:: مراقبة عامة ::
تاريخ التسجيل : Dec 2016
الدولة : الجزائر - غليزان
العمر : 15 - 20
الجنس : انثى
المشاركات : 4,776
تقييم المستوى : 17
تِرامِيسُو حَصرِي علَى مٌنتدَيات الطَّاسِيلي و مِن مطْبخِي
السلام عليكم و رحمة الله بركاته
شغاكم الزينات الزوينات لباس ؟
ايا قلت مدام عرس اكرام قرب في عشرة 10 سبتمبر راكم كاامل معروضين ناس طاسيلي
مكلاه تخمو ماراح تعاونو حتى في حاجة اقعدو برك
بيسك كاين ايمان و هبة و نهال و نوتيلا راح يطبخو معايا و يعاونوني
المهم تهلاو تجيو
قتلكم قررت ندير تحلية باردة و شابة و ل هي تيراميسو جربتها انا و ختي سع لقيناها تخرج كمية مليحة و مضمونة النجاح ايا قلت نشارككم بيها خير مدام نجحتلنا
صحا تبعووني
الاولى: خذي 03صفار بيض زيديلهم ملعقة صغيرة نيسكافي ذايبة + 100غ سكر عادي خلطيهم على حمام ماءي حتى يذوب السكر وتتحصلي على كريمة خفيفة نحيها خليها تبرد
الثانية: خذي بياض البيض الباقي يعني 03 + قرصة ملح ضربيهم حتى تتحصلي على قوام متماسك
الثالثة: خلطي كاس بودرة الشانتيي مع كاس حليب بارد بالباتار حنى يتماسك ثم ضفي عليه 100 غ تاع فرماج الريجيم او جبن الماسكربون خلطي بالباتار ثم ضفي لهذا الخليط الخليط الاول بعدما برد ثم هبطي عليه البياض ولكن برفق من الفوق الى التحت تتحصلي على الكريمة
المونتاج: خذي المول او الكؤوس خذي البسكويت لسان القط (بودوار) غطسيه في نيسكافي ثم حطيه في المول بعدها حطي كريمة ثم طبقة اخرى بسكوي مغطس في النيسكافي اعكسي الاتجاهثم الطبقة الاخيرة تاع الكريمة غطيها بالكاكاو ثم تزيني باشكال بالسكر قلاصي
الوصفة راهي بالتفصيل اذا ما فهمتوش حاجة قولولي
شهية طيبة
هاي كيفاش جاتني انا
هبة خخخ ماصورتهاش فوق البوطاجي المرة هاذي خخخ لازم تتعرفو على بقية الارضيات هه
خخخ مدولي رايكم جماعة
التعديل الأخير تم بواسطة ✿ صَفْوَةُ نَفْسْ ✿ ; 2019-08-18 الساعة 15:06
المواضيع المتشابهه
العرض العادي
