الكمية تكفي:6 أشخاص وقت التحضير:60 دقيقة وقت الطهي:45 دقيقة المقادير:المقادير للكيكة:
4 كوب دقيق
1 ونص كوب سكر
كوب ماء دافي
معلقه محسن
8 بيض
ربع كوب زيت
فانيليا
معلقه بكنج باودر
بس انا نحيت من الدقيق 6 معالق كبيرة وحطيت بدالهم كاكاو خام
المقادير كريمه الزبده
1 كوب زبدة بدرجة حرارة الغرفة
- 3/4 كوب كاكاو نوع كويس -
فانيليا
2ونص كوب سكر بودرة جاهز -
نص كوب لبن
- معلقة عسل ابيض التحضير:الطريقة:
نضرب المقادير السايله مع بعض الاول لمدة 5 دقايق وبعد نحط الدقيق ونضرب 5 دقايق تانيين ونصبها في صينيتين مقاس متوسط او صينيه مقاس 26 ونحطها في فرن متوسط الحراره 180درجه وبتاخد 45 دقيقه
الطريقة:
نضرب الزبدة مع السكر البودرة لحد ما يبقاو كريم بعد نضيف اللبن والكاكاو.
ونكون مجهزين الكريم شانتية والشربات الخفيف ونبدأ التزيين
نحط اول طبقة ونسقيها شربات وبعدين نحط الكريم شانتية كمية كويسة..وبعدين نفس الحاجة مع الطبقة التانية.
واخيرا نحط اخر طبقة ونساوي الجناب , نبدأ نغلفها بكريمة الزبدة
نبدأ نزين كل وحدة وزوقها والميزة ان كريمة الزبدة بتدي اشكال جميلة وثابتة
وبعدين بالسكينة المشرشرة عملت الجناب يا رب الصور تكون واضحة..
طريقة صوص الشيكولاتة:
كوب سكر + كوب ماء حطيتهم على النار وبعد
حطيت عليهم كوب ونص نسكويك وقلبت لحد ما داب كله واخيرا معلقتين عسل ابيض ومعلقتين زبدة اول ما يدوبوا اطفي
وبعدين مليت الوش صوص شيكولاتة