رمضانيات طاسيلي الجزائري :: قسـم خـاص كـل ما يخـص شهـر الصيـام
2019-05-17, 03:08
#1
الصورة الرمزية شُرُوقُ الشَّمْسْ ~
شُرُوقُ الشَّمْسْ ~
:: مراقبة عامة ::
تاريخ التسجيل : Jul 2017
الدولة : الجزائر - الجزائر
العمر : 15 - 20
الجنس : انثى
المشاركات : 5,653
تقييم المستوى : 14
شُرُوقُ الشَّمْسْ ~ غير متواجد حالياً
افتراضي كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
[COLOR="Plum"]السلام عليكم و رحمة مبآركة من الله
كيف حآلكم يآ سُگآن الطاسيلي ؟ إن شآء الله أموكم بأحسن حآل ..
رمضآن مُبآرك تقبل الله مِنّا و منكم صالح الأعمال و أعآده علينآ و عليكم باليمن و البركآت .. نسأل الله أن يجعلنآ ممّن عتقت رقآبهم من النآر ..

آهلاً و سهلاً بكم في العدد الأول من سلسلة " كآميرا الخفية " برعآية "روميسآء "
مع ضحيّةٍ جديدة المعروفة بِهدوئهآ ( علابالي حاجة مالازمش ندخل روحي فيها بصح الله غالب مالقيتش واش ندير هه)
على بركة الله
تفضلوا :


أملي بالله كبير

السلام عليكم و رحمةُ الله
آهلاً بِك ميرآل رمضآن مبارك كل عام وانتِ بخير قتلك مسبقا لأنو ماراحش نكون ربما فرمضان
المهم كيف حآلك اختي ؟

ظِلْ سُرْيالِيَّة

اهلِين رُوميسآ 🌻
شكرًا ربي يحفظك (❀◦‿◦)
ورمضآنكُم مبآرك ربي يتقبل منّا ومنكُم 🌸
وان شآء اللّه يفُوت علِيكم بالصّحة والسّلامة ✨
انا الحمدُ لله بخير ❤
وانتِ ؟
- علآه متدخلِيش في رمضآن؟ - 🌙

أملي بالله كبير

و سَهلاً بِك ميرآلوو ..
اللّٰهُمَّ آمِين يآرَب ❤ وَ لكُم بِالمثَل أختي ..
و الحَمدُ لِلّٰه بأحسنِ حآل دووم يآرَب ❤
رآكي تعرفي القرآيَة صمطتهآ كآمل نقرآاو -_-

ظِلْ سُرْيالِيَّة

الله يدومهآ ^^
اوو كآمل اللي رَاهم في المُنتدىٰ يقراو
حنا نكملوُ هاد السمانة نديروآ اختباراتنا ونعطلوا 😁
ايآ معليش ربِي يوفقكم (。⌒∇⌒)。

أملي بالله كبير

ههه تتهنآو اه امالا احكميلي بلاصة عندكم نجي نقرا معاكم 😝😂
بصح ميرآل نقولك حآجة
و علاه راهم يقولو عليك هكآك ؟؟

ظِلْ سُرْيالِيَّة

اروآحِي واللّه 😍
معلِيش ..
+
قصدك على اللي راهم في الصندُوق؟
بلاك يتمسخرُوا ؟ لالا ؟

أملي بالله كبير

الله يعيشك ميرآل
لا مش تع الصندوق قصدي المنتدى مي مانعرف ايلا صح
راهم يقولو ماراكيش كامل تهتمي بأقسامك و ما راكيش تديريلهم واش يستحقوآ الايقونات تاوعهم

ظِلْ سُرْيالِيَّة

ربِي يحفظك
اصبرِي قبل ما نجاوبك ^^

شكرا لك
كنا صحآبات

+
المُهم نرجعوا الموضوع :
والله انَا وكآن جا بيدي نطور القسم اللي راني مشرفة علِيه
اكيد رآح ندير
بصح راني ننسى بلي مشرفة
ونتصرف على اني عضوة تلقايني في كل پلاصة بلاك
حتى الافكآر كي يجوني مكانش
للاسف ما باليد حِيلَة

