الملاحظات
منتدى المسابقات والالعاب :: خـاص بالمسـابقات التـي تطـرح علـى منتـديات طاسـلي الجـزايرية
2020-04-08, 00:22
#1
الصورة الرمزية حجابي عزة ونقاء
حجابي عزة ونقاء
:: عضو مجتهد ::
تاريخ التسجيل : Feb 2020
الدولة : الجزائر - جيجل
العمر : 10 - 15
الجنس : انثى
المشاركات : 175
تقييم المستوى : 5
حجابي عزة ونقاء غير متواجد حالياً
Talking اخطيكم من الكورونا وارواحو نتسلاو ....
-السلام عليكم يا طاسيليون ...
مع هذا الحجر الصحي لا خرجة لا والو , عندي ليكم نكت والغاز مضحكة ,باش نكسروا الروتين هذا ....
الألغاز=
1-كيف نقسموا حبة برتقال على 3 اشخاص بشرط يأخذ كل شخص نصف برتقالة؟
-نقول للبرتقالة انتي مش برتقالة ورايحة ترد =والله برتقالة ونصف.
2-ما عدد ابناء عائلة ذات 6بنات واخ لكل منهن؟
-7أبناء.
3-ماهي الشجرة التي ليس لها اوراق ولا ثمار؟
_شجرة العائلة.
4-يغلبك كل يوم لكن لا يؤذيك؟
-النوم.
5-متى تكون قمة الذهول؟
-عندما يفتح احدهم لك الباب.
6-متى تكون قمة الأدب؟
-عندما تطرق باب الثلاجة قبل فتحها.
النكت=
1- واحد عندو مزرعة فيها جزر وقدامها حظيرة ارانب ,لوحد النهار ملقاش الجزر راح للأرانب ونحلهم سنيهم كامل ,لغدوا زاد ملقاهش حكم واحد وقالو وين ديتوه ؟ قالو الارنب درناه عثير وثربناه...
2-قالك واحد مهبول عيط للمطعم وقالهم عندكم عشاء ؟ قالولو ايه قالهم علاه معرضتونيش؟
3-زوج مهابل ماشيين ومبعد تهاوشوا شكون يمشي في الوسط ...
4-طبيب أطفال تزوج بطبيبة اطفال فأعلنوا زواجهم في قناة سبيستون...
5-واحد محشش عيط للخطوط الجوية وقالهم شحال المدة باش نوصل للهند قالو المراسل دقيقة ون... قالو المحشش شكرا ...
6-قالك واحد صعيدي رمى مرتو من الجبل فماتت قالها علاه ماتتحملي مزح ...
7-قالك استاذ حكم الشهرية كي جا خارج تلاقا مع طلاب قالو تعيش فرحلي الوليدات قال الاستاذ قولهم غدوا متقراوش...
8-واحد كان ياكل في المطعم لقا فار في الشربة كي راح يشكي قالولو مازالك 5فيران وتربح معانا في الطومبولا ....
9-قالك واحد زاطل وروشارشي عند لا بوليس ,قارات قدامو الطونوبيل تاع البوليس قالولو اركب .قالهم مرسي الدار آي هنا برك....
10-قالك وحد الجارة شافت جارها المشحاح يشعل ويطفي الضو ليه ليه راحت سقساتو لقاتو يقرا في كتاب كي يقلب الصفحة يطفي الضو...
11-قالك محششين بغاو كبريت بعثوا واحد يجيبلهم راح دار على البطيمة وعاود دخل ليهم وقالم معنكمش كبريت قالولو اتريح رانا بعثنا واحد ظرك يجيب ونعطوك...
12-قالك ابن دا امه للطبيب قالهم راها عندها الوحدة ولازم تزوحزها واحد عمرو خمسين . كي خرجوا قالت لابنها شوف ابني لالقيت تاع خمسين جيبو ولا ملقيتش جيب زوج تاع خمسة وعشرين ...
13-قالك زوج مهابل قاعدين قدام مراية واحد سقسا الثاني شكون هدوك الزوج لي مقابلينا , قالو ظرك نروح نسقسيهم ,قالو اقعد هاو واحد منهم جاي...
