مــســــألـة :

يقترح نادي لكرة القدم يلعب فريقه بالبطولة الوطنية صيغتين للدخول إلى الملعب .
الصيغة الأولى : يدفع المتفرج DA 50 لكل مقابلة يحضرها .
الصيغة الثانية : يدفع المتفرج اشتراكا سنويا DA 250 ثم DA 30 عند كل مقابلة يحضرها.
الفريق يلعب 30 مقابلة خلال السنة
1 -أ) ما هي الصيغة الرابحة لمتفرج يحضر 8 مقابلات ؟
ب) ما هي الصيغة الرابحة لمتفرج يحضر 14 مقابلات ؟

2)ليكن x هو عدد المقابلات التي يحضرها متفرج خلال سنة .
أ) ليكن P1 المبلغ المدفوع لـ x مقابلة حسب الصيغة الأولى
- أكتب P1 بدلالة x .
ب) ليكن P2 المبلغ المدفوع لـ x مقابلة حسب الصيغة الثانية
- أكتب P2 بدلالة x .

3)المستوي المنسوب إلى معلم متعامد ومتجانس (O , OI , OJ )
حيث : 1cm على محور الفواصل يمثل 2 مقابلة
1cm على محور التراتيب يمثل 100 DA
أرسم المستقيمين 50x=y1 : (D1) ، 30x + 250=(D2) : y2

4)مستعينا بالتمثيل البياني أجب عن السؤال الأول .

5)حل المتراجحة 30x + 250> 50x
-أعط تفسيرا للنتيجة المتحصل عليها

السلام عليكم و رحمة الله

سأوافيك بالحل إن شاء الله

شكرا لك انا انتظرك

أختي
كتبت ردا طويلا به الحل
و فجأة راحت الأنترنت فلم يرسل
الآن دخلت بالهاتف و بالأنترنت نتع موبيليس 3g
صعب إعادة الكتابة به
إذا جات الأنترنت ممبعد نعاود نكتبهولك
تحتاجيه الآن و لا ماعليش في الليل ؟

نو معليش حتى الليل

السلام عليك اختي
دك نعطيك الحل تاع الأسئلة الاولى يبقى التمثيل حتى نلقالو حل
السؤال الاول:
الصيغةالرابحةلمتفرج يحضر 8 مباريات هي:
نحسب بالصيغتان:
الصيغة1: 50×8=400 دينار
الصيغة 2: 8×30+250=490 دينار
معناه الصيغة الاولى هي الرابحة لانها اخف تكلفة
الصيغةالرابحةلمتفرج يحضر 14 مباريات هي:
نحسب بالصيغتان:
الصيغة1: 50×14=700 دينار
الصيغة 2: 14×30+250=670 دينار
معناه الصيغة الثانية هي الرابحة لانها اخف تكلفة
كتابة P1وP2بدلالة X
P1 الصيغة 1: p1(x)=50x
P2 الصيغة 2: 250+p2(x)=30x

السلام عليكم اختي باذن الله درك نحلها و ممبعد نصورها و نحطه_ا هنا
اسفة لم انتبه

اشكركم جميعا على جهدكم المبذول افدتموني وافدتم غيري شكرا جزيلا

السلام عليكم و رحمة الله

1/أ)ساهلة،نضربو الايام في الثمن بالصيغة الأولى 50x8 و رح تتحصلي على 400دج و بالنسبة للصيغة الثانية 30x8+250 و نتحصلو على 490دج
*إذن الصيغة الرابحة هي الصيغة الأولى
ب)و نفس الشيء نعاودوه بصح نبدلو 8 ب14 و رح نتحصلو في الصيغة الأولى على 700دج و في الصيغة الثانية 670دج
*إذن الصيغة الرابحة هي الصيغة الثانية
ملاحظة:الصيغة الرابحة نقصدو بيها الصيغة الأقل تكلفة

