السلام عليكم ورحمة الله وبركاته
بدون مقدمات اترككم مع روايتي اللي ان شاء الله تنال اعجابكم
البــــــــــــــــــارت الاول :

أحياناً يغرقنا الحزن حتى نعتاد عليه
وننسى أنّ في الحياة أشياء كثيرة يمكن أن تسعدنا
، وأنّ حولنا وجوهاً كثيرة يمكن أن تضيء في ظلام أيامنا شمعة
فابحث عن قلب يمنحك الضوء ولا تترك نفسك رهينة لأحزان الليالي المظلمة.

الهند (مومباي) باحد الفلات وباحد الغرف كلها باللون الوردي كانت ترقص على احدى الاغاني الهندية وخلخالها يصدر اصوات عديدة على حسب طريقة رقصها كانت ترقص وكانها محترفة وشعرها الاسود الطويل كل ماتحركت يتحرك معها ويغطي وجهها دقت باب غرفتها وبس سمعت صوت الاغاني فتحتها كانت مراة مبينة بعمر الاربعين حركت راسها بياس ونادت / بريا
بس ماسمعتها بريا كملت رقصها وهي فرحانة والبسمة شاقة وجهها راحت المرأة وطفت المسجل الاغاني بريا كملت رقص وبعدها استوعبت انو الاغاني انطفت التفتت وبانت عيونها البندقية وشفايفها التوتية وشعره الطويل لحتى فخدها وقالت /ياماما ليش طفيتيه كنت فرحانة وانت قطعتي الجو علي
ديبا تقدمت منها وضربتها على راسها بخفة /يابنت متى رح تكبري وقوليلي ليش الرقص
بريا ابتسمت وقالت /مامي تعرفي صديقتي انجلي اتصلت وقالت لي انها راجعة بعد اسبوع لهون
ديبا بان على وجهها الحزن وقالت /بس مارح تلتقيها
بريا /شو ماما ليش
ديبا/تعالي نحكي مع بعض شوي بخصوص ابوكي
جلست بريا على السرير وديبا جنبها
بريا والخوف مسيطر عليها /احكي ماما بابا صررله شي
ديبا/حالته ساءت اكثر
بريا /كييف وشو صار لاتقليلي صرله شي ماما بترجاكي لا
ديبا حزنت على حالة بريا وقالت / بنتي انت بدك ابوكي يعيش صح
بريا /اكيد ماما
ديبا/ في علاج لابوكي بس مو هون بانجلترا ولازم نظل سنتين هناك
بريا وقفت/ايه ماما خلص يلا انا رح احجز ونسافر فورا
ديبا مسكتها من ايدها وجلستها / انت مارح تقدري تجي معنا لانو ابوكي ماوافق تجي معنا
بريا /كيييف لكان انا وين بروح
ديبا / ابوكي رافض انك تهملي دراستك وخصوصا اننا حاولنا ننقل دراستك لانجلترا بس رفضو وماقدرنا
بريا وبدت دموعها تنزل /يعني انا مارح روحديبا/لا بنتي بس رح ناخدك لبيت جدك بتركيا
بريا رجعت وقفت /كييف ماما مستحيل اساسا هم رح يرفضو ومايحبو
ديبا/ لا بنتي ابوكي حكى مع جدك وهو وافق ولما حاولنا نقل دراستك وافقو ونحن عملنا كل شي كل اللي عليك انك تروحي لتركيا وبس يصير وقت انك تدرسي تروحي عادي وتدرسي
بريا /بس ياماما انا مابقدر عيش معهم وكيف بترككم لحالكم سنتين كلهم انا يوم ما اقدر عيش بدونكم بترجاكي ماما
ديبا /اسفة بريا بس ما بقدر وهدا مو وقت البكي ابدا لازم تقومي وتجهزي حالك لانك رح تسافري بكرا
وقامت لتخرج من غرفة بنتها
تاركة بريا تبكي ...!!
----------------------------------------
بتركيا (اسطنبول)
باحد افخم القصور فيها اللي يبين انو اهله ناس عز واحترام ندخل مع بعض ونكتشف القصر كان الخدم مثل النحل فيه كل واحد وعمله بكل مكان بهداك القصر لوحات فنية وكنب من النوع الفخم والراقي والثقيل كل صالون بديركور خاص فيه واحد باللون الاسود والاحمر والتاني باللون الاسود والابيض والثالث بالوان مختلفة ...
واللي كان مجتمعين فيه شخصيات قصتنا هو اللي باللون الابيض والذهبي مقسم لجزئين الجزء الاول كنب ابيض والسادات باللون الذهبي الستائر بيضاء ومزخرفة بالذهبي واللوحات الفنية بكل جدار والجزء الثاني عكس الاول وكل جزء فيه طااولة كبيرة كان جالسين فيه اشخاص والكبير فيهم كبير العائلة الجد جالس ويشرب قهوته بهدوء والجميع ساكت لحتى تكلم شخص منهم
......../ يابابا متاكد من قرارك تجيب بنت غريبة وتسكنها هون
الجد حط فنجانه على الطاولة وبهدوء قال / هي مو غريبة
........ بانفعال / كيف مو غريبة بنت هندية تعبد البقر والشمس تدخلها لبيتنا لحتى تنجسه
الجد بحدة /احمد هي بنت اخوك ادا ناسي وحفيدتي بنفس الوقت متل رائد وسليم وعادل وجليل وفراس ورغد ودانة وسجى وملك وبنت ابني اللي بين الحياة والموت
احمد /لو مات وريحنا احسن بكثير
الجد بصوت عالي/احمد لاتتخطى حدودك انا قلت كامي ومافي نقاش وكل واحد لشغله
قام الكل من المجلس منهم اللي موراضي ومنهم المسغرب والشباب بين وبين موعارفين شو الصح راحو لاحد الصالونات وجلسو لحالهم وقال واحد بينهم بحماس /شباب بقلكم من هلأ اذا حلوة فهي لي
رائد/ سليم لاتتحمس كثير هي بنت هندية واكيد بنت فقر ومو من مستوانا
سليم/رائد انت دائما تحب تنزل المعنويات بعمرك لاترفعها
رائد بابتسامة /ايه اختصاصي
تدخل جليل بينهم / شباب استنو انا بوصلكم شكلها الشباب /اوصف يا استاذ جليل
جليل /اول شيء بشرتها سوووداء وشعرها اسوود وطويل مجعد عيونها كبار وسوداء وشفايفها كبيرة ولونهم اسود ودائما تلبس هداك اللبس شو اسمه... ايه ساري هندي ويطلع شكلها بشع وبس تشوفوها رح تعرفو اني على حق
عادل / ههههههههههه هدا فيلم رعب مو وصف بنت
جليل /وهي الحقيقة
رائد /فراس انت احكم وقول شو رايك
قراس بهدوء/انا مالي دخل وماتهمني لا البنت ولاغيرها
سليم /لو تتبرعلي بكمية قلييلة من وسامتك كنت وقعت كل بنات العالم
عادل/ ارحمنا يا اخي
فراس /تفاهات ومالها معنى وماتفيد بشي هه حب انا رايح لشغلي
وقام من مكانه وطلع من عند الشباب
عادل/ياشباب متى اخر مرة ضحك فراس
جليل/هههههههههههههههه
رائد /شو اللي يضحك
جليل/ لاني بصراحة بعمري لاشفت فراس ضحك الشغل اخدله كل وقته
رائد /معك حق لازمله تغيير جو
سليم /هلا اتركونا من فراس خلونا نروح نسبح
جليل/ايه الجو حر يلا شباب
وقامو ليروحو يسبحو
*stop
كبير العائلة الجد خالد كلمته اللي تمر ومايحب احد يناقشه بقراراته كبير بالعمر بس اللي يشوفه يعطيه اقل مرته مسافرة سياحة مع صديقتها دايما تهتم باناقتها ومقتنعة بنفسها انها لازالت صغيرة بالعمر وبعز شبابها >> معليش ارفعولها منوياتها بخخخ

