:: عضوية شرفية ::
تاريخ التسجيل : Sep 2015
الدولة : الجزائر - البويرة
العمر : 20 - 25
الجنس : انثى
المشاركات : 28,526
تقييم المستوى : 49
أرواحوا نحكوا على الدخول المدرسي ..
السلام عليكم و رحمة الله
واش احوالكم ؟
إن شاء الله راكم لاباس
و أموركم بخير
ندخل ديراكت في الموضوع
كيما علابالكم قرب الدخول المدرسي و العطلة بدات تخلاص
و يخلاص معاها الرقاد و السهرات و الكونيكسيو و التفراج و الخرجات
و كيما راكم تشوفو رجعت المحلات من البعيد تشوف فيها المآزر
الغوز و الازرق و الأبيض
و الآباء توجهو لاقتناء الأدوات المدرسية مع أولادهم
هذو كراريس ، هذو أقلام ، هذو غلافات و لوحات و غيرها
لهذا حبيت نرجعو للوراء شوية
و نتفكروا يمات الغفلة ^^
و أيام البراءة
و نشوف إذا مازالكم شافيين و لا راحتلكم الذاكرة ^^
نبداو مع اللوحة و الطبشور
الطباشير نشفى كانوا عندي ألوان أشكال
كنت نحب نكتب بالأبيض و الأصفر
اللوحة سوداء باش يبانو للبعيد
و نظنكم تشفاو على هذي الممسحة الأسطورية
الدائرية ^^
و الممحاة اللي كنا نحبوها " تمحي الحبر ^^ "
ياه على اليامات
نجيبو الكتب نبعثوهم للأم تغلفهم و نغلفوهم معاها
و نضربوا طلة مرة على مرة على النصوص نقراوهم زعما
^^
و نلصقوا في هذوك البطاقات
هه أنا كنت نحب نتع الورود ^^
و مرات ندير نتع باربي و سندريلا ووو
و نشفى أول نهار ليا في ليكول دخلت فرحانة مع بابا
الآن تغيرت الأدوات المدرسية مع تغير الأجيال
حتى العقليات تبدلو
المهم تفضلوا احكولنا على ذكرياتكم
و تحمسكم للعام الدراسي الجديد
لكم الخط
( فَإِنَّهَا لا تَعْمَى الأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ ) ( الحج / 46 )
علَيكَ مُتَوَكلين وبك نَظُن الظَن الجَميل
اللهم قدراً جميلاً ، وخَيرا يتبعهُ رِضاك ❤
معرَّفي السابق : الْعُرْوَةُ الْوُثْقَى
صــارحـنـي