ميناسان.....
كيف الحال اوتاكو؟اتمنى أن تكونوا بخير...
حسنا...لمن لا يعلم انا اوتاكو من الطراز الرفيع.....
إذا...لتلطيف الجو قبيل العودة المدرسية قررت جمع بعض المواضيع حول الأنمي...
حسنا إذا......لم لا نبدأ؟....
بدايتنا مع أحقر أبطال الأنمي....
حسنا...الجميع يرى أبطال الأنمي على أنهم "عيني على الأخلاق" لكن إذا ما دققنا سنجد أنهم يستحقون"ختم البيض🍳" و البداية مع:
-لوفي بطل انمي وان بيس: اوكي نينا راح تتحول بحجة أنو قرصان لطيف يساعد الناس و الكلام الفاضي ذاك كلو(يعتبر هيئة انقاذ مشي قرصان) بصح نستعملو عقولنا شوي....هل شفتوه و لو مرة سأل عن أمو؟ عايشة ولا ميتة؟أي واحد ما يسقسيش على يماه يعتبر رخيص و أخلاقو تسوى 10 دورو مهما كان طيب..اللي بعدو
-ناروتو بطل انمي ناروتو:أوكي المرة هاذي راح تسبوني كامل.....بصح شوفو باباه و يماه ماتو قبل ما يزيد(اوك نتمهبل) بصح كي شاف باباه -اللي ميت أصلا- في منامو ضربو بوكس.....اوك وين اخلاقو؟
-ايتشيغو بطل انمي بليتش:اوك كل ما شاف باباه يعطيه طريحة......هذا اعلى مستوى من الحقارة
-غوكو بطل انمي دراغون بول:اوكي بطل و ينقذ الناس بصح لأنو الموت و الحياة في هذا الأنمي كي فطور الصباح....يموت اليوم غدوة يحيا يزيد يموت غير غدوة يحيا غير غدوتين....كيفاش جامي فكر يجيب معاه باباه ولا يماه؟ولا يطل عليهم عالأقل؟
-باكوغو من انمي بوكو نو هيرو:ببساطة غيار...ومن شكون يغير؟من ميدوريا.... اوك هذا السبب يكفي....
-لايت بطل انمي ديث نوت:الانسان هذا احقر انسان في الكون....عندو مذكرة الموت(اللي هي كراس الواجبات تاع الابتدائي...الازرق هاداك) و خدمتو يكتب أسامي خلق الله فيها....لدرجة انو كان راح يكتب اسم باباه لأنو شك فيه....انت تتخيل راح يقتل باباه؟و فوق هذا يلعبها مثالي و يحوس مع الشرطة على المجرم.... و ختم الحقارة كلها لما قتل إل....في آخر لحظات إل كان يلعبها حزين و منعرف كيفاش و هو يخزر عندو خزرة: قضي عليك يا ولد.... شفت خوك الصغير كي يضربك و يروح عند يماك و يقوللها راه ضربني و تجي يماك تقتلك و هو يديرلك و كي تدور عندو يماك يلعبها حزين و منعرف واش.... لايت مثلو بالضبط..ولا المسكينة ميسا زوجتو(اوكي على رواية سبيستون زوجتو...لأنو في قناة أجيال ممكن يديروها اختو ولا بنتو)المسكينة كانت تحبو حب اخوان(طبعا من مخي هاذ الهدرة) و هو استغلها بما انها زوجتو(اسكت انت وياه) و نقص عمرها مرتين للنص......المهم اللي بعدو
-ساسكي بطل ناروتو:اوكيه عاتي مشي بطل بصح شخصية رئيسية و نقدرو نقولو بطل فرعي...اصلا هو اللي خرب ناروتو على المتابعين و قلب ناروتو من بطل إلى ستيكر يطارد ساسكي...و الحقارة كاملة كي طعن ساكورا..و الحمارة تزوجاتو من بعد...المهم في نهاية الانمي ما فهمناش واش حاب بالضبط...من الأول كان حاب يقتل ايتاشي و كي قتلو حب ينتقملو(كيفااااااااش راك نتا اللي قتلتو)و باش ينتقم حب يدمر كونوها و من بعد بطل و حب يولي الهوكاجي..... المهم اللي بعدو
-كونان:مبدئيا القزم هاذا عايش عند توغو موري لأنو ران تحبو(كانت تحبو كي كان كبير....يخي صغار بقوة مخيلة الكاتب ولا قوة الحبوب ما نعرف...المهم الله يلعن هذي المخدرات) و حقارتو تكمن في انو كل مكان يروحولو تصرا جريمة.....اللي بعدو