اولادهم
احمد اكبر واحد بين اخوانه متزوج وعنده 3اولاد
سليم / طويل وجسمه فيه شوي عضلات شعره اسود وعيونه سوداء ملامده حلوة وبشكل عام وسيم
رائد /تقريبا نفس وصف سليم بس عيون رائد عسلية وهو اسغر بسنتين من سليم
رغد / اختهم وهي اصغر وحدة بينهم شعرها قصير ولونه اسود شوي مليانة بس جسمها حلو عيونها لون عسلي مثل رائد وحلوة
--------
جهاد اصغر من احمد ومتزوج وعنده 4اولاد
جليل/ شعره اسود وعيونه واسعة شوي ولونهم بني جسمه معضل ومناسب ووسيم يجنن
عادل / شعره بني وعيونه لونهم بني طويييل حوالي 1.84 وجسمه فيه شوي عضلات وهو تحفة ووسيم
سجى ودانة /توام شعرهم بني لاكتافهم وعيونهم نفس لون شعرهم يتشابهو كتييير ويميزو بينهم لانو سجى اقصر من دانة بس مو كتير جسمهمم كتير حلو
---------
محمد متزوج بوحدة اصلها هندي واللي هي ديبا بس اسلمت ابوه عارض زواجه بشدة الا انو محمد رفض قرار ابوه وتزوجها بالسر ولما راح لعند ابوه تبرى منه وماكان عنده محمد طريقة تانية غير انو يرجع للهند المكان اللي كانت عايشة فيه ديبا وهو تعرف عليها هناك لانو كان مسافر عمل وللاسف محمد مريض بالمرض الخبيث ( الله يحمينا) عنده سرطان بالدم بس ببدايته ويقدر يتعالج ان شاء الله بنتهم الوحيدة بريا اسمها الكامل بريانكا بس يدلعوها بريا دائما بنت تجنن بمعنى الكلمة شعرها اسود وطويييل لفخدها وناااعم مثل الحرير عيونها بندقية وجذااابة كانه فهيم سحر شفايفها توتية ومليانة شوي جسمها كتييير حلو متنااسب و رشيييقة يعني من الاخير بنت تهبل وتخقق
--------
اما اخر اخت لهم وهي مريم متزوجه وعندها بنت وحدة زوجها مسافر هي متل اخوها احمد يكرهو محمد انو كان المفضل عند ابوهم ولما عصى اوامره فرخو لانو اخيرا يروح بنتها اسمها ملاك بنت يعني حلوة جمال عادي شعرهاا اسود وقصير وعيونها لونهم عسلي غيورة بشكل غيووورة بشكل غير طبيعي ومجنونة ب فراس
-----------
فراس قصة اخرى هو مو ابن احد فيهم جدهم لقاه امام المسجد وكان بعمر 5سنين رباه متل ابنه وصار جزا لا يتجزا من العائلة كل البناات مجحنونات فيه ودايما يحبو يلصقو فيه بس ما يعطيهم فرصة جميييل لدرجة لاتتوقع يجنن وياااخد العقل خصوصا عيونه تضبع الواحد فيهم لونهم رمادي مختلط مع ازرق وشعره اسود وناعم طوييل وشكله خياال من الاخير هو اجمل وااحد بالعائلة وكتير وسيم
---------
back*
بمجلس النساء كان الكل مستغرب من قدوم بنت محمد لعندهم غيير مريم اللي كانت بقمة الغضب وجهها يعلوه الكره والحقد والانانية
سليمة مرت جهاد / مريم انت بخير
مريم /ها ايه تعبانة شوي
سليمة /روحي ارتاحي
مريم /لالا مافي داعي
سليمة/براحتك
اما البناات كانو بقمة الفرح لقدوم بريا من غيير ملاك
رغد /بنات يعني هي تعرف ترقص هندي وتلبس مثلهم
دانة /ايه اكيد وشعرها طويييل ياحظها بس نحن شعرنا قصييير وبعمره لايطول
(كل بنات هي العائلة شعرهم قصييير وبصعوبة ليطول وادا قصوه يصبرو سنييين وياربي اذا طول)
ملاك بسخرية / ههه بنت الفقر جاية لعندنا
سجى /مين قال انها فقيرة اللي عرفته انو عمي معيشهم بعز وماينقصهم شي
ملاك /بكل وقاحة تقولي عمي ماتخجلي
رغد /بنات بس يكفي لاتفضحونا وملاك هو خالك كمان
ملاك /هه خالي
سجى بعصبية /يلا بنات امشو نطلع لبرا لاني ملييت من بعض الاشخاص
قامو وملاك تنظر لهم بسخرية
----------
نرجع لبريا >>اشتقتو لها صح

