السلام عليكم خاوتي
بون انا العام لي فات جوزت الباك وكنت خايفة بزاف من الفرونسي
مي سمانة الاخيرة لقيت لي يفهمني ..المهم جبت 14 فالفرنسية خير من والو بيان سور
الشيوخة تاع المسيد يحبو يخلطو ويغنجقو برك هو البرنامج والله ساهل...هههه هدرت بزاف علابالي ..الوغ ندخل فالموضوع
اليوم جبتلكم ملخص درتو انايا قلت واقيل كاين ناس كيما حالتي على الاقل يساعدهم هاد الملخص

حنا فالفرنسية نقراو 3 انواع تاع النصوص وكل فضل نحطلكم واحد ونفهمكم فيه ولي عندو أسئلة يحطهم

Texte historique : il parle d'un fait historique
النص التاريخي : وهو نص يهدر على حاجة صرات فالماضي

خصائص النص التاريخي : هادا كيفاش تعرفو بلي النص تاريخي

تلقاو فيه تواريخ بزاف des dates.

تلقاو أحداث مرتبة Des événements classés par ordre chronologique

تلقاو شهود ..Témoins.... وأقوال يعني "" بين قوسين ......

ايه ، الأفعال تلقاوهم مصرفين فالماضي ..Les verbes dans le passé


مالا الا لقيتو النص فيه كامل هادو لي راهم الفوق قولو :
le type de texte est historique

يتبع

Les visées communicatives d'un texte historique:


معنتها الكاتب واش الطريقة لي تابعها باش يحكي الحدث. وكاين ربعة


Informer: يخبر .....هادي دايمن تكون ومعناها

Témoigner : يشهد ...ونعرفوها كي يكون الكاتب شاهد.......يعني كي تشوفو النص فيه الاقواس ويوظف بزاف je _nous

Dénoncer : يبلغ ...ومعناها يهدر على مجازر صرات وهو يبين الوحشية تاعهم

Rendre hommage : إحياء ذكرى .... كي يهدر على كاش شخصية


الكثرة دايما (informer )ويزيد معاها حاجة وخطرات وحدها




يتبع

Moi nfawaT L Bac had L3am les langues et je pense que le texte historique bayen w facile w les questoin dyawlou sahlin bezaf tbanli le texte argumentatif s3ib 3lih

ايييه صاح
تاريخي ساهل بزااف والكثرة كامل يخيره
مي انا راح نزيد نحطلكم الحجاجي وتاني الإعلان
ميرسي حبيبتي على المرور *-*

بارك الله فيك أسماء

و وفقك و سدد خطاك

بارك الله فيك أسومة و جزاك خيرا
أفادني

وفيكن بارك الله اخواتي
مع تمنياتي لكم بالتوفيق
ولي رجعة للموضوع لاكمل ما بقي من انواع

بارك الله فيك اختي وجزاك كل الخير
ارجو ان تكملي الموضوع

مشكورة على الموضوع وفقك الله لاكماله