السلام عليكم
جماعة الطاسيلي الزينونيين واش راكم وشعال راكم ولزوا ديرولي بلاصة بيناتكم

اليوم درتلكم هذا العنوان

ما تحشموش سراقين .....تفو

نونو مانيش عليكم
ولا على السراقين العاديين
ولا السراقيين الإفتؤاضيين ....جماعة سرقة المواضيع نونونو خاطر راكم Gاع فالحبس
اليوم نقولكم هذا عنوان نتاع واش
ياو الويفي نتاعي ههه
كل ويفي عندو إسم انا لما رحت نفلاشيه
قاتلي مادام واشبيه مودام .....قتلها أولا يسموني مادموزال بكل فخر :giggle: :giggle: :giggle: ...
دوزبامو ماشي مودام اللي واشبيه شعبنا واشبيه
ديري تشوفي هذا الإسم للمودام نتاعي
ما تحشموش سراقين تفووو :alien:
وما نقولكمش تفو نتاعي لا بوتيت
ماش نتاعها طلعت وهبطت : p قتلها ديزولي :cautious:
السيد واقف شاف فيا شفت فيه من ساسو لراسو نتاع بلع فمك تفو الدوزيام جاياتك جال فوق ذيك الهيدورة

قتلها هذي للناس اللي تحوس تكونيكتي من ويفي نتاعي
راني خليتو بلا مود باس نفتح باب نلقى قدام بابنا جماعة يكونيكتيو يا سلام خصهم غير قهوة ودومين
ديري تشوفي هذا الإسم ومود باس ما نحكيلكمش فيه 12حرف :LOL: :LOL: :LOL:
السيد قالي عليها ما عنديش كونيكسيو فالدار وانا نقول معليش خليه مفتوح
قتلو ربي يسهلك يا خويا انا ماشي نخلص والناس تكونيكتي
انا مانيش لوتيل وديجا لوتيل لازم يكون حاجة كلاص فيه الويفي
ومانيش مرت اردوغان نديرلهم الويفي فالبلاد :cautious: :cautious:

ناس عايشة تبروفيتي وبلا حشمة يجو عند بيبان الناس ويكونيكتيو الصراحة ما نقدرش نديرها لأنو هذي خصوصية الناس ومخلصين عليها دراهم
وتجي هذي الكائنات كدودة القز تزحف قدام بيبان الناس وريتهم يمدو الحرير :unsure::unsure:

قولولي هذو الزواحف عندكم منهم
والويفي نتاعكم دايرنلو كادنة والا طالقينو للريح

اعطوني رايكم فالموضوع

واش رايكم فإسم الويفي نتاعي هههههه وزيرة الإتصال قاتلهم جيبوهالي حية أو ميتة :LOL:

ميغسي على قولة مديرتنا :Love:

أكيد ندير للويفي كادنة ههههههه لازم بسكو عباد في هذا الوقت يستغلوك بزاااف • بوركتي أختي على الموضوع

خلعتيني ها طفلة انا قلت راهي علينا نجري بالحظر هيهيهي
ههه ياو المشكل تلقاي عندهم الكل الويفي في الدار بصح باه يتجمعو يروحو وين ديار الناس
حنا من زمااان دايرينلو كادنة اصلا بابا بلا ويفي يكره واحد قدام الدار علا العام و هوا عقابهم يهوا يا يتلمو لتم هه
الله يهدي ختيتي الجيل لمجلجل كيما تقول ماما هه

(الحمد لله كي طلع الموضوع سلامات خخخ)

خخ حنا مقابلين ابتدائية ابن المديرة حكمناه في البالكون يكونكتي بالبيسي
خخ طيفنا المودام دخل و شعلناه خرج خخ منبعد درنالو نظام الحماية خخ
السريقة عيني عينك
خخ الله يهديهم

هههههههههههههه

ههههههههههههه شحال من مرة نحكم ولد جارتنا عند الباب يكونكتي خخخخخ حتى درنالها كود

ههههههههههههههه السرقة حرام خخخخخخخخخخخخخ
ياودي لازم الكود ههه

تاعنا الويفي مدايرينلو كادنة وكايسرقوه يرحم باباك تدير وش تدير يسرقوك والله واحد مايقدر عليهم
وزيد مايخافوش ربي ومايحشموش لحمير

تاعنا الويفي مدايرينلو كادنة وكايسرقوه يرحم باباك تدير وش تدير يسرقوك والله واحد مايقدر عليهم
وزيد مايخافوش ربي ومايحشموش لحمير الحيوانات الناطقة

الموضوع روعة احنا نهار حطينا الويفي درنالو كود ومام ديرنالو كود الناس متحشمش تحوس على الكود