اليوم جبتلكم هاد القصيدة على حكاية التلميد و الكرسي كتبها شاعر من ولاية البيض : مقدم نور الدين
الكرسي
جاني الكرسي قالي راني زعفان..... بهدلني تلميد ماهو متأدب
قشر لوحي راه خلاني عريان ........ كسر كل اطوابقي لمن نهرب
نتفني وهدى ضلوعي كل تبان ....... و اتحول كي الساف يرمي بالمخلب
عوقني ياصاحبي ذاك الشيطان ....... طير لي كراع رجعني منصب
بعد العشرة شوف كيف نكر لحسان ........ هو في راحة و جسمي يتعذب
هو فالعلوم يقرا والبيان ......... و انا جامد ما نجاوب ما نكتب
هو عزه خالقه خالقه عظيم الشان .......... رفعه درجات بالعلم امراتب
هو بالتفكير يوصل للايمان .......... و انا خادم ليه عمري ما نتعب
لو ميز يلقى اسمي فالقرآن ........ يحميني و يكون لي خير الصاحب
اتجرعت اليوم من مر الكيسان ....... كي وليت اعليل مرمي متنكب
في مخزن عشيت ضحكة للفيران ... ... و اتوحشت اقسام واحديث مرتب
من كي السودار زادني لحزان ......... ما قعدت ليا صحيحة تطبطب
ما نسمح اللي ادفني يا لخوان ......... ما نسمح موحال للقاشي لجرب
من خرب لقسام جاها كالطوفان ........ ذا مريد الا يكدد و ايثقب
اللي ما خلا لا تاقة لا بيبان ...... لا سبورة سالمة و لا مكتب
ما نسمحش انوكل عليه الرحمان ......... يوم القيامة ايحاسب من خرب
شوفو وجه الطابلة كي راه شيان ......... من كثرة لوشام تبقى متعجب
تلقى فيها كل اتار الرومان ........ هدا راسم ديك ذا راسم ثعلب
لاخر راسم سيف و احذاه الذبان .......... لاخر راس كبير مولاه مشبشب
وامعاير ظنيت لولاد الجيران........ و اتخربيش اتظن مولاه مطبطب
ذا التلميذ يجيك يتكركر عيان ......... فوق كتافه راه كرطابه قطب
واذا راد الله يوم الامتحان ........ خيك ما يسعاش حية غي يطلب
يتسلف ممحاة مسطارة والوان ........... و كريو مقروض هدا ما يكسب
و استيلو قلال من قز النيبان .......... ما يكتب حتى يسيي و ايشطب
و المنقلة غير وحدة عند فلان.......... تديها سعاد ترجع للطيب
السؤال يقولك ماهوش يبان ...... ما هو عينه فالقراية يتسبب
و الكراس ملاه مرقة بالجلبان...... خويا قال صغير فالقدرة جلب
ما جبتش لكتاب سرقه لي رضوان...... عنده غير غلاف واحد يتقلب
و التحضير ايقول هملت العنوان ........ شي مرات يقولك كنت مغيب
ما راجعتش جات حنة من وهران... .......... ندهوني نشري القصبر والرايب
ذا حال تلميد تاخير الزمان ....... كي يولي قادوم للسور ايريب
دا حال اللي تاكلة عليه الاوطان ......... يبنيها و اتعود للبعد تهيب
ندعو ربي ما ايخيب ليه اجنان ........ يسقي بالعلوم وطنه ويشرب
هدا الصورة جبتها ليكم باوزان ........... ماني قاصد كل منهو متادب
حاشا تلاميد فرسان الميدان ....... يوم الحزة دايم نارهم تلهب
نهديهم كلمات ناظمها فنان ....... هدا غير الصح مانيش نعيب

اتمنى تكون هاد القصيدة نالت اعجابكم و ما تنساوش التعليقات

هههه
بوركت

ههههههههههههه رائعة مشكوووووور والله يعطيك الف عافيه

4444444444444444444444444444444444444444

قصيدة على حكاية التلميد و الكرسي

هههههههههههههههه مشكورة

vhi, 44444

Hhhhhhhhhhhhhhhh
44444444444444444444444
mrcccccccccccccccccc

شكرا على الردود

شكرا جزاك الله خيرا

العفو نوور

Hhhhhhhhhhhhhhhh
44444444444444444444444
mrcccccccccccccccccc