاتني مي انا حرقتها شوي
الله لا يتربحك ااكرام بقيت نحكي على عرسك حتى نسيتهم ههه
و لي قرات و هربت نقولك الله لا يسمحلك بعدد الحروف لي تعبت و كتبتهم على جالك خخخ
التعديل الأخير تم بواسطة Dr.ikrams ; 2019-08-16 الساعة 22:21
سبب آخر: إضافة ختم الموضوع الفضي
هلااااااو رغوتي
بانتلي بنينة أبعثيلي شوية .. ـتاكلي وحدك ههه
مع الليل هذا وتشهي فينا ابقرة خخخ
أنا نقلك ملخر الكوزينة خاطيتني
دخلت قبيل ليها حرقت ذراعي يا ربي الحمد لله (حرق صغير برك) ههه
****
ننن مكونات بزاااف ووصفة طويلة معادش نكمل غدوة الصباح هه
وزيد انا كي نعود في الكوزينة ندير حآجة طيب ننساهآ كآمل .. وتتحرق
وندي عليها شوية تبهديل خخخ
المهم قتلك الكوزينة وانا منتفاهمووووش ههه
****
مشكووورة دعدوعة على الوصفة
كثر يديك اللي طيبوها
هــــــــــــــــــــــــــــــآيلة
=)
قليل فيك الالة الكسر و قلة الجبر ان شاء الله
المرة الجاية تتحرقي كامل هاو وجهي
خلي يقولولك المعفونة حتى بيضة ماترفش تقليها عرة نتاجك اااه
و تحبي تاكلي زيد طيري منا برااا
نقرا و نتخيل فيها ، الصورة وحدها تخليك تعرفي بلي تشهي و بنينة
يعطيك الصحة
و زيد درتي طريقة جديدة لتقديم مواضيع الطبخ
بوركت عليها و على الوصفة دعاء
إن شاء الله يجربوها الجماعة
أنا مانحبش الامور الخضراء هذي هه
تاع ريجيم و كذا منايا
تعرفيني فيا زوج عظمات و كاس دم
ماخصنيش هه
+
ماتنسايش سنيوة بقلاوة للعرس
و كاش حلويات منا و منهيه
نعرفك تتهلاي
المشاركة الأصلية كتبت بواسطة الْعُرْوَةُ الْوُثْقَى
نقرا و نتخيل فيها ، الصورة وحدها تخليك تعرفي بلي تشهي و بنينة
يعطيك الصحة
و زيد درتي طريقة جديدة لتقديم مواضيع الطبخ
بوركت عليها و على الوصفة دعاء
إن شاء الله يجربوها الجماعة
أنا مانحبش الامور الخضراء هذي هه
تاع ريجيم و كذا منايا
تعرفيني فيا زوج عظمات و كاس دم
ماخصنيش هه
+
ماتنسايش سنيوة بقلاوة للعرس
و كاش حلويات منا و منهيه
نعرفك تتهلاي
أيا دمت
الله يسلمك حبيتشي
يا بنتي تهليت فيهم مكانش درتلهم كل الطرق و والو ايا ضرك يفع فيهم غير العياط علابالي نيهاهاها
يابنتي نتي راني لقيتلك حاجة ضربا ضربا ترجعي توزني ثمانين خخ
تخافيش نتهلا فيك ديجا لقيتلك قاطو ساهل و مليح ضرك نديرهولك شوفيه برك و اقرايه
اييييييي بنتي كبارة وعادة طيب ااممممممم يا دعدوعتي غدوا بربي ان شاء الله في العشا نديررها ونصورهااااك نموتةعلى لجريواااات ممم يعطيعك الصحة يا لالة فحلة 😍😍😍
الله يسلمك حبيتشي
يا بنتي تهليت فيهم مكانش درتلهم كل الطرق و والو ايا ضرك يفع فيهم غير العياط علابالي نيهاهاها
يابنتي نتي راني لقيتلك حاجة ضربا ضربا ترجعي توزني ثمانين خخ
تخافيش نتهلا فيك ديجا لقيتلك قاطو ساهل و مليح ضرك نديرهولك شوفيه برك و اقرايه
اييييييي بنتي كبارة وعادة طيب ااممممممم يا دعدوعتي غدوا بربي ان شاء الله في العشا نديررها ونصورهااااك نموتةعلى لجريواااات ممم يعطيعك الصحة يا لالة فحلة 😍😍😍