تتمشى بثقل حاسة روحها في اي دقيقة قادرة تطيح
رجليها ما قدروش
يشيلوها كثر شحال وجعها قلبها وهي تعرف بلي ريحان كانت مع امال
في اكسيدون
اتسما نهلة لي ماتت وزادت تدمرت غير عرفت بلي دخلت كوما
اه نهلة مسكينة الله يرحمها
انا وبكيت علجالها لخص لامها
غير تفيق بلي ماتت
رفعت رأسها للسما وهي تمسح دمعة تسلسلت
من عينيها
عقدت حواجبها وهي تسمع صوت مألوف ليها
دارت بلهفة لا هنا حست بلي مخها طاار
شافت امال وشادة معاها نهلة يتمشو
من جيهتها
حكت عينيها وهي تقول رااني نحلم عاودت فتحتهم
على نهلة غير جات تجري ليها
جثت على ركبتها تعنق فيها وتبوس فيها خايفة إذا الحلم يطير
في اي لحظة
تقدمت امال وهي تقول بتعب= اكرام ما تعرفيش
ريحان وين حطوها وش من غرفة
عييت وانا ندور عليها
ناضت اكرام وهي تقول= ما صرا لكم والوا
حمد لله يا ربي اقعدي هنا
نروح نشوف وين راهي ونجي
وراحت قبل ما تسمع منها كلمة تقدمت بسرعة من ذيك فرملية وهي تقول= هدى
مرة جاية تاكدي مليح من أخبار لي توصلك عاد اهدريها
فرملية هدى= وشنو؟! علاه راكي تهدري معايا هكا
وكملت بدموع التماسيح غير شافت طبيب جاي=
علاه راكي تديري هكا ولا كني فرملية ونتي طبيبة
تحتاقريني
اصلا ما تخميش راني قريب نكمل سطاج تاعي ونروح تتهني
مني كامل
اكرام بحدة= زيدي زيدي نزلي الدمعة ما تقعدش
في خاطرك
ولا حبيتي نزلها لك بزوج كفوف ماشي مشكل
انا وش قلت
قلتلك تاكدي من أخبار قريب ما تنقليهم
فهمتي
و ما ترجميش
بعقلك الصغير بلي نتي فرملية وانا طبيبة وبلا بلا
كامل خدمتنا هنا وحدة وهي علاج المرضى
فاهمة!
وراحت بعد ما رمقتها بنظرة استحقار
==================================
متجمعين قاع فوق رأسها يتحمدولها
بالسلامة
غرفة عمرت بيهم
وهي على وجهها شبح ابتسامة كلما تتفكر وش صرا
شافت لموت قدام عينيها
ضمت بنتها لحضنها
وهي تحمد ربي لي حماهالها
بعد ما خبرتها اكرام بواش صرا مع ذيك لفرملية
لي غلطت فيهم
حطت روحها في بلاصة المرة اللي ماتت بنتها وهي ضركا في كوما
كيفاش كانت رح تقدر تتعامل مع الأمر
باينة تهبل بلا بنتها
هي عندها بنتها تسوى كل شي في الدنيا كل شي
قطعت سرحانها
هاذيك الايد اللي تلوح قدام وجهها
رفعت نظرها لصاحبتها
وهي تقول بمرح= ها قيمينا
شوي بن عمي من جينا هنا ونتي ساكتة وشادة
ذي لفعى تحسب باغية تطير
تكلمت نهلة =افعى وتطير
ما زلت مقتنعة بلي نتي نسبة الغباء
عندك فاقت الحدود يا يا
خالتي نهال
نهال= أمم كنت حابة نضربك بصح مادامك
في حجر يماك
لا ما نضربكش
قدامها وزيد عفوت عليك باسكو قلتي خالتي اخيرا
نهلة بسخرية= عندنا سلطانة هنا وحنا بلا خبر
نهال= ما بن عمي شدي عليا بنتك
لا ناكلها ضركا
ريحانة بعفوية=ماما علاه نتي تاكلي
كل شي حتى البشر
نهال شافت في بشرى= بشرى بليغتك
واجدة ياه
قيسيها في فمها بلاك ترجع بكمة
___________________________________
بعد يومين
وفي الدار
قاعدة بملل كامل خرجوا ميرال داوها
دار باباها ليوما
وامال راحت مع ولدها لدارها بعد ما رجع راجلها من الخدمة
(يخدم في الصحراء شهر يروح شهر يجي^^)
وروميسا من زمان قاعدة في دار راجلها وراهي من ويكاند
ما جاتش للدار
وهبة اصلا راحت تقرأ
ولا ذيك سارة لبقرة من ولات تقرأ في ذيك جامعة تع هندسات
ولات تجي غير خطرة في بو زمان
ولا ذوك بقرات
بشرى ودعاء قاع ما يثبتوش في بلاصة من عرفوا بلي سمانة جاية يتخرجوا
وهوما يجروا يكملوا في صوالحهم
واكرام مام هي كيما روميسا
ابتسمت وهي تشوف ريحان نزلت ليها وحدها
تسمى الأفعى رقدت حمد لله ^^
تكلمت بملل=شتي ريحان كل وحدة في دارها
خخخ وحنا قعدنا هنا وحدنا
تكلمت ريحان بخفوت=حتى انا قريب نرجع لداري
وقفت وهي تقول= ياه ياه وش ما سمعتش؟!
ريحان = هدر معايا رائد وو
نهال=واه كملي وش قال
ريحان بهدوء = وو قالي باش يرجعني
نهال=



