.
..
.
السلام عليكم و رحمة الله
رمضااان مبارك عسوولاتي
ان شاء الله تصوميه بالخير و العافية
راني من قبيل نخمم نحط الوقفة ول نزيد شوي نحطها كمشاركة ول نخلي
ايا قلت نحطها على اساس مشاركة و منو تستفادو منها و تجربوها كطبق قاني في المائدة
و علاش لالا ؟ خخ
" الجماعة تاع خاطيني الطبخ وو تعيشو ماتدخلوش كامل نقلق كي تبقاو تقولولي هكاك
"
المهم وصفة اليوم تونسية بنييينة هاايلة تاع الصح بمقادير بسييطة و كاينة في كل بيت و فوق هذا ماتطولش بزاف يعني تساعدكم في رمضاان
المهم تبعو معايا الطريقة كيما مالفين
نتعلمو شوي
و نضحكو شوي
أيا القافزة تاعي بزايد من التفنيين جا رمضان لازم كل صبع بصنعة
شوفو نمدلكم سع المقادير يا الزينات ممبعد نفوتو للتحضير
جيبي زوج كيلات سميد " لي صرات عليه الحرب العالمية انعم هو
"
و معاهم كيلة فارينة " ننصحكم مدام نحكيو عليها فارينة ماما الرمادية هذيك بزاااااف مليحة استعملوها هي خير "
ملعقتين زيت " ديرو ملعقة زيت عادي و ملعفة زيت زيتون ماتقولوش دير طعمة لالا راني انا مانكلهااااش كامل و مابانتليش فيها "
مغرف كبيرة سكر
مغرف كبيرة خميرة الكسرة
و شوي ماء تجمعو بيه العجينة
هذا للعجين
اما الحشو ديرو واش كاين في الدار حنا درنا
غير شوي سكالوب
هريسة
فرماج شيدار و لافاشكيري " روميساااا هههه "
بطاطا مقلية
و الروايح فلفل اسود " اكراام خخ " راس الحانوت وو عادي
ضرك نفوتو للتحضير
خلطي العجينة تاعك و اعجنيها ملييييييييح ملييييح سر البنة هو العجيين ملييح حتى تولي " تقول بق بق بق ههه " ممبعد حطوها تتخمر
و روحو للحشو قليو لي سكالوب تاعكم و ديرولهم بصلة ثوم فلفل اسود توابل كاامل و ملح ماتنسوهش و عمروووه قيس ماتقدرو بالهريسة لانو الاكلة معروفة بانها حارة و اقليو بطاطا ثاني غي رتكملو العجينة تكون تخمرت جيبوها قرصوها كي شخشوخة كويرات صغار المقادير لي مديتهملكم يديرولكم 14 وحدة ممبعد غطوهم و اعدلو البلاصة وين تبداو تحضرو و ابداو تجبدو بالوحدة حلوها بالزيت بشك لدائري و طيبو هنا حبسوووو
حلووو وذنيييكم و عييينيكم
طيبوهم في مقلة بلا زيت بلا حتى حاجة نص طياب لانو لوكان طيبتوهم ماتقدروش تلفوهم ممبعد و هنا المشكل
ايمالا ماطيبوهمش بزاف
و كل وين تطيبو حطو في ساشي مغلوقة باش مايشيحوش
كي تكملو طياب اجبدو بالوحدة ادهنوهم بفرماج طبقة ممبعد طبقة هريسة ممبعد الحشو هذاك بطاطا و سكالوب وو و لفوهم
و نتووما كملتو
شفتو شفتو قتلكم بزاااف بنينة و سااهلة
شوفو و اتهلااو