قاطو الدمعة البيضة كامل تعرفوها
السلام عليكم ورحمة الله وبركاته
اليوم حبيت نشارك فالمسابقة ياك صحيح الوصفة غير منقولة مي الكل يعرفها مي طبختها فالبيت بمساعدة اختي مانكدبش عليكم اختي ساعدتني فالديكور
نروح للمقادير
500 غ زبدة
كاس سكر رطب او سكر صقيل
1/2 كاس حلوة الترك
2 صفار بيض
3 بيضات كاملين
كاس نشا (مايزينا)
1 خميرة القاطو
الفرينة حسب الخليط
للحشو
حلوة الترك+شوية عسل+مربى المشمش نحطهم فوق حمام مائي حتى يندمجوا
للتزيين
شوكولا بيضاء و سوداء و حبات من اللوز بالقشور
الطريقة ساهلة كيما جميع الحلويات نبداو بالزبدة و السكر و حلوة الترك ونخلطهم مليح ثم نضيف صفار البيض و البيضات الكاملين و نخلط مليح و نزيد النشا و في الاخير نضيف الخميرة و نشيح بالفرينة حتى نتحصل على عجينة طرية نخليها ترتاح شوية و نسبطها بعد ما نرش الفرينة بسمك حوالي نص سنتيم ونقطعوها بواسطة مول الدمعة و نطيبها في فرن سخون على درجة حرارة 180 و نخليها تبرد ومن بعد نلصق كل زوج بالحشو و الصورة توضح


[]


و بعدها نغطس كل حبة في شوكولا بيضاء مذوبة فوق حمام مائي و نحط حبة اللوز وبعد ما تنشف نعمل خطوط بالشوكولا السوداء بواسطة سورانغ اللي نتستعملوها للحقن اكيد تكون جديدة ماشي مستعملة هه
ملاحظة الشوكولا البيضا نذوبها بدون اضافات و فوق نار هادية كثيييييييير و دايما نخليها بنجنب الكانون تاع النار ماشي مباشرة فوق النار باه ما تخسرش

وبصحة وهنا
اتمنى قبول مشاركتي
[

واش رايكم واتمنى قبول مشاركتي

قاطو شباب اية
ان شاء الله تقبل المشاركة

شكرا لمرورك
انشاء الله اختي

هايل شهتينا حنونة هههه

شكرا لمروووركم
اتمنى ان تقبل مشاركتي

بارك الله فيك

شكرا لمرورك على موضوعي وهذا شرف لي ووسام على صدري

فووور آية
شباب بزاف
شهيتينا ههههه

شكرا لمرورك على موضوعي وهذا شرف لي ووسام على صدري