==================
انتظروني غدا بإذن الله (=

اععع
علاه تبقاي وحدك ذوك نتي
تضيق خاطرك

هههه ريحان ما نبقاش
وحدي خخخخ^^
والفصول القادمة تخبرك خهه

هههه
اكرام علاه بهدلت الفرملية مسكينة خخخ
بالمتابعة
^^

صفرت نهال وهي تقول بحماس = واو واخيرا
يويويوييويويويوي
ريحان بحرج = بلعيه يا لبقرة ضرك تنوضي نهلة بسيف رقدت
نهال = خليني يا اختي انا فرحااانة
ريحان = بصح مازال ما صرا والوا ما رديتلهش
نهال = ووش اركي تستني الالة اوو ما تقوليليش راكي حشمانة
اعترفييي
ريحان = لا وش نحشم ماشي هكا
انا مانيش حابة نرجعله وصاي
نهال = والله ما فهمت عليك باغية ترجعي ولا لا
ها فهمي روحك
ريحان بحزم =لا
نهال = امالا طيري منا وجاية تتفلسفي عليا انا قريب نرجع لداري
ريحان = وبصح قتلك قريب نرجع لداري ما نكذبش انا
جمعت نهال وهي تقول = شوفي يا جدك راه راسي تخلط كثر من راه مخلط
كيفاه ترجعي لدارك ونتي قلتي لا ما نرجعلهش
راكي تعبي معايا قب قبيبة
ريحان = جاني خطاب
كحت نهال بقوة وهي تقول = مكاش منها قولي والله
وشكون تعيس الحظ
اه قصدي سعيد الحظ خخ
ريحان = دكتور في جامعة و
قطعتها وهي تقول = الله الله حركات من ورانا يا ختشي صبرتي صبرتي وطحتي في دكتور شكون كيفك
ريحان = خليني نكمل برك
تنهدت وهي تقول = ارمل وعنده 35 سنة
حسيته كبير بزاف
وزيد راني خايفة نتزوج منا رائد يدي عليا بنتي منا
هذا لي مقلقني
نهال = اممم شوفي هو من ناحية كبير يعني شوي شوي
بصح نتي عندك دابا 26 سنة ونظن بلي يناسبك واحد كيفه يكن شارب عقله وواعي خير من ذاك اللي كنتي داياته كبير عليك بعامين برك
وامم من ناحية بنتك والله ما علابالي بصح ما شكيتش
رائد قلبه حجر هكا يحرمك من بنتك
تكلمت ريحان بحزن = غير هو لي الحجر خير من قلبه
انا اذا كان هاذ الشي يحرمني من بنتي مستعدة نقعد بايرة طول حياتي لمهم ما تروحش نهلة من حجري
نهال = نوضي منا يا لبقرة قريب الدمعة طاحت
وممبعد كملت وهي تشوف ريحان تكسلت وهي تغطي في راسها بارهاق
نهال = ريحان علابلك بعد غدوة راني خاطرة
لمصر
ريحان وهي على نفس وضعيتها تكلمت بسخرية = واه واه ووش عندك في مصر حتى تروحي ليها
جمعي وسكتينا قال خاطرة
بركا من خرطي
نهال = والله ماني نخرط عليك قبيل عيطلي لمدير تع الشركة اللي انا خدامة فيها وقالي خصك تروحي لاسكندرية
ندير صفقة مع شركة ال-----
جلست ريحان وهي تقول = راكي تهدري بصح
ولا كذب ختش ضرك اذا فقلتك بلي كذبة تعرفي شنديرلك
قطعتها وهي تقول = وانا وش مصلحتي نكذب عليك
ريحان = اخاه تروحي وشحال تقعدي ثماك
نهال ببسمة خبث = ما نعرفك بلاك شهر شهرين ثلاثة ربع ش
قطعت هدرتها وهي تشوغ مخدة في وجهها لتتكلم ريحان بقهر = قولي ربع شهر
عام عامين كملي
ووقفت وهي تقول = اقعدي ثم الله لا يجيبك يا بقرة
نهال = ريحانو ارواحي هنا نقصر برك نروح سمانتين ونولي
وممبعد ارواحي نوريك ذي الدعوة لمن يا الكلببة
================================================== ================================================== =========
بعد يومين
نزلت طائرة تاعهم على ارض مصر تتمشى وهي تكر في فريزتها وشادة بالايد لخرى بنتها عيانة خلاص تحس روحها باغية تتقي( حشى اللي يقروا خخ)
تكره جد جد الطيارة ما تطقلهاش خلاص اوااه انا رح يغمى عليا
قطت افكارها وهي تشوف نورا تقدمت منهم بفرحة
تبدلت ملامحها وهي تقول في نفسها ذي وش عرفها بلي جيت
ايي خلات عليك نهال باينة لكلبة بنتي خبرتها
ريحانة وهي تجري لعمتها تكلمت = اهه عمتوو نوررا ده نتي وحشاني كتييير مش مصدقة حالي اني اخيرا
شفتك بعد سنين
نهال في نفسها وهي تتقدم بعد سنين هي شهرين بعدناها قالت سنين بنت الكلب والله نوريها
تقدمت وهي تسلم على نورا ممبعد كملت وهي تشوف في بنتها وتحاول تبتسم =
وش ريحانة راني نشوف فيك تبدلتي للمصرية نيشان
ريحانة = الله يا ماما ده انا مصرية من زمان ولا مش فاكرة
نهال = هه اللي يشوفك ضرك يامن بحال يا مصرية يا جميلة كلي ما صرعتيليش راسي
في الطيارة ونتي تهدري بلهجتنا ولا وش نفذ المخزون
قطعتها نورا وهي تقول = كده يا نهوول كده ما تقوليليش انك جاية مصر
لو بنت اخي ما اتصلتش فيا امبارح
كنت ما هاعرف لس
ده انا كنت مقررة اعمل عشا كبير لو انك جيتي مصر
نهال = وهاني جيت ورينا شطارتك