أملي بالله كبير

ههه ياميرال ياميرال علاه هاذ الكلام ؟؟
علآه أنا لي راني نقول هكا ميرال ياك تعرفيني نعزك
و ثانيا انا الشكر بين الأصدقاء شحال مانحبوش ^^
مكلاه تزعفي اختي
و كي تلقاي عضو دار مخالفة احظريه متخليهش هكاك
حنا ماراناش نقولو قضية مواضيع انا وحدة راكي تشوفي فيا ندير مواضيع ؟
انتِ اصلا مشاركاتك راقية ماشاء الله
اكيد لازم المواضيع لي يستاهلو طبعا ديريلهم ختم و ديريلهم التميز
و هاذي الكلمة " كنا صحابات " علاه دركا ماراناش صحابات ؟؟

ظِلْ سُرْيالِيَّة

صحآ اكيد رآح نطبق وش قلتيلي ✨💚❤
+
ههه ياربي قتلك منعرفش نعبر على افكآري
نقصد ب كنا صحابات
اي اننا وكان كنا في العالم الحقيقي
كنا صحابات كيمآ رانا في هذا العالم ثاني صحآبات
😳💜

أملي بالله كبير

أه اوكي زعمآ صح ؟ أوكي نشوفوك
اه ماعليش أنا فهمتهآ بالمآضي برك
أه صحيتي ميرآل + لآزم تتعلمي تعبري على أفكارك لأنو حنآ ماراناش نقراو وش كآين في رآسك ✋
ميرآل رآكي فاهمتني شوية ؟؟

ظِلْ سُرْيالِيَّةاممم فهمتَك، عندَك الحَق
روميسآ مش تشُوفِي بلي موآضيع المسآبقات تاع رمضآن
كي شُلغ ما فيهمش طاقة
نقصد مملين، التنسيق نفس تاع العام اللي فات
مكآش تصاوري تاع رمضان ولا حتى هادوك التنسيقات
حتى لازم يعرضوا المكافآت بطريقة تكون محفزة شوية
باش يتحمسوا الاعضاء ويشاركوا
مثال عن موضوع تاع مسابقة
:
اول حاجة يكتبولك المسابقة
ومن بعد ديراكت يقول اللي يفوز عندو و عندو وعندو

نتي عجباتك هذ الطريقة؟

أملي بالله كبير

اوكي علابالي بلي راكي تقوليلي فهمت برك ..
ايه صح ميرآل نوافقك الرأي
حطيها دركا فموضوع النقاش المشرفين و ننتاظرو الرأي تع البقية بالنسبة ليا عندك الحق حتى انا راني نشوف هكاك

ظِلْ سُرْيالِيَّة

- ما فهمتش اوّل جُملة؟! -

+
امم لَالا بلَاك يحسبوني نتفلسف علِيهم ولا حآجة
حتىٰ بلاك يزعفوا!

أملي بالله كبير

هاه شفتي ؟ قتلك بلي راكي تقوليلي غير فهمت !!

امم اوكي دبري راسك مهم هي فالصح فكرة مليحة

ظِلْ سُرْيالِيَّة

صحآ قُوليلي قصدك؟
+
صحآ.. ~

أملي بالله كبير

مازااال مافهمتيش وش راني نقصد ؟؟ صايي والو -_-

ظِلْ سُرْيالِيَّة

صحآ والله غير تقولِيلِي
رآني حلفت.. ~

أملي بالله كبير

هههه
اوكي كي حلفتي غير نقولك 😝
انا راني نقصد كي راكي تقوليلي فهمت غير تليكيدي فيا تقوليلي فهمت باه تتهربي من موضوع هذا واش حبيت نقصد

ظِلْ سُرْيالِيَّة

لالا واللّه مانِي نتهرب
كي قلتلك فهمتك كنت قآصدتها وقتلك رآح ندير وش قولتيلي.. ~
^_^

أملي بالله كبير

و تحلفي ياااه
اوكي اوكي -_-
و انا علابالي بلي العكس -_-
ايه ماتخليهمش يزيدو يقولو عليك هكا شحال من واحد راسلني قالي مشرفة أقسام الاسرة و المجتمع راهي راقدة ماحبوش يقولو باه مايزعفوكش و ماتقولي حتى واحد بلي قتلك انا تشوكيت علابالك
اختي كنصيحة الاشراف مسؤولية متديريش روحك عضوة مراكيش في طاقم الإشراف باه نشبحو بيك الطاقم ادي نظرة مليحة من اخوانك و أخواتك =)

