السلام عليكم و رحمة الله و بركاته

معرفتش كيفاه ندخل المقدمة ديما عندي معاها مشكل من زمن الدراسة ههههه قالك ازدم و متخافش

يعني بلا مقدمّات هكا خير يفهموا عليك ^^ ...

شعب عنده مشكل مع كل شي حتى مع اللي خاطيه و بعاد عليه , تكون مريّح وحدك تقرى كتاب و أنت آلاز حتى

تنزل عليك "رنة زعما زعما" (زعما راها تقرى ..) إيه راني نقرى عندك مشكل ؟

مفهمتش ؟؟؟ ياك اللي دار غنية "زعما زعما" ماقالكش كسر راس الغاشي بيها , شعب متفهموش

يحب الجديد و يقولك "بدل اللوك يحبوك" مي خاوتي كي تبدل اللوك يقلقوك اييه سيي تبدل لبستك و لا

تغير فروحك و شخصيتك حاجة يصرعوك بكلمة "زعما وليت لنا حاجات هههههه

مفهمتش ؟؟ اسك يحبوا الانسان يقعد ديما راشي ؟ ولا تفكيرهم محدود تبانلهم كل حاجة جديدة فالانسان

تكبر ولا يلعبها ههه مفهمتش ؟

إليكم الخط .. "فطوم"

كاينة منها
رجعت بدل اللوك يكرهوك
والقراية ماتحكيش عليها يحسدوك و كون يلقاو وانت حية يدفنوك
ننتظر الكثير من رذاذ حبرك ومواضيعك المميزة *-*

صح كاينة منها

ههه كما قال المارد

هههههه اخي "المارد" يدفنوني صعيبة ههه

شكرا على المرور "محبة الرحمن" و "ملكة الجليد" ^^
تحياتي

ههه زعما زعما كاينة منها
بارك الله فيك اختي ننتظر ابدعاتك

هههه صح كاينة منها
في انتظار المزيد من ابداع مواضيعك
تحياتي لك.

ههه صح سي فري
في انتظار جديدك اختاه

ان شاء الله
شكرا لمروركن اخوات ^^