سلاطة مهراس ( الزفيطي )
السلام عليكم ورحمة الله وتعالى وبركاته حبيت اليوم نحطلكم السلاطة المهراس المسيلية باه تتعرفو عليها وتجربوها لما لا نبداو بسم الله نحطو الدقيق نعجنوه بالماء والملح بعد ذلك نشوي الطماطم والفلفل الاخضر الحار والثوم على الطاجين فوق النار كي يطيبو ننقو الطماطم نحطوها في مرميطة مع كاس ماء وشويا ملح ونقطعو فيها نصف ربطة كسبر وننقيو الفلفل والثوم نديروهم في المهراس ونزيدولهم فلفل احمر يابس نغسلوه وننقيوه من الزريعة وملح نهرسو الخليط اللي في المهراس حتان يصبح رطب ومدقدق نطيبو الكسرة في الطاجين بعد ما تطيب الكسرة نطبقوها على 4 ونحطوها في المهراس ونهرسو حتان تدقدق مليح وتتخلط مع الخليط اللي كنا هرسناه من قبل وفي نفس الوقت نكونو لحنا الخبزة التانية في الطاجين وكي تطيب نطبقوها على 4 ونلوحوها في المهراس وندقوه وهي الكسرة سخونة وبعد ذلك نحطو الخليط نتاع الطماطم والكسبر بالتدريج ونبقاو ندقو في المهراس حتان تتفتت الكسرة مليح ونبقاو نضيفو الطماطم والماء نتاعها حتان تختلط كل المكونات مليح وفي الاخير نحطولها شويا كسبر وشهية طيبة ننتظر ردودكم واراءكم على سلاطة المهراس http://sphotos.ak.fbcdn.net/hphotos-...2_339288_n.jpg |
مشكوووووورة والله يعطيك الف عافيه
|
الله يبارك اكلة شعبية مسيلية معروفة
مي انا كنت منعرفهاش شكراا لك على التعريف بيه ان شاء الله نذوقها كاش نهار |
|
وشن هادي جامي شفتها
شكرا على السلطة |
شكرا لمروركم على موضوعي وهذا شرف لي ووسام على صدري
|
هدا نقولولو باطوط بابا يموت عليه
|
ايه توحة كاينين لي يقولو باطوط
ههههههه اخدمي لباباك ههههههههههه شكرا لمرورك العطر |
اممممممممممم لذيذة ههههههههههه مشكوووووووووووووووورة يا غالية ت تقبلي تحياتي و ذوقي من السلاطة هههه |
شكرا لمرورك على موضوعي وهذا شرف لي ووسام على صدري
|
الساعة معتمدة بتوقيت الجزائر . الساعة الآن : 09:04 |
Powered by vBulletin® Copyright ©2000 - 2024
التعليقات المنشورة لا تعبر عن رأي شبكة طاسيلي ولا نتحمل أي مسؤولية قانونية حيال ذلك (ويتحمل كاتبها مسؤولية النشر)