اجمد نكت تموت من الضحك واحد بيتقدم لوحدة.. قال أبوها: هاي مناسبة بتوكل فيها علكة؟.. قال: لازم عمي بعد السيجارة.. قال أبوها: بتدخن؟.. قال: عالخفيف عمي مع الوسكي.. قال أبوها: وكمان بتسكر؟.. قال: لما ألعب قمار بس.. قال أبوها: من متى؟.. قال: من لمى طلعت من السجن.. قال أبوها: ودخلت السجن كمان؟ ليش؟.. قال: قتلت واحد لأني طلبت إيد بنته وما قبل.. قال أبوها: على بركة الله نقرأ الفاتحة. مرة وحدة مثقفة صحت جوزها بنص الليل بتقولو: هل ينام الحب ليلاً أم ينام الليل حباً، أم أنا والليل والحب ننام.. رد عليها جوزها: هل تريدين الطلاق؟ أم الطلاق يريدك؟ أم أنت والطلاق تريدون بعض؟ بطيخة بتقول للخضار: ما تخلو البصل يجي هون، ريحتو مش حلوة وبيطفش الناس سمع البصل هالكلام وزعل كتير وقال: تروح تشوف حالها هالبطيخة الصايعة أي حد بطبطب عليها بتروح معو، يا بطيخة منحرفة. مرة واحد عجوز بقول لمرته الختيارة: شو رأيك نرجع أيام زمان أيام الشباب؟ قالت العجوز: ماشي، روح استناني في المكان اللي تقابلنا فيه أول مرة.. راح العجوز وضل يستنى، ساعة.. ساعتين.. 3 ساعات.. 4 ساعات بعدين تعب ورجع على البيت، لقى الختيارة قاعدة وبتعيط، قالها مالك شو في؟ ليش ما اجيتي زي ما اتفقنا؟ ردت العجوز: بابا ما خلاني أطلع. محشش ما بصوم، صرخ على مرته بيقولها: وين السحور؟ قالت: ليش إنت بتصوم أصلا عشان تتسحر؟ رد المحشش: ول عليكي لا صيام ولا سحور لهدرجة وصل فينا الكفر؟ مدرس عربي بيسأل الطلاب: ما هو التوكيد؟ واحد قال: التوكيد المحلى لمدينة القاهرة.. واحد قال: التوكيد والنور.. واحد تاني قال: دكتور توكيد ونسا.. واحد قال: توكيد نوكيا وأخيراً واحد قال: توكيد عكاشة.. فضحك الجميع وقدم المدرس استقالته بعد إصابته بالشلل الرعاشي. بنت كاتبه ع الفيس بوك لحبيبها اللي تركها: لما كنت بقولك "حياتي" ما كان قصدي أمدحك وأدلعك، بس مشان حياتي زباله وإنت زيها.. في تلك اللحظة وقف إبليس على رجليه ونزل النظارة وقال لأولاده: تعلمو يا أولاد الكلب. بنت بتسأل حبيبها: حبيبي إنت رح تضل تحبني حتى بعد الزواج صح حبيبي؟ قال الشب: طبعاً يا حياتي، إذا جوزك ما عندو مانع.

هههههههههههههههههههههههههههههههههههههههههه