:: عضوية شرفية ::
تاريخ التسجيل : Oct 2016
الدولة : الجزائر - البويرة
العمر : 15 - 20
الجنس : انثى
المشاركات : 3,035
تقييم المستوى : 12
مشاركتي في مسابقة رمضان في الصغر
احم احم بدون مقدمات انا كي كنت صغيرة كنت مانصبرش على الماكلة نرجف كي الفلون نتاع الشيكولا نتاع عاشور خخخ
ايا امالا واحد المرة قلتلهم نصوم زعما وانا باه برك ناكل في السحور نضت تسحرت ماخليت والو ههههه ونضت على ثمنية نتاع الصباح لقيته الكل مصروعين راقدين نضت شربت الماء وكليت القوفريط مع صباح ربي زدت وليت نرقد لحقت 12 نتاع النهار رحت شديت الكسرونة نتاع طاجين الحلو الزبيب كامل كليتو ماخليت حتا حبة ماخليتها زيد رحت للميوناز فرغتها كامل وانا ناكل قعددت شوية شديت الدلاع كول كول كملت ربع نتاع الدلاعة ومبعد جات ماما خبيت ونظفت جمبع معالم الجريمة وقعدت ندير روحي دايخة قاتلي اليوم نتهلا في بنتي // ياماما بنتك كملت كلش خخخ// ومبعد رحت زدت رقدت غير شوية ورجعت قاتلي ماما راكي صايمة روحي ديري حاجة نتاع خير نتي وصحاباتك قلتلها اعطيني مثال قاتلي زعما كي تلاقاي حجرة في الطريق ارفديها وبعديها هكا ربي يعطيك حسنات
رحت ناديت لصحاباتي الكل وقلتلهم ايا امشو نحطو الحجر في الطريق المهم واش نقوللكم عمرنا الطريق بالحجر ومبعد هوما راحو يلعبو وانا شديت نحيتهم كامل طلعت معمرة بالطين قاتلي يابنتي واش صرالك قلتلها كنت ندير في الخير /// ديت كف ثلاثية الابعاد يا جدكم // بدلت حوايجي وقلت نقرا القران ونصلي نقرا صفحة وصفحة لا واشمن قرل ية نتاع و سوس وس نقلد لي قدامي برك قعدت شوية هوما خرجو من الكوزينة وانا رحت طاايرة ليها لقيتهم داروا لفلان وشديت كليت الاولى وزادت عجبتني الثانية والثالثة قلت مانخليهاش ففي قلبي بقاو ثلاثة قلت وعلاش مانزيدش ناكلهم كليت كامل وزددت فتحت قرعة القازوز شربت نصها //علابالي بلي تقولو هاذي وحش ماشي بشر تاكل هذا كومبلي مي المشكلة انا كنت ناكل بسلامتي ///لحقو باه يوجدو للفطور لقاو الدلاع +القوفريط + الفلان + القازوز+ طاجين الحلو خالي من الزبيب قعدو يشوفو فيا وانا نناظر فيهم على اساس البنت العاقلة المهم هذاك النهار ماما قاتلي والله ماتزيدي تصومي
ههههه هاذي كانت مغامرتي في رمضان في سن 5 سنين