السلام عليكم ورحمة الله ..
إن شاء الله بخَير ..
اسيدي ..
جيناكم بوحد اللعبة يا لطيف ..
جهنّمية ..
تعرفو العضو المدلل ..؟ هاذي العكس ..
لخرى العضو المدلل يطلب ، بصح هاذي الأعضاء يطلبو من العضو ..
عندنا هنا الاعضاء هو ما المدللين خخخ
المهم ..
انا ضرك كل سمانة نخير مجموعة من الاعضاء من جميع الرتب ..
وندير التصويت العضو لي خيروه ببزاف هو لي راح يكون تحت التشريح ..
عندنا شوي قوانين برك هي :
1/ لازم الاعضاء لي يطلبو يطلبو حوايج معقولة مش تطلب من واحد ما يعرفش يرسم وردة تقلو ارسمهالي ..
تقدرو تطلبو مثلا : رد على موضوع في قسم كذا .. ماذا بيكم تكثرو منهم باش ينشط شوي المنتدى خخخخ
وتقييم ، ولا موضوع .. الخ الخ .. اي طلب يخطر في بالكم يكون معقول برك ..
2/ العضو تحت التشريح قادر ينساحب في اليوم الثاني ، يسما يلبي طلبات اليوم الاول واذا يحب ينسحب خلاص ..
3/ العضو قادر يرفض 3 طلبات برك ..
4/ ماذا بينا يكون الاحترام هذا اهم شي ، وماكلاه تطلبو حوايج ما تصلحش >> علابالي ما ديروهاش خخخ
5/الدردشة في اطار الموضوع مسموحة مثلا تبقاو تخرجولو في قلبو وتتمسخرو بيه عادي ، بصح تجي وتقولي لصحبتك غدوة تجي للعرس هاذي لالا ..
6/ احترام القوانين العامة للمنتدى والقسم ..
7/ المدة تاع الضغط 3 ايام ..
8/ كل عضو يحب يطلب عندو 5 طلبات فاليوم برك ..
وكل تشريح تاع عضو يكون في موضوع مستقل باش تقدرو تطلبو براحتكم ..
وكي تكمال المدة يتقفل ويتفتح وحد آخر ..
ايا نروح نحط الاستطلاع ، وغدوة ان شاء الله نشرشحو خخخ