14-زوج مهابل هربو من دار المهابل ركبو فالطونوبيل قال واحد للي يسوق دور لليمين ,قالو دور انت انا راني نسوق...
15-قالك حابس حب ينتحر ركب فوق حجرة كبيرة ورايح ينط ,قالو واحد لا راك حاب تنتحر روح فوق العمارة وانتحر ,قالو علاش راك حاب تقتلني؟...
16-قالك واحد ركب الطيارة جات الممرضة وقالت من داخ ؟ هو هز يدو عطاتو الدوا . وزادت جات وقالت من داخ هز يدو ,ايا قالك عشر مرات وهي تعطيلو في الدوا حتى مات . كي شافو لا كارت نتاعو لقاو اسمو "منداخ رابح"
17- قالك امراة جابت طفل يهدر ,طول النهار وهو يبكي كي داته امه للطبيب قالو كوتشي كوتشي كو. قالو الطفل أيا نوض خليك من الجياحة...
ان شاء الله يعجبوكم واكتبوا في الردود شكون أكثر وحدة تضحك ؟ وشاركونا بنكت او الغاز تعرفوها..
دمتم في أمان الله
Without dreams, we reach nothing. Without love, we feel nothing. ,,,,,And without Allah, we are nothing
,,,بلا احلام لانصل الى اي شي. وبلا حب لانشعر بشي. وبدون الله لا نساوي شيئ ,,,
2020-04-08, 01:05
#2
الصورة الرمزية fati-chan
fati-chan
:: عضو مميز ::
تاريخ التسجيل : Mar 2020
الدولة : الجزائر - عنابة
العمر : 10 - 15
الجنس : انثى
المشاركات : 1,652
تقييم المستوى : 8
fati-chan غير متواجد حالياً
افتراضي رد: اخطيكم من الكورونا وارواحو نتسلاو ....
شكرا على الموضوع ...جا في وقتوو هه
أكثر وحدة ضحكتني تع منداخ
اليك بعض النكت التي اعرفها
..
__قالك واحد النهار، واحد السّيد هادا يُشرب بزَاف الشَراب كل ما يدخل للدار يمشي عند لمرايا يبقى يشوف فيها ويقول : ااااااه كبرت وناضلي الشيب ، جا عندو باباه قالو : يا ولدْ قتلك ذاك العام ما توقفش عند التصويرة تاع جدك وتبقى تهدر معاه .
__قالك واحد النهار واحد البَزْ سقسا باباه قالو : بابا علاه ماعندكش الشعر في راسك؟ قالو: لا خاطر يا ولدي أنا نخدم بُمخي بزاف (براسي) قالوا: اااااه على بيها ماما ما عندهاش المُسطاش لا خاطر تخدم بفمها بزاف
__قالك واحد النهار واحد البنت فسخت الخطوبة مع خطيبها جات امها قالتلها: علاش واش صرا ؟
قالتلها: لاخاطر هاد الراجل كافر و ماي أمَنش بجهنم قالتلها: يا بنتي علاش تقلقْتي كُنتِ تخلّيه حتى يتزوج معاك درك يأمَن بجهنم
__غبي يقول لصاحبو : عيني حمره وش ندير؟؟؟؟ قاله:اذا ولات خضرا ديماري
__قال القاضي للغبي : ماذا تعمل؟ أجاب ال غبي : قبل الظهر لا عمل لي، وبعد الظهر مع واحد مريض بقلبوا بدللولو قلب نتاع بلاستيك عشق في بسينة
__واحد مسمي نفسه منشف ريق البنات علاش ؟ ؟ ؟ ؟ من كثر مايبصقو على وجهه
__واحد كذاب غبي قال لصاحبه غبي: مره شفت فيل لونه احمر ويطير ، رد عليه صاحبه: اااو …. فيل احمر ؟؟
Take a deep breath, it's a bad day, not a bad life
خذ نفساً عميقاً انه يوم سيء وليس حياه سيئه 🖤✨