2/هادي تاني ساهلة : P1=50x
P2=30x+250

3/بالنسبة للمعلم ارسمي معلم متعامد و متجانس عــادي
*الأن بالنسبة لرسم المستقيمين d1 و d2 لازم نعرفو اولا نوع الدالة
في الصيغة الاولى عندنا دالة خطية لانها فيها فقط عملية الضرب 50x
أما الصيغة الثانية فهي دالة تآالفية لأنها فيها عملية الضرب و الجمع 30x+250
*و الآن رح نقدرو نرسمو المستقيمين
*ملاحظة:لرسم مستقيم يكفي إنشاء نقطتين
من هاد الملاحظة نستنتجو انه لازم نحددو نقطتين مالا تبعي معايا و شوفي كيفاه نحددوهم
الصيغة الأولى هي دالة خطية و راكي تعرفي كي تكون عندنا دالة خطية المستقيم لازم يشمل المبدأ O يعني حنا الآن رانا لقينا نقطة لرسم مستقيم و هي O و الان لازملنا النقطة الثانية،و بش نلقوها لازم نلقو إحداثيتا هاد النقطة رح نفرضو أنه النقطة هادي اسمها A اذن كيما قلت لازم نلقو فاصلتها x و ترتيبها y الآن رح نشكلو الدالة تاعنا
f(x)=50x
x راها باينة في الدالة تاعنا و الان تبقالنا y إذن ماهي y؟؟ f(x)=y يعني y هي 60x
و الآن رح نختارو وش تكون النقطة x انا نفضل تختاري رقم من مضاعفات 2 لانه محور الفواصل معلم على اساس مضاعفات 2 مثلا نختارو x=2 و منه y=50x2 إذن y=100 اذن احداثيتا النقطة A هي ( 100;2 ) حاولي تعيني هاد النقطة بواسطة الاحداثيتين و لما تكملي تعينيها اربطي بين النقطة A و O و رح تتحصلي على المستقيم d1 و ما تنسيش تكتبي في المستقيم y=50x
الصيغة الثانية هي دالة تآلفية و راكي تعرفي من قبل بلي كي تكون عندنا دالة تآلفية دائما المستقيم لا يشمل المبدأ O في هاد الحالة لازم نعينو نقطتين بش نرسمو المستقيم و بنفس الطريقة لي وريتهالك سابقا عيني احداثيتي النقطتين لي رح ترسمي بيهم المستقيم و كي تكملي رسم المستقيم ما تنسيش تكتبي فوقو y=30x+250

4/هادي حاجة ساهلة،عندنا في السؤال الاول نشوفو الصيغة الرابحة يعني الثمن لي يكون قليل مقابل حضور 8 مقابلات نتي في محور الفواصل روحي عن الرقم 8 و ارسمي مستقيم عمودي و شوفي مبعد هاد المستقيم العمودي وين راه يقطع المستقيم d1 و d2 على اساس محور التراتيب و رح تلقي نفس النتائج لي لقيناهم في الاعلى

5/المتراجحة شيء سهل هي نفس طريقة حل معادلة
30x+250<50x
250<50x-30x
250<20x
250/20<x
12.5<x

قد تجدين أنني قد قلبت الإشارة حين بدأت الحل السبب هو أنه سوف نقوم بنقل 30x الى 50x فيصبح لدينا 50x-30x و بالتالي فان 250 اصغر من 50x-30x و أنا قمت فقط بنقل 250 الى الجهة الاخرى لتصبح 50x-30x اكبر من 250 لان الاستاذة دائما تقول لنا بان نجعل x هو الاول دائما
*التفسير:إذا كان عدد المقابلات أقل من 15 مقابلة فإن الصيغة الثانية تكون أكبر من الصيغة الأول

أتمنى أن تكوني قد فهمت حلي
و إن وجدت أي غموض أخبريني لأجيبك عن استفساراتك،ولا تنسيني بصالح الدعاء
دمت في رعاية الله