الملاحظات
2014-03-30, 14:46
#1
الصورة الرمزية hadil hadoula2014
hadil hadoula2014
:: عضو جديد ::
تاريخ التسجيل : Mar 2014
العمر : 10 - 15
الجنس : انثى
المشاركات : 38
تقييم المستوى : 0
hadil hadoula2014 غير متواجد حالياً
Ss7009 شعر باللهجة تاعنا .....................واش رايكم؟
~♥♥♥~♥♥♥♥♥ مَحلاَنِي نَبْكِي عْلِيكْ♥♥♥♥♥ ~♥♥♥~

مَحْلانِي نَبْكِي عْلِيْكْ مَحْلانِيْ
مَحْلانِيْ نَبْكِيْ عَلَى اللِيْ خْدَعْنِيْ وْنْسَانِيْ
خَانِيْ عْذْبْنِيْ وْبْكَانِـيْ
بَعْدْمَا عْشْقْتُو اَلْعِشْقْ الرَبَـانِيْ
رَاحْ وْمْشَا وْخَلانِـيْ
خَلانِيْ نْسُوْفْرِيْ وْنْعَانِـيْ

مَحْلانِي نَبْكِي عْلِيْكْ مَحْــــــْـْـلانِيْ
حَبِيْتَكْ كْثَرْمَنْ بَابَا وْحَتَى يْمَا تَانِـيْ
حَبِيْتَكْ اَلْحٌبْ اَلْحَقَانِـيْ
ا للِيْ مَيَفَهْمٌوْشْ البَرَانِـيْ
هَادَاكْ اِحْسَاسْ دَخْلانِـيْ

مَحْلانِي نَبْكِي عْلِيْكْ مَحْلانِيْ
عْطِيْتُو قَلْبِيْ وْحَنَانِيْ
حَبِيْتُو الحُبْ الحَقَانيْ
دَرْتْ النِيَة وْ حْسَبْتُو صَحْ بْغَانِـيْ
مَزَالْنِيْ نَشْفَى مَزَالْنِـيْ
مَزَالْنِيْ نَشْفَى عْلَى النْهَارْ اللِيْ جَانِـيْ
جَا لَعَنْدِيْ يْتْرَجَانِـــــــــــــــيْ
قَالِي نْحَبَكْ وْنْمُوتْ عْلِيْكْ رَانِــــــــيْ
قَالِي أنَا نْحَسْ رُوحِيْ فِيْ هَادْ الدَنْيَا وَحْدَانِيْ
وْمْعَاكْ نْتِيْ نْوَلِيْ وَاحْدْ تَانِـــــــــيْ
نْوَلِيْ فْرْحَانْ وْ زَهْوَانِــــــــــــيْ
غِيْرْ نْتِيْ اللِيْ نْكُوْنْ مْعَاهَا هَانِـــــــيْ
وْنْوَعْدَكْ بْلِيْ نْتِيْ هِيَ الحُبْ اللَخْرَانِــــيْ
قُتْلُو يَا عُمْرِي أنَا تَانِـــــــــــــيْ
نْدِيْرَكْ فِيْ قَلْبِيْ وْعْيَانِــــــــــــيْ
وْ فْرَحْتْ وْقُلْتْ مْعَ رُوحِيْ رَانِــــــــيْ
لْقِيْتْ لَحْبِيْبْ اللِيْ يْنَسِيْنِيْ فِيْ حْزَانِـــــيْ
لْقِيْتْ الرَاجْلْ اللِيْ نْتْكَلْ عْلِيْهْ فِي زْمَانِـــيْ
وْ لْقِيْتْ نِصْفِيْ التَانِــــــــــــــيْ

وَاشْ أَدَانِيْ وْ وَاشْ أَدَانِـــــــــيْ
كِيْ وَالْفْتُو رَاحْ عْلِيَا وْخَلانِــــــــــيْ
بْدَلْنِيْ بْوَاحْدُ اخْرَا وْ خَانِـــــــــــيْ
دَارْهَا بْلْعَانِـــــــــــــــــــيْ
شْفَا فِيَا عْدْايَانِــــــــــــــــــيْ
شْرَبْلِيْ لْمْرَارْ وْ شَبَعْنِيْ مْحَانِــــــــــيْ
جْرَحْنِيْ فِيْ قَلْبِيْ كْوَانِـــــــــــــيْ
مَظَنِيتُوشْ هَكَا حَقَارْ وْ عُدْوَانِـــــــــيْ
أنَا رَانِيْ نْقَاسِيْ وْنْعَانـِـــــــــــــيْ
وْهُوَ رَاهْ مْعَاهَا هَانِــــــــــــــــيْ
غْدَرْ بِيَا وْعَذَبْنِيْ وْهَانِـــــــــــــــيْ
حُبُو بْلِيَة رَبِي بِيْهَا بْلانِـــــــــــــــيْ
وْ دُوكْ الحَمْدُ لله هَنَانِــــــــــــــــيْ
مْنْ وَاحْدْ كَذَابْ يْلْعَبْ بْقْلُوبْ النَاسْ أنَانِــــيْ
روح أنا المهم نيتي معاك كانت صافية يا البراني
مْنَكْ أنْتَ أنَا بَرْكَانِـــــــــــــــــيْ
وْ دِيْرْ فِيْ بَالْكْ غِيْرْ أنَا اللِيْ مُحَالْ تْنْسَانِـــــيْ
يْدٌورْ الزْمَانْ وْ تْنْدَمْ عْلِيَا وْتْوَلِيْ تْتْمَنَانِــــــيْ
تْحَوَسْ عْلِيَا وْ غِيْرْ فِيْ مْنَامْكْ اللِيْ تْلْقَانِــــــيْ
رُوْحْ وْإنْ شَاءْ الله كِيْمَا بَكِيْتْنِيْ رَبِيْ يْبَكِيْكْ يَا الشَرَانِيْ
وْ أنَا نْوَكَلْ عْلِيْكْ رَبِيْ سُبْحَانُو الفُوقَانـِـــيْـــ

