بوركتِ على الموضوع



أتذكر كلما كنتُ أكسر شيئًا
أخفي معالم الجريمة وآثارها
وأرسم على وجهي البراءة عندما أكون أبحث معهم عن ذلك الشيء ...خخخخخ

من ذكريات الطفولة :

كنت نحسب الدراهم بحسب عدد المعادن الحديدية ^^

منين انا كنت صغيرة
كانت هدي سر سعادتي خخخ

أتذكر عندما كنت صغيرة وقبل أيام من عيد الفطر خدشت وجه ابن عمي هههه
الأثار في وجهه حتى الآن خخخخ
كنت في كل مناسبة وكل ما تتاح لي الفرصة أخدشه
وجهه أصبح خريطة ههه

غي كنت صغيرة
كنت نكره نلعب بالدمى ومع بنات كنت نموت على حاجة سموها كرة القدم D
وغي كان يجونا.ضياف نلعبها.عاقلة بصح غي تنوض ماما. نقلب شيطان

صماعليكم عمي كي تدخل لكاش حانون
خخ

.
.
كنت نحْسب كاين " عفْرِيت 👽 "تَحت سرِيرِي
اذَا خرجَت يدِي ولا رِجلِي مِن تَحت الغطَا رَاح يـاكلهُم 😂

كي كنت فالتحضيري .. كنا فنهاية كل فصل .. نديرو الطاولات على شكل دائرة من كل زوايا القسم و نلصقو 2 طاولات و نحطوهم فالوسط باش نحطو فوقهم الماكلة ههه

ايهيه على ديك الطفولة
كانت مرمدة عشت تمرميد على اصوله
مين كنت صغير ايهيه انا وولاد الجيران كنا في رمضان فالليل نبداوها بالغميضة كي نكملو ونملو ونحبو نختموها نختموها بالطوايش كنا نتقسمو وكل واحد يروح يطبطب في دار ويهرب
وشحال كنت نلعب البوبيات هه العرايس كان عندي سلل معمرين بيهم كنت نلعب انا وبنت خالي مين تجي عندنا لدار نبهدلوها وكنت نحب نلعب بالون معا ولاد الكارتي ياااه هههه كنت غير صغيرة وكانو يديروني انا نهاجم كنت لي نلقاها بنت واقفة قدامي ننشعها من شعرها ونروح نسجل ههه وكي نلقاه ولد نضربو لكرشو باش مايتحركش هههه بصح كنت شاطرة فالفوتبول نموت عليها
هه وعلى ضياف كي يجو عندنا الضياف كنت نروح نلسق في ماما وهي عينيها قريب يطيحو تخرجهم كامل فيا وانا مانحشمش كنت نظل قاعدة حتى لي تسبني هههه
ومن طفولتي حتى لدروك كي ينبهوني على حاجة ويقولولي ماديريهاش كنت ديراكت نروح ندير ههههه ومازال مانفهم علاه نحب نجربها ههههههه
كنت بزااف طوايشية مين كنت صغيرة
زعما دروك استعقلت
وكنت نكتب رسايل لماما مالقري ساكنة معايا فالدار كنت كل يوم نجيبلها رسالة فيها داك رسم مبهدل وانا كان يبانلي روعة كنت حاسبة روحي بيكاسو
بوركت على الموضوع

هيه جماعة كنا نشريو الأدوات المدرسية يخي شحال نفرحو بيهم وبريحتهم الجميلة
وتاني الملابس لدرجة ترقدهم حذاك
ثاني حاجة كي كنا نتقابضو مع لي يقعد معانا نقسمو الطاولة بالستيلو وتقولو تقرب للنص تاعي تسلكها غالية


يا حسرااه