بسم الله الرحمن الرحيم

السلام عليكم ورحمة الله وبركاته

باب دار الضياف يجي على برا



علبالي العنوان شويا غريب عليكم برك بغيت نفكركم
بحاجة من التراث والعادات انتاعنا كاين بزاف في
مدينتي غليزان واعراف انها موجودة في كل ولايات
الجزائرية خاصة في المناطق الريفية صحاب المدينة
تخالو عليها شويا .
لي هيا باب دار الضياف كيما نقولوا حنا الصالة يكون
باب انتاعها على برا يعني الضيف يدخل من الباب غير
باب انتاع الدار كامل هذوا جدودنا ههههه كانوا بش تدخل
للدار يليقلك كانوا يعطوا للدار حرمة كبيرة بش يدخلها
واحد غريب .
بصح دروك الحالة تبدلت دخلت علينا تصاميم غربية
صبحت الصالة و تدخلها بش تروح للوزينة وكل الغرف
اخرها الحادثة لي حكى عليها بوتفليقة لمدير شركة
مصرية بنات عمارات في العاصمة على الطريقة الشرقية
الصالة تكون في قلب الدار قالوا : بوتفليقة حنا هذي
مشي من عادتنا اي واحد يجي يشوف كامل دارك

ويبقى تعليكم ليكم .... ؟