وزيدوا شوفوا هذا
نصحوني مرة صحابي بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ... يخطبولي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار
ودرنا وحنا زوار ... قاصدين بنت معينة
الخال في بنتو شكر ويزيد ... قارية وما تركتش المسيد
وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غاية وشريفة ... ما تتركش يدها خفيفة
20خاتم في القفيفة ... تحطهم في يدها هي
وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية


قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
وزيدلها مترا قماش ... هادي حاجة رمزية
بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهراس

المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك و اخطيني
2014-03-30, 14:48
#2
الصورة الرمزية hadil hadoula2014
hadil hadoula2014
:: عضو جديد ::
تاريخ التسجيل : Mar 2014
العمر : 10 - 15
الجنس : انثى
المشاركات : 38
تقييم المستوى : 0
hadil hadoula2014 غير متواجد حالياً
افتراضي
نستنى في الردود تاعكم
2014-03-30, 16:56
#3
الصورة الرمزية emy 29
emy 29
:: عضوة شرفية ::
تاريخ التسجيل : Mar 2014
العمر : 15 - 20
الجنس : انثى
المشاركات : 5,217
تقييم المستوى : 16
emy 29 غير متواجد حالياً
افتراضي
يا اختي اشعار كثير مليحة

بس القصيدة الثانية هي الاجمل لاني سامعتها قبل ها المرة
2014-03-30, 18:24
#4
الصورة الرمزية Tassilialgerie
Tassilialgerie
مؤسس شبكة طاسيلي
تاريخ التسجيل : Feb 2011
العمر : 25 - 30
الجنس : ذكر
المشاركات : 13,303
تقييم المستوى : 10
Tassilialgerie غير متواجد حالياً
افتراضي
جميلة اللهجة الجزائرية

أشهد أن لا اله الا الله وأشهد ان محمد رسول الله
2015-02-25, 21:39
#5
الصورة الرمزية emy 29
emy 29
:: عضوة شرفية ::
تاريخ التسجيل : Mar 2014
العمر : 15 - 20
الجنس : انثى
المشاركات : 5,217
تقييم المستوى : 16
emy 29 غير متواجد حالياً
افتراضي
جزااااك الله خيرا.. على هذا المجهود الرائــع..
2020-03-11, 14:55
#6
himer.f
:: عضو محظور ::
تاريخ التسجيل : Mar 2020
الدولة : الجزائر - المسيلة
العمر : 35 - 40
الجنس : ذكر
المشاركات : 865
تقييم المستوى : 0
himer.f غير متواجد حالياً
افتراضي رد: شعر باللهجة تاعنا .....................واش رايكم؟
سبحانك اللهم وبحمدك ، أشهد أن لا إله إلا أنت أستغفرك وأتوب إليك
2021-02-21, 15:26
#7
l.rima
:: عضو محظور ::
تاريخ التسجيل : Feb 2021
الدولة : غير محددة
العمر : 30 - 35
الجنس : انثى
المشاركات : 1,245
تقييم المستوى : 0
l.rima غير متواجد حالياً
افتراضي رد: شعر باللهجة تاعنا .....................واش رايكم؟
بوركت على كل المجهودات كلام جميل جدا
2021-08-02, 19:19
#8
AbuHossam
:: عضو نشيط ::
تاريخ التسجيل : Aug 2018
الدولة : الجزائر - ادرار
العمر : 30 - 35
الجنس : ذكر
المشاركات : 88
تقييم المستوى : 6
AbuHossam غير متواجد حالياً
افتراضي رد: شعر باللهجة تاعنا .....................واش رايكم؟
جميل جدا دام إبداعك شاعرنا المتألق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع
المواضيع المتشابهه
الموضوع كاتب الموضوع المنتدى مشاركات آخر مشاركة
شعر باللهجة تاعنا .....................راش رايكم؟ hadil hadoula2014 فحول الشعر الشعبي الجزائـري 5 2023-05-24 13:10
تسميات الخضر والفواكه باللهجة الجزائرية Tassilialgerie منتدى اللهجة الجزائرية [ شـا تحكيـلنا ] 21 2018-12-04 21:12
ليفيلاج تاعنا هههههههه Dani algerian منتدى النكت والصور الطريفة 28 2016-02-05 21:30
كل واحد ياخد الهدية تاعوا ويقول واش هي rosa@rose طاسيلي العام 10 2013-01-02 20:37
حكم الدعاء باللهجة العامية Tassilialgerie طاسيلي الإسلامي 0 2012-03-21 20:21

الساعة معتمدة بتوقيت الجزائر . الساعة الآن : 06:27
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)