طاسيلي الجزائري - مربى السفرجل بطريقة جديدة

طاسيلي الجزائري (https://www.tassilialgerie.com/vb/index.php)

- قـسم العصائر و التحليات (https://www.tassilialgerie.com/vb/forumdisplay.php?f=164)

- - مربى السفرجل بطريقة جديدة (https://www.tassilialgerie.com/vb/showthread.php?t=13824)

Tassilialgerie

2013-05-12 19:11

مربى السفرجل بطريقة جديدة

المقادير:
لم احدد كمية السفرجل مع السكر و الليمون انت تتحكمي في المقادير حسب الكمية كيما رانا رايحين نشوفو في طريقة التحضير
- فاكهة السفرجل من 1kg الى2kg
- سكر
- ليمون من 4 الى 5 حبات ( حسب كمية السفرجل )

الطريقة
اولا للمربى
- نغسل حبات السفرجل مليح و نشفهم
http://im11.gulfup.com/2011-10-22/1319318468631.jpg

http://im11.gulfup.com/2011-10-22/1319318468722.jpg
- نقشر حبات السفرجل و ننزع منهم اللب نترك القشور و اللب على جهة و حبات السفرجل المنظفة على جهة بحيث كل مرة و هذا ضروري كي نقشر حبة السفرجل نمسحها مليح بنصف حبة ليمون باش ماتكحالش
http://im11.gulfup.com/2011-10-22/1319318468603.jpg
- ندي قدر و كسكاس بحيث ندير كمية من الماء في القدر و نخليه يغلي كي يبدا يغلي نضيف عليه القشور و اللب و هو ساخن و هذا لصناعة جيلي
http://im11.gulfup.com/2011-10-22/1319318468334.jpg
و ندير قطع السفرجل اللي نقيناهم في الكسكاس و نغطي عليهم و نوضعهم فوق القدر اللي بيه القشورو العلوف و نخليهم يفورو مدة 20 د حتى يولي طري
http://im11.gulfup.com/2011-10-22/1319318468805.jpg
- من بعد ندي رحيوة و نرحي قطع السفرجل
http://im11.gulfup.com/2011-10-22/1319318468917.jpg
و هنا تتحكمي في كمية السكر حسب كمية السفرجل اللي تحصلنا عليها بحيث عبر سفرجل يعطينا 2 عبار سكر ماشي معمرين أي كمية السكر تكون دايما ضعف كمية السفرجل
http://im11.gulfup.com/2011-10-22/1319318471858.jpg
- ندي صحن من الاحسن يكون من الفخار و ليس حديد ندير فيه كمية السفرجل و السكر + عصير الليمون تقريبا كاس و نخليه يبات ليلة كاملة قبل الطهو
http://im11.gulfup.com/2011-10-22/1319318472339.jpg

http://im11.gulfup.com/2011-10-22/1319318468326.jpg

و نروح نحضر الجيلي عادي
- في اليوم الموالي نضع خليط السفرجل في كسرونة
http://im11.gulfup.com/2011-10-22/13193184729910.jpg
و على نار هادئة نبدا نحرك دون انقطاع لان لو خليناه راه رايح يلسق في القاع و يشكل كراميل لازم نحرك حتى نشوف بلي السكر ذاب او مالصقش في قاع الكسرونةو تحول لونه الى الذهبي
- ندي مول ندهنوه بالزيت و هنا كيما نحب اذا حبيتي سمك السفرجل يجي سميك ندي مول صغير و اذا حبينا سمك رقيق ندي مول شوية كبير نفرغ المربى و نخليه يبرد من بعد نغطي عليه بورق المنيوم و نخليه في مكان عادي حتى يتماسك و لا يقطع الا بعد مرور 4 ايام على الاقل
- بعد مرور هذه المدة يقطع السفرجل مقروطات وهنا لكي الاختيار تحبي تخليه هكدا او ترمديه في سكر عاديى المخلوط مع سكر فانيلا لاعطاء الذوق و يولي كيما الحلقومة
2 للجيلي
- الماء اللي غلا فيه القشور + العلوف نصفيه من بعد نعبر كمية نتاع هداك الماء هي نفسها كمية السكر + شوية عصير القارص
ندير الكل في كسرونة و على نار هادئة نحرك مرة ولا زوج مانحركش بزاف حتى يعطي نتيجة افضل و نخليه حتى يولي عاقد
ملاحظة
- بالنسبة لاجيلي نتاع السفرجل كي نعملها باش تعرفي بلي جهزت نرفد بالملعقة و نلاحظ الا ماقطرتش نعرف بلي لا جيلي وجدت
- لا جيلي نتاع السفرجل كي توجد نقدر نوضع طبقة من السفرجل + طبقة من لاجيلي + طبقة من السفرجل او نشكل كريات و نحشيها بلاجيلي
- الا استعملنا لا جيلي في الحشوات او استعمالها كنباج نسخنها شوية حتى يسهل لينا استعمالها
- بعدما تقطعي حبات السفرجل نقدر نوضعوه في الثلاجة
- و هذه هي صور المربى و لاجيلي السفرجل

mOuli

2013-05-12 19:24

راك حاكم بلاصتك في الكوزينة
بارك الله فيك

مَجَرَّةٌ مُلَـونّة

2018-12-30 16:02