khaled.dz
2012-09-09, 18:14
في يوم عاصف و ممطر خرجت انا خالد السطايفي من منزلي للتنزه سطيف وانا امشي و نفكر سالت نفسي يا ترى وين راهي البنت .اللي رايح نتزوجها و تكون حلالي و كيفاه مدايرة هادي سعيدة الحظ ؟؟ فاثناء سيري في الطريق لمحت بنت لم اكن قد رايتها سابقا... لقيتها تمشي وحدها و تشوف في المرااة وتغني مرأاااتي مرأاااتي من اجمل الفتياتي ؟؟؟ ’ فتوقفت امامها و المطر يتساقط فوق راسها وقلتلها لازم تمشطي شعرك مليح ماتخليهش مكشرد .....وديري الماكياج وكثري من نيفيا كي تكوني قاعدة قدام المري باه يتنحى الحب اللي في وجهك .... قلتلها اول مرة نشوف طفلة عندها اللحية في وجها .منين انت وين كوكب تعيشي ؟؟ واهديتلها وردة حمراء ........حبيت نقلقها ونهبطلها المورال برك ... صراحة كانت اجمل فتاة شافوها عينيا ....جمال طبيعي صح .....فاغرمت بها لانها دخلت الى قلبي من اوسع ابوابه قالتلي **الزينة بلا كحل والعزيزة بلا طفل ** قلتلها وي سي فري عندك الحق.. ماعليش نوصلك؟ فنظرت اليا نظرة يسودها الغضب فردت عليا و من تكون انت حتى توصلني,؟ فقلت لها رايتك مبتلة فاردت المساعدة لا غير , فقالت لي لا احتاج مساعدة احد روح اخطيني... فاذا بسيارة فخمة نوع R 4 تحبس قدامنا فذهبت هي تجري للتعرف على صاحب السيارة وباه تدي رقم بورطابلو وتعطيلو رقمها لكن صاحب السيارة قاللها روحي تلعبي بعيد سينو نشاليك بدماغ نرجعك ل 15 سنة للوراء نسيك في الماضي..راني توقفت على جال خالد السطايفي باسكو انا هو السواق الخاص به فدمعت عيناها وحزنت من القلب... ومبعد رجعت توالي وقالتلي اسمحلي هيا توصلني ** فصفعتها بكف وقلتلها امشي تمشي عليك كرشك سينو نشاليك بصباط يخرج الغبار من ظهرك و ملامح الدهشة بادية عليها ...بدات تبكي وتندب .. ....جرحت مشاعرها هههههه بكات قدامي وبكاتني معاها ..دمعتها اسيد حرقتلي القلب ورشاتو ..فاجهشت هي بالبكاء فأخرجت منديل من جيبي و مسحت صباطي ...... قاتلي لازم تسمحلي بالسيف عليك**...نقسر برك خالد قلبو كبير و طيب بزاف ويحب يسامح فسامحتها و وافقت على ان تركب هي معي بشرط ان تنزع حذائها لكي لا توسخ الطومبيل .....فلما ركبت قالتلي عندما كنت صغيرة ظننت ان المال هو كل شيء و لكن عندما كبرت تأكدت من ذلك 0_o وبدات تحكي قصة حياتها الحزينة مع زوجة ابيها وقالتلي ساصارحك القول راني نحوس صراحة على شخص يفهمني ونفهمو طيب وناس ملاح ولديه سكنه الخاص خدام فحل و اريده اشقرو عينيه خوضر بشرط ان يكون سطايفي عندو فيلا والدراهم وامو ما تسكنش معانا ويكون اسمو خالد اريده فائق الجمال ...قلتلها علاه ؟؟ راكي تخيري في الدلاع ؟؟؟نصيحة ليك وافقي باول واحد يتقدملك سينو تقعدي بايرة وتاكدي اللي يحبك صح..هو اللي ِيخليك تلبسي الفستان الأبيض في عرسووانا هو هذاك الشخص ..مي الفقر والحب ما يتلاقاوش... للاسف ......ومبعد قالتلي راني حاب نعرضك للسينما نتفرجو مسلسل الزرافة الانيقة والتمساح الاليف ؟؟ قلتلها اوكي يكون غير خاطرك ....فذهبنا الى السينما لكنها اصرت ان تدخل هيا الاولى ولما دخلت بعدها وجدتها تمشط شعرها امام المراة وكلها اناقة وجمال وقفت امامها وقفة مهند ...ونظرت اليها نظرة توم كروز... وابتسمت ابتسامة كسوفي.... ثم انحنيت اليها وهمست في اذنها و تكلمت معها بصوت اندرتايكر وقلت لها ...لابوليس راهم يحوسو عليك ان شاء الله توجعك ضرستك نهار عرسك و يوجعك مخك نهار الباك واش درتي يا وجه الشر ؟؟ ماجاوبتنيش وبدات تبكي و تندب على راسها .... فأخرجت منديل من جيبي و مسحت صباطي ... في لحضة دخلو لابوليس للقاعة تاع السينما وسنسلوها وسنسلوني معاها للكوميساريا ... انا مافهمت فيها والو سقسيتهم قلتلهم واش دارت ؟؟ قالولي راهي سرقت قلب واحد و مارجعاتوش وخلاتو متعذب وحزين ....te be centened ..مبعد دخلوني معاها للحبس و خطرة اخرى نحكيلكم كيفاه هربنا من الحبس و رحنا للهند و صورنا فيلم و شطحنا كالهنودة هي تغني وانا نشطح بالقشابية ...........
امممممممممممم هي أرادتني قيسا و كنت لها كذاك وانا لم اردها ليلى بل أردتها ......؟؟ كملوها .... راس بلا فهامة حبة دلاع خير منو ..........سلام
امممممممممممم هي أرادتني قيسا و كنت لها كذاك وانا لم اردها ليلى بل أردتها ......؟؟ كملوها .... راس بلا فهامة حبة دلاع خير منو ..........سلام