تتمشى هي ودعاء وهي تقول = صاي دعدع كملنا وقيلا خلينا نولوا لدار
ونريحوا عييت من صبحة ربي وحنا نجروا
دعاء وهي تقول بتعب = راني كيفك ميتة صاي
دخلوا وكل وحدة ترمات على فراشها ناضت
بشرى وهي تقول = انا ندوش ضركا
وعاد نرقد
دعاء = صحا دوشي وخلي لماء سخون ممبعدك باش ندخل انا ثانيك
دخلت بشرى
بعد دقائق
دعاء كانت تكونكتي شافت تلفون بشري يصوني
وكانت مكتوبة
عبودي
دعاء حسباته خو بشرى صغير في عمرو 15 سنة ودايما تتبهلل عليه ردت وهي تقول بمرح =
الله الله يا عبود تعيط لختك وانا لا تسمى مقطوعة من شجرة
ياك ماشي اتفقنا تزوجي خخ
ولا نقولك بطلت صاي انا الله يخليلي عبودي راجلي
ويولي يوصنيلي خير ما تلفوني ميت
هكا
قطعها ذاك الصوت الرجولي وهو يقول =
والله يخليك نتي لعبودك
ماكنتش عارف بلي انا على بالك هكا والا كنت
عطيني نيمروك برك ونوعدك تلفونك ما يسقرش قاع
قطعت بصدمة وهي تستوعب ذا صوته صوته صوت خطيبي
بصح استني وش جابه لبشرى ضربت راسها وهي تتفكر
بلي هو ولد عم بشرى
اخااااه حشوووومة يا دعاااء فضييحة درتها
بعثتله =
تعرف عمري ماشت قليل ادب كيفك
غير وصلاته انفجر ضاحكا عرفها بلي حشمت رد






انتهى انتزظروني يوم الاثنين ان شاء الله
دمتم بخير

يووو دكتور ووهاااادلااالي دزڨ ردڨ هايلااا اووويااا
تحمست ههههه
هيه وقتاش يجي هههه
كملييي

:icon_smil e_rotatingعرس هنا وانا بلا خبر
ريححي عاقلة لا
نطير لك عريس الغفلة
نهال شيطانة ونديرها
هههه نكملها حتى الاثنين

هههه يااا وشمون ذا عبودي
اماكيتي زوووجوني و انا ماعلاباليش هه

ههههه دعاء
راكي مخطوبة من جزء اول لا نسيتي خخخ
ههه نزوجك نتهنى منك بقات بشرى
وهبة وسارة خخخخخ
ونتهنى^^
مصروف يقل خخ