ظِلْ سُرْيالِيَّة

لالا واللّه راني قاصدتها ملِيح و مآنيش نليكيدي
بغض النظر على وآش راني ندير في المنتدىٰ
معندهمش الحق يهدروا علَىٰ الانسان من ورا ظهرُوا
اذَا شافُونِي مقصرَة يقولُوهالي في وجهِي
والله ما نزعفْ منهم بالعَكس نتقبلها كيما راني تقبلت رايك
وشكرا ليك والله
بصح من وراء ظهور عبآد ربي مش ملِيحة واللّه
اذا خبُّوا ينحوا الاشرآف ينحوه
اصلًا مش قاتلة رُوخي علَى جالو
واذا راهم حشمانين مني
قوليلهم عآدِي عندها
واصلًا ... خلاص نسكت خِير
يا سيدي واللّه انا اللي في قلبِي علىٰ راس لساني
كي تكون فيك حآجة مليحَة نقولهالك وكي تكون حاجة
مش ملِيحة ثاني نقولهالك بصح بطريقة محترمة
اصلًا هوما جاتهم برك على قسم الاسرة و المجتمع!
معظم الاعضاء اللي هنا عمرهم ما يفوتش 18 عام
واش يفهمولك في امُور الاسرة و المجتمع والله منسقسي فيك سيريو؟
نكتب موضوع ويكتبو مشكووور والله يعطيك الف عافية
هاد وش يحوسوا والله ما فهمت!؟

أملي بالله كبير

شوووووووووف اسيدي شووف الثقة بالنفس وين لحقت ياااه
آه و مزال مفهمتيش ؟!
صح عندك الحق مي هوما كي ماقالولكش محبوش يجرحو المشاعر و ماحبوش يزعفوك انا راني نتابع فيهم بصمت و واش قلتي على الاعضاء كي شفتيهم يديرو الردود ذوك علاه ماتنبهيهمش ؟ شفتي كيفاه ؟ ويذا زادو عاودولها احظريهم نتهناولهم
وانا واش نقول انا ثاني سرالي واش سرالك ميرال هوما راهم يتفقدونا ايلا رانا واقفينلهم ولا نو ماتقوليش شافو غير اقسامي

ظِلْ سُرْيالِيَّة

رومَيسآ
شُوفِي حوآيج الادَارة ما فيهمش حشمة 🌻
و نخآف نزعفها و نجرحلها مشاعرها ومنا ومنهيه
حوآيج الجد جـد
يا سيدِي راكي مش ناشطة راكي مهملَة راكي مش متهمة
رآكي غلطتي..
عآدي كامل نتعلموا
يجُو يقولوهالي عآدي نتقبلها ونبدل من روحي
بصح الانسان اللي يهدر علَىٰ وآحد من ورآ ظَهرُوا
ما جَاياش و اللّه

أملي بالله كبير

خخخ
هههه
الله يبارك على ميرالتي
راكي شاركتي معانا في " الكاميرا كاشي "

ظِلْ سُرْيالِيَّة

تتمسخرِي؟!
اويَا الفضَايح 😁
احم احم ملقِيتش وين ندخَل وجهِي من الحشمَة
😳😳

ههه و كآن اطيحي بين يديَا برك
ايَا عماِي روميسا نستعرف بِيك
ومرةي مرثي علىٰ المقلب
اول مرّة نشُوفني متقلقَة

ههه سمحيلي اختي ميرال حبيت نقلقك شوي قلت نشوفو ميرال العاقلة وجهها الثاني ههه
يعطيك الصحة ميرال
عسي مرة أخرى
[
/COLOR]
متآبعة ممتِعة لَكُم
صحا فطوركم / سحوركم
تحيآتي .~
وقعت عينك على آية في المصحف أو سمعتهآ من الإمآم ، أو في طريق ، كله لم يكن صدفة بتاتا ! خذها بقوة ، هي رسالة و أنت المحتاج . . 🍃🍀





صلوا على سيد الخلق .. ❤
~ اللهم صل و سلم و بارك على سيدنا محمد .. ~
التعديل الأخير تم بواسطة شُرُوقُ الشَّمْسْ ~ ; 2019-05-17 الساعة 04:30
2019-05-17, 03:32
#2
الصورة الرمزية ظِلْ سُرْيالِيَّة
ظِلْ سُرْيالِيَّة
:: مشرفة ::
منتـديات الاسـرة و المجتمع
تاريخ التسجيل : Aug 2017
الدولة : الجزائر - الجزائر
العمر : (غير محدد)
الجنس : انثى
المشاركات : 3,501
تقييم المستوى : 9
ظِلْ سُرْيالِيَّة غير متواجد حالياً
افتراضي رد: كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
مالحظتوش بلي دايما مخرجتها على الموضوع؟

