قصة صبرينة والاشرار السبعة

[khaled.dz]

== قصة صبرينة والاشرار السبعة ==



كان يامكان في سالف العصر والزمان كانت هناك طفلة جميلة اسمها صبرينة تعيش في قصر أبيها سي

مختار وكان السي مختار أرملا وكان يخدم في الخطوط الجوية الجزائرية فلم يكن له وقت للاعتناء

بابنته الصغيرة و الوحيدة ..فتزوج من سعدية بنت مسعود وأسكنها في قصره ضنا منه انها سترعى له

بنته وكانت لسعدية بنتان واحدة سمينة والاخرى مشيانة مسكينة وذات يوم غاب سي مختار عن البيت

في رحلة الى موزمبيق العضيمة من اجل عمل هام وترك بنته أمانة في رقبة زوجته فطار بطيارته في

الصباح الباكر وهنا بدا فلم الاكشن ..بدأت المدام سعدية تطلق السم والشر الذي كان في قلبها وتنشره

في اركان القصر لتطرد الاميرة الصغيرة صبرينة من البيت لانها كانت أجمل منها بكثير. فكانت كلما

دخلت الى الكوزينة تنظر الى الكوكوطة تسألها من اجمل الجميلات في الجزائر؟؟؟ فتجيبها الكوكوطة

أنت أجمل لكن صبرينة أجمل منك... فحرشت عليها خدامها سي معمر فأخذ صبرينة الزينة.. زعمة في

نزهة الى الغابة بغرض قتلها لكن سي معمر غاضته ..فتركها تذهب فهربت من شدة الخوف والرعب

فوجدت كوخا صغيرا في وسط الغابة يسكنه قزازم صغار... نسيت اسماءهم لانهم بزاف .... فرقدت

بالداخل ليلتين ولما جاؤو الاقزام ظنو أنها مسخوطة و وجه نحس وشر فأرادو طردها من بيتهم ايضا

... فبدأت المسكينة تندب عليهم بالبكاء وتشكي ليهم همها وشر زوجة ابيها فتركوها.. بعد ذلك أصبحت

كأختهم الكبرى تطيب لهم العدس واللوبيا والفريت اوملات وكل منتجات الشعب الجزائري .. وذات يوم

ذهب الاقزام الاشرار لسرقة بونكة في سطيف ..عندما سمعت طاطة سعدية بذالك جاءت متنكرة لابسة

قشابية وحاملة عصى على هيئة انها انسانة فقيرة ومعها تفاحة مسمومة فطبطبت في الباب ولما

فتحت عليها صبرينة... قالت لها سعدية : عندك شوي خبز يابس .؟؟فردت عليها صبرينة : اصبري

ذرك نجيبلك ..راني مخبية زوج ساشيات تاع رخيش فيهم خبز وكسرة يابسين وصابحين. بعد ذلك قررت

سعدية اعطاءها التفاحة نتيجة كرمها وجودها لكن هذه التفاحة كانت مسمومة ...في الاول رفضت

صبرينة المسكينة اخذها لكنها قبلت لانها لم تشأ أن تراطي تلك الفرصة الذهبية خاصة أنها تذكرت

بلي راح تتعشى البيض المقلي.... فضربت عضة.. عند قضمها القضمة الاولي سقطت في الأرض

وهربت طاطة سعدية وهي في شدة الفرح والسرور متخيلة باللي راهي ماتت ولما جاء الاقزام بربح

وفير نتيجة السرقة اللتي قامو بها في الصباح وجدوها مرمية في الارض ...عيطو لامبيلونس *سيارة

الاسعاف* باه يديوها لسبيطار لكن دون جدوى عند وصولهم الى المستشفى و العناية الطبية المشددة

اخبرهم الدكتور أنه لا يوجد امل في بقائها حية.. بدأ الاقزام يندبون عليها ويبكون ويخبشون في

أحناكهم ولما ذهبو لدفنها فات عليهم ميستر خالد وليد الامير لخميسي اللي يسكن في القرية المجاورة

بسيارة من نوع مارسيداس فراشة فهبط اليها عندما نظر اليها قال: او هذي نعرفها كنت نلعب معاها

في صغري لكن في الحقيقة ماكنش يعرفها الحقيقة طاح بقلبو ديركت من اول نظرة بعد تفكيرعميق

تذكر قصة الحسناء النائمة فقرر ان ***حاجة معروفة** فناظت مسرعة ففرح الاقزام ثم طلب منها

الزواج لكن الاقزام الاشرار رفضو فقال لهم ....اعطوني صبرينة ولكم الكرة الارضية .الشتاء هذا كي

يصب الثلج راني نكتب اسمها بدمي على الثلج ...لازم توافقو ولا نخطفها ولا نقلبها راقدة كيما كانت..

بكى الاقزام ثم وافقو جميعا و عقبو لحظات رمنسية ودارو عرسهم في لاصال تاع زوليخة الموجودة

في القل بضواحي سكيكدة باشراف من سمية روسيكادا ثم سافرا الى مارساي وعاشو بعدها بهناء

وسلام لما سمعت سعدية بزواج صبرينة ماتت نتيجة جلطة دماغية و سكتة قلبية ....الجنازة من ورا

رمضان في يوم العيد ههههه .................سلام

[khaled.dz]

الهااااااااااااااااااااااااااااااااااااااااااااااا ااااااااااااااااااااااااااااااااام

[سمراء الليل]

هههههههههههههههههه بسيف ما جبتولنا هاذ لقصة

ههههههههههههههههههههه يعطيك الحصه خالد ويعطيها الصحه زوليخة مرأة ونص

ننتظر قصة اخرى من تمهبيلك هههههه

ياخي خالد ياخي ههههه

[♥ إحساس بنت ♥]

نعم خالد ههههههههههههههه راني رجعتلك صبرينة هههههههههههههههه من بعد نقرى القصة ههههههههه دوختني لازملها قعدة

[رانية الدلوعة]

ههههههههههه الحمد لله خالد والله غير تمهبيلك وحده ياخي مهبول غير روح مالا اخدم
في هوليييييووووووووود راهم يسلكو مليح خير من الجزائر ههههههه بصح هايلة

[رانية الدلوعة]

في هوليووود بصح ماش صبرينة في هوليووود جسيكا تقبل؟
علابالي تقبل ههههه تبيع صبرينة بجيسيكا لاخاتر جزايري وبالاخص
سطااااااااااااااااااااااااايفيييييييييييييييييييي

[tiffany_tts]

هههههههههه والله موتني ضحك اضحك الله سنك

[زعيمة العصابة]

ههههههههههههه
هذي فور فور فور خاااااااااااااااالد مااااااااااااااااااارسي

[vive la vie]

هههههههههه والله موتني ضحك اضحك الله سنك

[زهيدة]

elle fais rire set histoire
hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhh