السلام عليكم ورحمة الله وبركاته

#سؤال_الاول يكون هاك: استخرج من الاية وسيلة من وسائل تتبيث عقيدة ؟
و يعطوك اية ،باش تعرف وسيلة لي في الاية شوف كفاه دير ...
1 اذا لقيت في الاية ،.الله ، مذكورة صاي ..كون هاني وحط اجابة تذكير بقدرة الله
2 و لا شفت في الاية كاين .. يعقلون ، يتذكرون ،يتفكرون ،يعلمون ،يتدبرون
اجابة تكون اثارة العقل
بصح حرز ليق تكون وحدها مكانش قبلها لا مثال لا يعقلون ،لا قبلها حرف لا ليق تكون هاك : (يعقلون)
3غير تشوف الاية فيها حوار بين الله و انسان و لا انسان يعترف بخطأه و لا عقائد يهود و لا نصارى غير تشوف حاجة منهم حط اجابة مناقشة انحرافات
4 اذا شفت الاية تهدر على اخلاق مؤمنين و علا جنة اجابة تكون رسم صور محببة عن مؤمنين
5 اذا لقيت ذكر جهنم و صفات كفار سيئة اجابة تكون رسم صور منفرة للكفرين
6..اخر وسيلة اثارة وجدان هذي نساها متخرجهاش قع الا اذا قالك اذكر وسائل تتبيث عقيدة اما من الاية متخرجهاش قع
#سؤال_ثاني يقولك استخرج قيمة من الاية
يليق تحفظ القيم
شوف كفاه تحفظهم
1-قيمة اجتماعية نجمعوها في كلمة #متت
م مسؤلية
ت تعاون
ت تكافل اجتماعية
2- قيمة فردية كلمة #صرعاص
ص صبر
ر رحمة
ع عفو
ا احسان
ص صدق
3-قيم اسرية كلمة #مرتي
م معاشرة بالمعروف
ر رحمة و مودة
ت تكافل اسري
4- قيمة سياسية كلمة #عطش
ع عدل
ط طاعة
ش شورى
احفضهم هذو قـع بلا شرح و اذا قالك استخرج من الاية قيمة شوف في الاية..إذا كاين قيمة من القيم لي رك حافضهم كيما صدق و لا احسان مين تلقاها قولو قيمة صدق و هي من قيم الفردية هذا مثال برك بصح مشي شرط تلقى كلمة هيا لا قادر تكون هك مثال
الصدق تلقاها صادقين
احسان،تلقاها محسنين 😋


كيفية الاجابة في مادة العلوم الاسلامية