كلنا بتكون عندنا رؤية لبيت أحلامنا وفى دماغنا أفكار جميلة لديكورات عايزين ننفذها فى بيتنا علشان نوصل لبيت الأحلام ده بس من أكتر الحاجات اللى ممكن تقيدك وأنتى بتفرش شقتك هى المساحات الصغيرة للبيت بشكل عام أو لبعض الغرف بشكل خاص، لكن بعناصر صغيرة اوى هتعرفى ازاى تقدرى مش بس تتغلبى على المشكلة دى، لكن كمان تستغلى المساحات الصغيرة دى فى صالحك. علشان كده
بروبرتي فايندر جمعتلك قائمة بأفضل 5 أفكار ذكية هتخليكي تعرفي تستغلي مساحة شقتك كويس وتعملي اللي نفسك فيه مهما كانت شقتك صغيرة.
كل ما الإضاءة تكون عالية، كل ما تفاصيل البيت بتكون ظاهرة بوضوح وبيبان اتساع البيت بشكل كبير غير ان اختيار الزوايا المناسبة لتسليط الضوء والابتكار فى مصدر الإضاءة بيزيد من أناقة البيت والشعور بالاتساع.
من أكتر العناصر اللى بتأثر على الشعور باتساع البيت أو ضيقه هى الألوان، سواء ألوان الحوائط أو العفش ومعروف ان الألوان الفاتحة دايماً بتضفى شعور بالبهجة والسعادة فى البيت غير انها بتزود الشعور بالاتساع بشكل كبير لأنها بتساعد فى دخول الضوء للبيت.
متعارف عليه أن الأرضيات بتتغطى بسجاد لكن ده بيضيق المساحة بشكل كبير والبديل أنك تستخدمى الأرضيات الباركيه أو السيراميك اللى بيكون- على شكل سجاد كجزء من باقى الأرضية.
من العناصر البسيطة أوى اللى كتير بينسى يستخدمها لكن بتفرق فى شكل البيت أوى هى إضافة النباتات فى أنحاء البيت لأنها بتدى ش- كل جميل مميز وبتزود الشعور بالاتساع.
بدل ما تستهلكى جزأ من مساحة الصالة فى غرفة مقفولة للمطبخ، تقدرى تفتحى المطبخ على الصالة كمطبخ أمريكى لأنه مش بس بيوفر مساحة لكن كمان شكله البسيط بيزيد من أناقة البيت.