قَاطُو فرْوا حَصرِي علَى مٌنتدَيات الطَّاسِيلي و مِن مطْبخِي
السلام عليكم و رحم الله
اهلا بزائراتي الكريمات الله غالب نتوما فرات لي توقفو معايا و ماتضيعوش تعبي تحسبو العضوات يقراو و يخرجو -_-
المهم جماعة الخير قرب عرس اكرام _ العروة الوثقى _ قلت انا نديرلها قاطو فروا ايا قلت خلي نوريلكم كيفاش جاني اخويا اخويا جا يهبل
هزو شوية تاع دراهم و روحو للحانوت لي يبيعو فيها حوايج القاطو اسيدي اشريو زبدة ميتين و خمسين قرام و اشريو باكي قاطو دوبل ميكس ول اي قاطو فيه شيكولا و اشريو ميتين جرام جوز ول لوز ول كاو كاو مهم مكسرات و اشريو كمية قليلة تاع كاكاو و اشريو باكي لحظة و باطة تاع ماكسون شيكولا ماشي بلاكة اي علبة هكا بيضة هيه باش ماننساش ثاني اشريو اربع علب شيكولا منى ول كيما تحبو المهم كمية تكفيكم و اشريو مول تاع سيليكون لونو احمر لا تروحو توخذو دراهمكم فالزهر و اشريو اي حاجة تاع تزيين الفوق انا كا عندي من بكري
هايا تشوفي كيما مالفين اغسلي يديك شمري عليهم و يا الله بسم الله نبداو
اولا اقلي لحظة على نار هادية و زيديلها شوي كاكاو و ارحي الكاو كاو و مباعد تحركي جيبي كيروانة ول باسينة صغيرة هااااعيطتي حبسي ماشي تاع غسيل الماعن لا لا يا حليش لالا كيروانة عادي و ماتكونش فيها ريحة لاصوص تاع السلاطة المهم حطي فيها لحظة هذيك و الكاو كاو و الجوز ول اللوز لي شريتيه و القاطو بعدما هرستيه و اي حاجة تحبي تضيفيها حلوة الترك مثلا و فيها شوي زبدة مذوبة ها عينك ميزانك يااا لالا ماشي باطة كامل اوخذي نحصلو فيه واش يلمو المهم مع الشيكولا تاع ماكسون و خلطي مليح مليح ايا جيبي حمام مائي ذوبي الشيكولا منى و جيبي المول تاعك غطيهم كامل بالشيكولا ملييح تااع مليح ثاني و حطي فالكونجيلاتور حتى صايي تشيح الشيكولا و احشي بالحشو تاعك و غلفي بالشيكولا ثاني و حطيه فالكونجيلاتور و مباعد اجبديه و زيني كيما تحبي ول خليه هكا رايك نتي
يجي يهبل يهبل يهبل و الله جربوه لى ضمانتي نخلصكم لو ماجاش مليح
تهلااو هايا
رد: قَاطُو فرْوا حَصرِي علَى مٌنتدَيات الطَّاسِيلي و مِن مطْبخِي
هاا دعااء تشهي فيا مع الليييل
تحوسي تاخذي طريحة واقيل استناي استناي برك خخخخ
الله يبارك جا يهبل على بن سبعيني كيما قالت العروسة خخخ نقصر برك مي نتفاهمو أنا نجي بلا عرضة علابالكم علاه خخ
نجربها كاش نهار بإذن الله
يعطيك الصحة دعدعاا ❤
عِندما يَزولُ الأمَل 🦋 .. توقّف لِلحظة و تأمّل في السّمآء 🌧