العجينة
1كلغ فرينة من الفضل سيم
2مغارف اكل لحضة
2مغارغ اكل سكر
مغرف ملح
او تقدري تحطي شوي جلجلانية
الحشو
1كلغ سكالوب
حبتين طماطم
6حبات فلفل حلو و حار
التزيين
بيضة مخفوقة و قليل من القهوة الطايبة
قليل من الجلجلانية
طريقة التحضير
نسخنو الماء حتا يولي دافئ
نغربلو الفرينة او نضيفو بقية المقادير
نلمو العجينة بالماء و نخلوها تخمر
نحطو مقلة فيها زيت و نقطعو اللحم مكعبات ضغيرة الحجم قليلا و نقليوهم على نار هادية و نضيفولهم رشة فلفل اسود او شوي ثوم او زنجبيل او رشة ثوم و تقدرو تضيفو رشة راس الحانوت راح يمد للحم لون اصفر يشهي او ما ننساوش الملح نضيفوه و ندوقو
كي نقلو اللحم نحوه وحطو الفلفل يتقلا نضيفولو نفس الممكونات عدا راس الحانوت و الزنجبيل باش يحافظ على الدوق ديالو
منبعد الفلفل نحطو الطماطم او ما تنساوش تقلوهم كامل في نفس المقلة باش يهز كل مكون البنة ديال لي قبلو او نتبلوه بنفس مكونات اللحم وشيهوا نزيدولهم شوي الثوم باش ينحي هاديك الريحة تاع الطماطم النية
منبعد نحكمو بلا او نقسمو لعجينة علا 2
النص الاول نبسطوه فوق البلا او نستفو فوقه اللحم منبعد الفلفل منبعد الطماطم
او هحنا لي تحب تقدر تضيف الفرماج لي تحب
منبعد نبسطو النص التاني تاع العجينة او نحطوه فوق الحشو
نضربو البيضة معا شوي تاع القهوة الطايبة او او نغلو بيه الوجة تاع الفطيرة
منبعد نرشو بشوي ديال الجلجلانية
و ندخلو لبلا للفرن او طيب الفطيرة حتا يولي لونها دهبي
واخيرا تقدم بالصحة و العافية