رز وفريكة باللحمة الناعمة

المقادير

1. كاسة رز صنوايت
   
2. كاسة فريكة
   
3. 200 غرام لحمة مفرومة
   
4. حبة لوز محمص
   
5. سمنة
   
6. قرفة وبهار أسود وملح
   

طريقة التحضير

1. 
   
   ملاحظة. ازا كنتو حابين تعملوها باللحمة شقف او دجاج لازم تطبخو الرز والفريكة بمي سلق الدجاج واللحمة
   
   
   
   
   
2. 
   
   أول الشي مننقع الرز ربع ساعة أما الفريكة مابدا نقع ابدا
   
   
   
   
   
3. 
   
   منحط بطنجرة الأولى كاستين مي ومعلقة صغيرة قرفة ونص معلقة بهار وملح حسب الرغبة ومعلقة كبيرة سمنة بس تغلي المي منحط الفريكة وبس تغلي الفريكة منغطي الطنجرة ومنخفف النار لحتى يضل شوية مي منطفي عليها ومنترك الطنجرة مسكرة لحتى تتفلفل الفريكة
   
   
   
   
   
4. 
   
   بطنجرة تانية منحط كاسة ونص مي وملح حسب الرغبة ومعلقة سمنة كبيرة وبس تغلي المي منحط الرز المنقوع وبس غلا الرز منوطي النار ومنغطي الطنجرة لتنشف المي وبس استوت منترك الطنجرة كمان مغطاية شي ربع ساعة ليتفلفل الرز
   
   
   
   
   
5. 
   
   منحمص اللوز أو المكسرات اللي بدكن ياها بالزبدة ومنحطا ع طرف
   
   
   
   
   
6. 
   
   بطواية تيفال منقلي اللحمة الناعمة ومنحطلا بهار اسود وملح حسب الرغبة
   
   
   
   
   
7. 
   
   بعدين منحط الفريكة بصحن وفوقا الرز وبعدين اللحمة والمكسرات وصحة وهنا عقلبكن
   
   
   
   
   

مشكورة سوسيتا الوصفة تجنن

بارك الله فيك

المشاركة الأصلية كتبت بواسطة رحيق الصمت

مشكورة سوسيتا الوصفة تجنن


العفو يا اية .

وصفة جميلة
وسهلة التحضير شكرا لك

شو هيدا سمية حبيبتي أخذتينا ع لبنان
مشكورة على الوصفة

واش هي فريكة؟؟؟؟

وفيك البرك منالتا

وردك اجمل اختي ميرا
وصفة سهلة سأنتظر أن تطبخيها تم تبعتينها لي لآكلها هههه امزح معك

ههههه
العفو حبيبتي
وضعتها خصيصا لك لكي تطبيخا وتبعتيها لي والتهمها خخخ
اسعدني مرورك