انا عن يومي نضت على ال 10 و حاجة .. على صراخ ماما طبعا ايا نضت المشكلة لقيتها دارت كلش ما فهمتش علاه تعيط عليا .. اصلا رقدت روطار قريت قرآن من الفجر .. من الصباح و انا مصمرة بحذا الميكرو في الطاسيلي -_- و كرشي تعيط .. بالاك و احتمال ضعيف جدا نعاون مبعد خخ اكّا هو

نهار هايل مي المشكل الوحيد فيه إني مازلت نخمم فالبيام باسكو العام أدا نجوزها نشاالله وندعي ربي يوفق الناس لكل فيها وحتى ناس الباك ربي يوفقكم وتزغرت ليكم الميمة أما باقي نهار عادي لا جوع ولا عطش يعني مليتها فالسحور ............ صحا فطوركم لكل ...........

الباك افقدني طعمة رمضان جاز نهار نورمال نضت الصباح كالعادة خرجت درت شوي وباعد رحت لليكور بفف رجعت للدار تقول 1 هكاك وباعد رقدت شوي عيييت وبين قوسين لا علاقة لي بالطبخ والنفخ انا دوري الاكل فقط هه
بالمناسبة رمضان مبارك للجميع وكل عام وانتم بخير

وأنت بخير و صحا فطوركم الناس لكل

جوزتو أغلبية تاعو نلعب بxbox و وقت الصلاة نروح نصلي

فات نهار مليح ماكاين لا تعب ولا عطش ولا جوع مادام الايمان قوي
نضت الصباح على ١0 ساعدت ماما و منبعد صليت وقريت شوي قران ومنبعد دخلت لطاسيلي ومنبعد تفرجت شوي ورجعت للطاسيلي
ويستمر نهاري حتى للمغرب .
وصحا فطوركم.

فات كحل خخخ

ماما زيفطتني نشري الليم ( القارص) طبعا طلعت للسوق شفت كانيش عجبني عاندتوا خخخ

حسبتوا كان مربوط مي الزهر خخخ ايا بلا مشاعر قريب نبكي

حاوقني وبزيادة كنت لابسة ميلاية طلعتها وقعدت نجري خخخ وناس تقول الله اكبر تحسبهم شافوا جن المهم روالحدث الاكبر تقطعتلي كلاكيتي (بيرك) شريتها بخمسة وستين هيهيهي ومن الصرع دخلت لوحد الجاردة مانعرفهاش شغل هربت منو (وفي مدينة جديدة ياك علابالكم بلي رحلنا ) وليت حافية لدار ونبكي خخخ وماما عطاتني سوميل باه نشري كلاكيطة جديد الحدث يلي فرحني بصح اسمعوا رح ننتقم لهدا الكلب خخ ستخيلوا الموقف محرج جدا وراح يسكن في الملغيغة ويكرى في نخاع الشوكي