جالسة بغرفتها وتبكي بصمت حاسة بكتيير مشاعر مو قادرة تفسرها كره وحقد على جدها خوف وقلق على ابوها وامها وتوتر وارتباك لانها رايحة لبيت ناس غرباء بالنسبة لها وتكون لحالها
سمعت صوت دق باب غرفتها مسحت دموعها بسرعة وقالت /نعم
ديبا /بنتي ممكن فوت
بريا /اكيد ماما
دخلت لعندها وبس شافتها عرفت ناها كانت تبكي اقتربت من ها ومسكت ايدها /كنتي تبكي
بريا ماردت
ديبا ابتسمت /بريانكا انا بعرف مع الاول انت رح تتوتري وتخافي لانك رح تكوني لحالك بس رح تعتادي
بريا /بس يااماما كيف بعتاد عليهم هم تبرو من بابا ومارضو فيك وانا حتى مابعرفهم
ديبا/بعرف بس هم يظلو اهلك وما الك غيرهم بهي الحياة
بريا /لا انتو اهلي الوحيدين
ديبا / نحن مو دايمين ويمكن باي لحظة الله .... قاطعتها بريا /ماما بليز لاتذكري سيرة الموت على لسانك
ديبا /طيب اوعديني مارح تبكي مرة تانية لانك رايحة لعندهم
بريا باتسامة مصطنعة /جي (اوكي)
ديبا ابتسمت /يلا خلينا نجهز اغراضك وبس نكمل نروح لتودعي ابوكي بكرا ماتقدري لانو موعد طيارتك بنفس موعد جلسته
بريا ابتسمت بحزن وبدت تجهز اغراضها مع امها وبس كملو راحو للمشفى دخلو لغرفتو وهو ماحس فيهم كان يدعي الله يعافيه ويشفيه / يارب عافيني واشفيني يارب احميني لعيلتي وادا رح تاخد امانتك احمي عيلتي ولاتخليهم يتعرضو للذل يااارب
بريا بس سمعت كلامه كانت حتبكي بس تماسكت وقالت /بابا
التفت محمد لها وابتسم ابتسامة عريضة فتح ايديه لتضمه وقال /بريا
بريا ركضت لعندها وضمته بقووة /بابا لاتتركني
محمد مسح على ظهرها وهو يبتسم /لاتخافي الله معنا ورح يحمينا
بعد فترة بعدت عنه قال بابتسامة /رايحة لبيت جدك
بريا بحزن/اييه
محمد /لاتخافي حبيبتي رح تعتادي عليهم هم كتير طيبين وبيظلو عائلتك
بريا /مايهموني انتو بس عيلتي
محمد /بنتي شوهاد الحكي انا بزعل
بريا /طيب بس لاتزعل
ظلت تحكي مع والدها وتودعه لانها ماتقدر تشوفه بكرا وهي حاسة بعدم راحة من تركها لهم لحالهم
حتى امها ودعتها لانها مارح تلاقيها لما تصحى تكون مع ابوها
---------
يوم جديد
صحت بريا بكيير او بالاحرى مانامت طول الليل وهي تفكر بكيف رح تكون حياتها من ناس غريبين قامت تحممت حوالي ساعتين وهي تتحمم طلعت ونشفت شعرها الطويل راحت لتختار ملابس لها هي دايما تلبس ساري خاص بالمراهقات لبست متل هاد