ايرين ييغر 🥺🤍❤️



مألوفة جدا لدرجة الغرابة.
- صَاآرِحني.
التعديل الأخير تم بواسطة fati-chan ; 2020-04-08 الساعة 13:00
2020-04-08, 01:10
#3
الصورة الرمزية fati-chan
fati-chan
:: عضو مميز ::
تاريخ التسجيل : Mar 2020
الدولة : الجزائر - عنابة
العمر : 10 - 15
الجنس : انثى
المشاركات : 1,652
تقييم المستوى : 8
fati-chan غير متواجد حالياً
افتراضي رد: اخطيكم من الكورونا وارواحو نتسلاو ....
__قالك واحد النهار واد الجابوني هو ماصو و المالوفري تاعه جزايري، قالك الجابوني بدا يخدم والمالوفري
الجزايري يجيبلو فالصوالح.. ، قالك الماسو الجابوني طاح من السلوم قالك وعاود ولّى يخدم، ايا المالوفري تاعنا راح عند الطبيب وقالو : جيت عندك باش تعطيني مالادي تاع الخُلعة
__غبي قالولو: في الصين كل دقيقه ينولد واحد قال: يلعن ابو التطور، حنا عندنا كل 9 أشهر
__الجوج قال للمحابسي واين تسكن جاوبو حذا جارنا سقسا جرهم قالو نسكن حذاه هيه زاد سقساه واين تسكن حذا جارنا زاد سقساه او جاركم واين يسكن قالو حذانا زاد قالو ونتوما في 2 واين تسكنو قالو حذا بعضانا
__اب كسلان قال لولدو الكسلان قوم افتح الباب لامك الابن: افتحلها انت مش هذي مرتك؟ الاب: قوم يا ولدي هذه امك الابن: و مرتك ثاني قوم انت افتحلها الاب: يا مرأة انتي طالق بالثلاثة… قوم ضرك افتح الباب لامك و رد بالك تقلي مرتك
__اتنين اغبياء ماشيين فى الشارع قابلتهم مذيعه سألت للأول: وش تمثلك الجزائر؟؟ قالها: الجزائر…. يما وقالت للتانى: وانت..وش تعنيلك الجزائر؟؟ قال لها: ام السيد لى كان يحكي معاك وسي با لابين نحكي عليها
__واحد قال لابنه روح شوف النتيجة ولو نجحت هدبح لك خروف… لما رجع قاله عملت ايه يا ابنى قاله الخروف اتكتبله عمر جديد.
Take a deep breath, it's a bad day, not a bad life
خذ نفساً عميقاً انه يوم سيء وليس حياه سيئه 🖤✨

ايرين ييغر 🥺🤍❤️



مألوفة جدا لدرجة الغرابة.
- صَاآرِحني.
التعديل الأخير تم بواسطة fati-chan ; 2020-04-08 الساعة 13:01
2020-04-08, 01:24
#4
الصورة الرمزية شُمـــُوخ ..
شُمـــُوخ ..
:: عضوة شرفية ::
تاريخ التسجيل : Nov 2017
الدولة : الجزائر - البويرة
العمر : (غير محدد)
الجنس : انثى
المشاركات : 3,811
تقييم المستوى : 19
شُمـــُوخ .. غير متواجد حالياً
افتراضي رد: اخطيكم من الكورونا وارواحو نتسلاو ....
هه هايلين
برتقالة و نص خخ

بارك الله فيك ^^
2020-04-08, 11:57
#5
الصورة الرمزية ♥ سمو الملكة ♥
♥ سمو الملكة ♥
:: عضو مجتهد ::
تاريخ التسجيل : Jan 2016
الدولة : الجزائر - سكيكدة
العمر : 15 - 20
الجنس : انثى
المشاركات : 495
تقييم المستوى : 10
♥ سمو الملكة ♥ غير متواجد حالياً
افتراضي رد: اخطيكم من الكورونا وارواحو نتسلاو ....
شكرا لك اووووه نحيت على بالي و الله
قُلْ إِنِّىٓ أَخَافُ إِنْ عَصَيْتُ رَبِّى عَذَابَ يَوْمٍ عَظِيمٍ

2020-04-08, 18:07
#6
الصورة الرمزية rawnak02
rawnak02
:: عضوة شرفية ::
تاريخ التسجيل : Oct 2012
الدولة : الجزائر - الشلف
العمر : 20 - 25
الجنس : انثى
المشاركات : 786
تقييم المستوى : 12
rawnak02 غير متواجد حالياً
افتراضي رد: اخطيكم من الكورونا وارواحو نتسلاو ....
ههههه شكرا لك نتمى ان نرى المزيد منك ان شاء الله في اقرب

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع
الساعة معتمدة بتوقيت الجزائر . الساعة الآن : 06:45
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)