المقادير

1. حبّة باتنجان كبيرة
   
2. ملح
   
3. زيت نباتي
   

طريقة التحضير



قبل تقطيع البتنجان، ممكن نقشرو، لكن بطريقة اليوم رح نقلي البتنجان بقشره.
منتخلّص من راس البتجانة ومنقطعا لدواير رفيعة.




قبل ما نقلي شرايح البتنجان، منوضعن بمصفاية تحتا وعاء، منضيف ثلاث ملاعق كبيرة من الملح ،
منفركن جيّدا بهالشّكل ومنتركن منقوعين بين 20 و 30 دقيقة. هالخطوة ضرورية للتخفيف

من رطوبة البتنجان حتّى ما يتشرب كمّية كبيرة من الزّيت وحتّى ما يتطاير علينا الزيت

الحامي وقت القلي. أيضا، بساعد الملح على التخفيف من مرارة البتنجان.

ما تخافو من كمّية الملح اللي ضفناها، فمعظما رح يخرج عن طريق المصفاية.




بعد نقع شرايح البتنجان، منلاحظ إنن صارو أطرى وإنه تجمّع علين نقاط من الماي.

منلاحظ أيضا كمية السوائل اللي خرجت من البتنجان وتجمعت بالوعاء.



منصف شرايح البتنجان على طبق مغطى بمحارم ورقية.
و منجففن بهالطريقة لنتخلّص من المي والملح الزايد،
لكن ما منغسلن حتى ما نرجعلن الرطوبة من جديد. من الضروري

إنو نجفف البتنجان جيدا حتى نتفادى مخاطر الزيت الحامي.



من بعدا، منغمّس شرائح البتنجان بالدّقيق من الجهتين بهالطريقة.
هالخطوة مهمّة لتخفيف كمّية الزّيت اللّي بيتشرّبا البتنجان وللحصول على طبقة مقرمشة حولن.



وهلّأ صار البتنجان جاهز للقلي. منحمّي الزيت بمقلاة مسطّحة،

منوضع شرائح البتنجان عليها ومنحمّرن من الجهتين بهالطريقة.


بعد القلي، منوضع شرايح البتنجان فوق طبق مغطى بمحارم ورقية لمدّة عشر دقايق

حتى يتصفى منن الزيت. بهالطريقة منكون قلينا البتنجان بطريقة صحيّة وآمنة.

مشكوووره على الطريقة

مشكوووووور والله يعطيك الف عافيه

مشكووورة سماسم ^^

العفو اختي حفصة

مشكووورة حبيبتي

الله يعافيك اختي

العفو يا اسراء

ربي يجازيك

العفو يا اسراء