يا وناست خاطري خافي مولاك\\\رشقتي قلبي ابهجرك مقواني
نوكل ربي خالقي هو يتولاك\\\صعبتي عني لمعيشة بلعاني

في قلبي درتي مارة لسماك\\\وشمتي حرفك في داخلو و انساني
يا ما عدينا ليالي انا واياك\\\تحت انجوم الضاوية وقمر نوراني

وين عاهد لمحبة يا مقساك\\\ما فيك الضنة واتبدلتي ثاني
يا قلبي عييتني بالباطل شكاك\\\ويلا ماكش عازها غير اهداني

ما كاين وردة من غير اشواك\\\واصبر للدقات سايس بركاني
اركوب المهرات واعر آش اداك\\\حاذر روحك فالوطى ياجاني

لكلام الحساد لا تسمع بلاك\\\لا تامن حديثهم فسر لمعاني
اقهرني عفريتها ما صبت اسلاك\\\زيرني عنتير وحشها بكاني

ماجاني بشر وننصب لو لشراك\\\ماجاني بالسيف وعلم الجاني
ماعندي حكمة ونرصدلو هتاك\\\ماعندي حكيم في علم الروحاني

مايرضى بالمال لا قيمة تسواك\\\عراني برهوش مايقدر سلطاني
غرامك واعر يا ختي مانتحداك\\\دهشني حبك ذو سنين وجراني

اخطفتي عقلي يا مقدودة لسباك\\\لاتلومي مخطوف مثلي و يعاني
العاشق مغبون ديمة في لهلاك\\\و المعشوق ايغر زينو واسباني

أحليل الممحون مبلي لا فكاك\\\امزيلف بالنار تقدي دخلاني
احلفتي قداه من مرة بركاك\\\لا كلمة منك لا راسل جاني

ياعياية صارحني واش نواك\\\وما درناش العيب يا تشطاني
ما عندك حنونتي سبة لجفاك\\\ولا تشفي فيا الحاسد والعدياني

مانزهد في غرامك ما ننساك\\\ولو داروني في وسط اكفاني
تتعانق لرواح وتزهى بلقاك\\\تتباشر بشواير الحب الفاني

تمت بقلمي medcherif03]

ملييييييييحة 444 اخي

شكرا و ألف شكر على الرد الجميل يا جميل

ههههههههههههههههههههههههههه

بسم الله الرحمن الرحيم مك

السلام عليكم ورحمة الله وبركاته

و عليكم السلام يا أخ كوكو مشكور على المرور

ولكن ما المضحك في كلامي أم أنه استهزاء بمشاعر الآخرين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فان لم تفهم كلامي على الأقل اسألني و أنا أجيبك ؟!!!؟؟؟
ياخسسسسسسسسسسسسسسسسسسسسسسسسساره

ووووووووووووووواوووو ششششششاعر

انشاء الله

شكرا و ألف شكر على المرور الرائع