لبست اساور حمراء واقراط من الذهب رفعت شعرها ذيل حصان وخلت بعض الخصلات من المام منسدلة كانت تجنن وبقمة الرقة والنعومة
شافت الساعة وكانت 10.15 دقيقة الوقت انها تروح للمطار واكيد ابوها هلأ بدا جلسته وامها مو موجودة بالبيت راحت لعنده لتظل معه نادت للخادم ليحمل حقائبها وركبت معه ليوصلها للمطار وطول الطريق تفكر وتفكر وتفكر........

نهاية البارت ...

ردودكم ... وارائكم... وتشجيعكم ^_^

لوّن حياتك بألوان التفاؤل والسعادة والفرح، الحياة كلوحة تنتظر الألوان لتغدو أكثر جمالاً، نولد ولوحة حياتنا بيضاء نقيّة، منا من يحولها إلى الســــواد ومنا من يحافظ على نقائها و صفائها، إذا سمـاؤك يوماً تحجبت بالغيوم أغمض جفونك تبصر خلف الغيوم نجوم، والأرض حولك إذا ما توشحت بالثلوج، أغمض جفونك تبصر تحت الثلوج مروج، رغم وجود الشر هناك الخير، رغم وجود المشاكل هناك الحل، رغم وجود الفشل هناك النجاح، رغم قسوة الواقع هناك زهرة أمل.