ايا صحيتي وبارك الله فيك

..~
2019-05-17, 15:21
#3
الصورة الرمزية شُرُوقُ الشَّمْسْ ~
شُرُوقُ الشَّمْسْ ~
:: مراقبة عامة ::
تاريخ التسجيل : Jul 2017
الدولة : الجزائر - الجزائر
العمر : 15 - 20
الجنس : انثى
المشاركات : 5,653
تقييم المستوى : 14
شُرُوقُ الشَّمْسْ ~ غير متواجد حالياً
افتراضي رد: كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
المشاركة الأصلية كتبت بواسطة ظِلْ سُرْيالِيَّة
مالحظتوش بلي دايما مخرجتها على الموضوع؟

ايا صحيتي وبارك الله فيك

..~
لا حظنآ لاحظنآ ماحبيتش نقصفك مهم حكمتك يآ ميرال العآقلة
عسي روحك للمرة الثانية
وقعت عينك على آية في المصحف أو سمعتهآ من الإمآم ، أو في طريق ، كله لم يكن صدفة بتاتا ! خذها بقوة ، هي رسالة و أنت المحتاج . . 🍃🍀





صلوا على سيد الخلق .. ❤
~ اللهم صل و سلم و بارك على سيدنا محمد .. ~
2019-05-17, 03:41
#4
الصورة الرمزية أُمنِيّة صَغِيرَة
أُمنِيّة صَغِيرَة
:: عضو بارز ::
تاريخ التسجيل : Oct 2018
الدولة : الجزائر - الجزائر
العمر : (غير محدد)
الجنس : انثى
المشاركات : 3,708
تقييم المستوى : 8
أُمنِيّة صَغِيرَة غير متواجد حالياً
افتراضي رد: كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
عجبتني بزاف هه الرد كان هادئا على ما يبدو لكنها لطيفة و متفهمة شكرا ليك أختي روميساء
و كُنْ لِنَفْسِكَ كُلَّ شَيْءْ .
2019-05-17, 14:01
#5
الصورة الرمزية محبة القرآن
محبة القرآن
:: مشرفة ::
منتدى طاسيلي الاسلامي
تاريخ التسجيل : Sep 2017
الدولة : الجزائر - الجزائر
العمر : 10 - 15
الجنس : انثى
المشاركات : 7,389
تقييم المستوى : 17
محبة القرآن متواجد حالياً
افتراضي رد: كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
ههه هايلة ميرال
- تحكي طول من قلبها -
حتى شادي وحكمتوه هه

صحيتي روميساء
2019-05-17, 18:06
#6
الصورة الرمزية ظِلْ سُرْيالِيَّة
ظِلْ سُرْيالِيَّة
:: مشرفة ::
منتـديات الاسـرة و المجتمع
تاريخ التسجيل : Aug 2017
الدولة : الجزائر - الجزائر
العمر : (غير محدد)
الجنس : انثى
المشاركات : 3,501
تقييم المستوى : 9
ظِلْ سُرْيالِيَّة غير متواجد حالياً
افتراضي رد: كآميرا خفية " أملي بالله كبير " لـ " ظِلْ سُرْيالِيَّة " تفضلوا 👉
ههه روميسآ يكثر خيرك بنتي




الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع
المواضيع المتشابهه
الموضوع كاتب الموضوع المنتدى مشاركات آخر مشاركة
موضوع مميز إذكار الصباح و المساء ( أملي بالله كبير و fleur du jour) شُرُوقُ الشَّمْسْ ~ طاسيلي الإسلامي 35 2019-07-14 10:56
"◦˚ღ الأخت " أملي بالله كبير " ضيفة كريمة تحت عدسة صرحنا ღ˚◦" Dr.ikrams تحت عدسة طاسيلي 41 2019-02-21 18:36
قبيلة قريش ماكي نيشيكينو طاسيلي الإسلامي 7 2018-02-18 18:38

الساعة معتمدة بتوقيت الجزائر . الساعة الآن : 23:53
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)