وصفة منزلية بسيطة للحد من شدة السعال
سلام عليكم .. كيفكم إخوتي.. كم علبالكم رانا فالشتاء والبرد ولهو وقت المرض ولا قريب ولازم السعاااااااااال .. اليوم جبتلكم وصفة منزلية بسيطة رح تخفف من حدة السعال وفي نفس الوقت ممتعة وبنينة .. أول شي لازم يكون عندكم اللفت ول بالعربية وقيل اسمو الفجل ههه منيش عارفة .. ومذبيكم يكون مالنوع الطويل كم هذا : باش يجي مليح .. ومشي مدور كم هذا : .. أولا أكيد أغسلوها ملييييييييح .. ومن بعد أحفروها من الداخل حتى تولي كم الكاس مي بلاك تثقبوها .. حطوها في كاس و عمروها سكر وخليوها تبات ليلة كاملة غدو الصباح تلقاو تشكللكم عصير اللفت اشربوه .. وهذا رح يفيد وينقص شوي مالسعلة .. وإذا حبيتو ثاني تقدرو بعد متشربو العصير تقشروها وتاكلوها بنينة رح تكون

نتمنى تفيدكم ..
مع تحيـــــــــاتي أختكم زعيمة العصابة

ديما ديرها ماما مي منحبوووووووووووووووش

و انا كي كنت صغيرة كانت عندي برونشات اذا حكمتني السعلة متروحش حتى نتعذب و ما ينفع والو

مرسي خدووووووووووج

كثري من اللفت ههه

هههههههه راكي كيفي حتى أنا نكرها مي خوي الصغير يموووووووت عليها مين نشرو اللفت يقول لماما ديريهالي ههههههههههههههه

رغم انني من محبي اللفت الا انني لااحب السكر كثيرا ياليت كان البديل عسل حر
تسلمي حبيبتي على الوصفة الشافية للسعال

شكرااااااااااا جزيلا اختي زعيمة العصابة منورة موضوع رائع

مشكووووووووووورة على الموضووع

شكرا لك اختي خديجة
مي انا ما نحبش اللفت

مشكورة خدوج ماما موالف اديرها باسكو هي عندها السعلة

كل الشكر والامتنان على روعهـ بوحـكـ .. وروعهـ مانــثرت .. وجماليهـ طرحكـ .. دائما متميز في الانتقاء سلمت يالغالي على روعه طرحك نترقب المزيد من جديدك الرائع دمت ودام لنا روعه مواضيعك